1 पतरस 4:7 - Bagheli Bible

⁷ सगले संसार के अन्त लघेन आइगा हय, एसे तूँ पंचे संयमी अउर समझदार बना, कि जउने प्राथना कइ सका।

1 पतरस 4:7 ပူးပေါင်းရင်းမြစ်များ

मत्ती 24:42

एसे हर समय सतरक रहा, काहेकि तूँ पंचे नहीं जनते आह्या, कि तोंहार प्रभू कउने दिन अइहँय।

मत्ती 25:13

एहिन से तूँ पंचे सतरक रहा, काहेकि तूँ पंचे उआ दिन अउर समय के बारे माहीं नहीं जनते आह्या, कि उआ समय कबय आय जई?”

लूका 21:34

यीसु उनसे कहिन, “एसे तूँ पंचे सतरक रहा, अइसन न होय कि तोंहार मन घमन्ड, अउर मतबार, अउर इआ जीबन के चिन्ता माहीं परिके सुस्त होइ जाय, अउर उआ दिन तोंहरे ऊपर फन्दा कि नाईं अचानक आय परय।

लूका 21:36

एसे तूँ पंचे हर समय परमातिमा के बचन माहीं बने रहा, अउर प्राथना करत रहा, कि तूँ पंचे ईं आमँइ बाली घटनन से बचि जा, बलकिन जब मनई के लड़िका दुबारा अइहँय, तब तूँ पंचे उनखे आँगे ठाढ़ होंइ के काबिल बने रहा।”

लूका 22:46

तब यीसु उनसे कहिन, “काहे सोउते हया? उठा, प्राथना करा, जउने तूँ पंचे परिच्छा माहीं न परा।”

रोमियन 12:12

अउर अपने आसा माहीं आनन्दित रहा; दुख-मुसीबत माहीं धीरज रक्खा; अउर हमेसा प्राथना करँइ माहीं लगे रहा।

1 कुरिन्थियन 15:24

अउर एखे बाद इआ संसार के अन्त आय जई, तब इआ संसार माहीं सासन करँइ बाले सगले अधिकारिन काहीं, अउर बुरी सक्तिन काहीं यीसु मसीह नास कइ देइहँय, अउर अपने राज काहीं पिता परमातिमा के हाँथ माहीं सउँपि देइहँय।

1 कुरिन्थियन 7:29

अउर हे भाई-बहिनिव, हम इआ कहित हएन, कि समय बेलकुल कम कीन ग हय, एसे हम इआ चाहित हएन, कि जिनखे मेहेरिआ होंय, त ऊँ पंचे अइसन रहँय, कि जइसन उनखे मेहेरिअय नहिं आय;

इफीसियन 6:18

अउर तूँ पंचे हमेसा पूरे मन से पबित्र आत्मा के मदत से बिनती, प्राथना करत रहा, अउर एहिन से सचेत रहा, कि जउने सगले पबित्र मनइन के खातिर लगीतार परमातिमा से बिनती करत रहा।

फिलिप्पियन 4:5

तोंहार पंचन के सहनसीलता सगले मनइन काहीं पता चलय, जउने ऊँ प्रभू कइती आमँय, काहेकि प्रभू हरबिन आमँइ बाले हें।

कुलुस्सियन 4:2

एसे तूँ पंचे सतरक रहा, अउर परमातिमा के धन्यबाद करत प्राथना माहीं हमेसा लगे रहा।

2 तीमुथियुस 4:5

पय तूँ ईं सगली बातन से सचेत रहा, दुख-मुसीबत सहा, अउर खुसी के खबर के प्रचार के काम करा, अउर जउन सेबा तोहईं सउँपी गे ही, ओही पूर करा।

तीतुस 2:12

परमातिमा अपने दया के व्दारा चेतउनी दइके, इआ सिखाबत हें, कि हम पंचे जउन परमातिमा के भक्ती नहीं करी, ओही, अउर संसार के बुरे लोभ लालच काहीं छोंड़ि देई, अउर इआ संसार माहीं अपने ऊपर काबू रखिके, धारमिक अउर परमातिमा के भक्ती माहीं जीबन बिताई;

इब्रानियन 10:25

अउर हम पंचे अराधना माहीं जाब न छोंड़ी, अउर उनखे कि नाईं न बनी, जउन ईं बातन काहीं छोंड़ि दिहिन हीं; बलकिन एक दुसरे काहीं समझाबत रही, अउर जइसय- जइसय प्रभू के दुसराय आमँइ के दिन लघे आय रहा हय, त हम पंचे ईं कामन काहीं अउर जादा करी।

इब्रानियन 9:26

नहीं त उनहीं संसार के सुरुआत से लइके अबे तक बेर-बेर दुख उठामँइ परत, पय अब जुग के आखिरी समय माहीं, ऊँ एक बेरकिन आएँ हँय, कि जउने अपने बलिदान के द्वारा पाप काहीं दूर कइ देंय।

1 पतरस 1:13

एसे तूँ पंचे मानसिक रूप से सचेत रहा, अउर खुद काहीं काबू माही रखिके, उआ किरपा के खातिर पूरी आसा रक्खा, जउन तोंहईं पंचन काहीं यीसु मसीह के दुसराय आमँइ के समय मिलँइ बाली हय।

1 पतरस 3:7

उहयमेर हे मंसेरुअव, तुहूँ पंचे घलाय अपने-अपने मेहेरिआ के साथ समझदारी से जीबन निरबाह करा। अउर उनहीं कमजोर जानिके, उनखर सम्मान करा। इआ समझिके, कि हम पंचे दोनव जने अनन्त जीबन के बरदान के बारिसदार आहेन। जउने तोंहार पंचन के प्राथना परमातिमा के लघे तक पहुँचय से न रुकय।

1 पतरस 5:8

अउर तूँ पंचे सचेत होइके, हमेसा परमातिमा के बचन माहीं बने रहा, काहेकि तोंहार बइरी सइतान, गरजँय बाले सेर कि नाईं, हमेसा इआ खोज माहीं रहत हय, कि केही परमातिमा के बचन से भटकाय देई।

दरसनन के बातँय 16:15

“देखा, हम चोर कि नाईं अइत हएन; धन्य हय उआ मनई जउन जागत रहत हय, अउर अपने ओन्हन के रखबारी करत हय, कि जउने नंगा न फिरय, अउर मनई ओखे नंगापन काहीं देखे न पामँय।”