1 पतरस 4:5 - Bagheli Bible

⁵ पय उनहीं पंचन काहीं अपने ईं बुरे कामन के हिंसाब, परमातिमा काहीं देंइ परी, जउन जिन्दा अउर मरे दोनव के न्याय करँइ काहीं तइआर हें।

1 पतरस 4:5 ပူးပေါင်းရင်းမြစ်များ

मत्ती 12:36

अउर हम तोंहसे पंचन से इहव कहित हएन, कि “जउन-जउन बुरी बातँय मनई कइहँय, उनहीं परमातिमा के न्याय करँइ के दिन हरेक निकम्मी बातन के लेखा देंइ परी।

लूका 16:2

तब धनी मनई अपने भन्डारी काहीं बोलाइके कहिन, ‘इआ का आय जउन हम तोंहरे बारे माहीं सुनित हएन? अपने भन्डार के काम के हमहीं लेखा-जोखा द्या, काहेकि अब हम तोंहईं भन्डारी न बनाउब।’

खास चेलन 10:42

अउर ऊँ हमहीं हुकुम दिहिन हीं, कि सगले मनइन माहीं प्रचार करी, अउर गबाही देई, कि ईं उँइन आहीं; जिनहीं परमातिमा जिअत अउर मरे मनइन के न्याय करँइ के खातिर ठहराइन हीं।

खास चेलन 17:31

काहेकि परमातिमा एकठे दिन निस्चित किहिन हीं, जउने माहीं ऊँ, उआ मनई के द्वारा धरम से संसार के मनइन के न्याय करिहँय, जिनहीं ऊँ ठहराइन हीं, अउर उनहीं मरेन म से जिन्दा कइके, ईं सगली बातन काहीं निस्चित कइ दिहिन हीं।”

रोमियन 14:9

काहेकि मसीह एहिन खातिर मरे, अउर मरेन म से जि उठें, कि जउने, जउन मनई मरिगे हँय, अउर जउन जिन्दा हें, ऊँ दोनव के प्रभू कहामँइ।

2 तीमुथियुस 4:1

हे तीमुथियुस, परमातिमा अउर मसीह यीसु काहीं गबाह मानिके, जउन जिअत अउर मरे मनइन के न्याय करिहँय, यीसु मसीह जउन सगले मनइन के ऊपर राज करँइ के खातिर अइहँय, उनखर सुध देबाइके तोहईं हुकुम देइत हएन।

याकूब 5:9

हे भाई-बहिनिव, एक दुसरे के ऊपर दोस न लगाबा जउने तुहूँ पंचे दोसी न ठहरा, देखा न्याय करँइ बाले दुअरा माहीं ठाढ़ हें।