1 पतरस 4:6 - Bagheli Bible

⁶ एहिन से ऊँ बिसुआसी भाई-बहिनिन काहीं जउन मर चुके हँय, खुसी के खबर सुनाई गे रही हय, कि जउने देंह माहीं त उनखर न्याय मनइन के मुताबिक होय, पय आत्मिक रूप माहीं, ऊँ पंचे परमातिमा के मुताबिक जिअत रहँय।

1 पतरस 4:6 ပူးပေါင်းရင်းမြစ်များ

मत्ती 24:9

तब उआ समय मनई कस्ट देंइ के खातिर तोहईं पंचन काहीं पकड़बइहँय, अउर मारि डरिहँय, अउर हमरे ऊपर बिसुआस करँइ के कारन सगले जाति के मनई तोंहसे दुसमनी रखिहँय।

रोमियन 8:2

काहेकि पबित्र आत्मा के बिधान जउन यीसु मसीह माहीं जीबन देत हय, हमहीं पाप के बिधान से जउन मउत के तरफ लइ जात हय, ओसे अजाद कइ दिहिस ही।

गलातियन 2:19

जब हम मूसा के बिधान काहीं पालन करँइ के कोसिस किहेन तय, त परमातिमा के नजर माहीं दोसी ठहराए गएन। एसे हम मूसा के बिधान काहीं पालन करब छोंड़ दिहेन, कि जउने हम परमातिमा के खातिर जि सकी। इआ कारन मूसा के पुरान बिधान के खातिर मर गएन हय, कि जउने परमातिमा के खातिर जीबन जी।

गलातियन 5:25

अउर अगर हम पंचे पबित्र आत्मा के व्दारा जिन्दा हएन, त पबित्र आत्मय के मुताबिक चलबव करी।

1 पतरस 1:12

अउर उनहीं पंचन काहीं इआ बताबा ग रहा हय, कि ऊँ पंचे ईं बातन काहीं बताइके आपन नहीं, बलकिन तोंहार पंचन के सेबा करत हें। अउर जउन खुसी के खबर अब तोंहईं पंचन काहीं, ऊँ मनइन के द्वारा मिली हय, जिनहीं स्वरग से पबित्र आत्मा मिला रहा हय, अउर ऊँ पंचे ओहिन के बताए से, तोंहईं पंचन काहीं खुसी के खबर सुनाइन रहा हय, अउर स्वरगदूत घलाय ईं बातन काहीं देखँइ के बड़ी लालसा करत हें।

1 पतरस 3:18

काहेकि मसीह घलाय हमरे पंचन के पापन के बदले माहीं, दुख उठाइन हीं, अरथात ऊँ निरदोस रहे हँय, तऊ हम पंचे जउन पापी रहेन हँय, हमरे खातिर एक बेरकी मरिगें, कि जउने हमहीं पंचन काहीं परमातिमा के लघे लइ आमँय। मसीह सारीरिक रूप से त मारे गें, पय आत्मिक रूप से जिआय दीनगें।

1 पतरस 3:19

अउर आत्मय के रूप माहीं, यीसु जाइके ऊँ आत्मन काहीं घलाय प्रचार किहिन, जउन बन्धन माहीं परी रही हँय।

दरसनन के बातँय 14:18

ओखे बाद एकठे अउर स्वरगदूत, जिनहीं आगी के ऊपर अधिकार रहा हय, बेदी म से निकरें, अउर जिनखे लघे चोंख हँसिया रही हय, उनसे खुब चन्डे कहिन, “आपन चोंख हँसिया लगाइके, धरती के अंगूर के गुच्छन काहीं काटि ल्या, काहेकि उनखर अंगूर पकि चुके हँय।”