1 पतरस 4:4 - Bagheli Bible

⁴ अउर अब तूँ पंचे उनखे लुचपन के भारी कामन माहीं, उनखर साथ नहीं देते आह्या, एसे ऊँ पंचे अचरज मानत हें, अउर तोहईं पंचन काहीं भला-बुरा कहत हें।

1 पतरस 4:4 ပူးပေါင်းရင်းမြစ်များ

मत्ती 23:25

“हे कपटिव, मूसा के बिधान सिखामँइ बाल्या, अउर फरीसी लोगव तोहईं पंचन काहीं परमातिमा से खुब सजा मिली। काहेकि तूँ पंचे खोरबन अउर टठिअन काहीं उपरय-ऊपर त मजते हया, पय उनखे भीतर छल-कपट अउर असंयम भरे हँय।

लूका 15:13

कुछ दिना बाद छोटकबा लड़िका, आपन सगली धन-सम्पत्ती एकट्ठा किहिस अउर लइके खुब दूरी दुसरे देस माहीं चला ग, अउर उहाँ आपन सगली धन-सम्पत्ती कुकर्मन माहीं उड़ाय दिहिस।

खास चेलन 13:45

पय यहूदी लोग भीड़ काहीं देखिके डाह से भरिगें, अउर पवलुस के बुराई कइके उनखे बातन के बिरोध माहीं बोलँइ लागें।

खास चेलन 18:6

पय जब ऊँ पंचे उनखर बिरोध अउर बुराई करँइ लागें, त पवलुस आपन ओन्हा फारिके उनसे कहिन; “जउन तूँ पंचे इआ कइ रहे हया, ओखर सजा तुहिन पंचे पइहा, हम निरदोस हएन, अब से हम गैरयहूदी लोगन के लघे जाब।”

रोमियन 13:13

अउर जइसन सगले मनई दिन के उँजिआर माहीं रहत हें, उहयमेर हमहूँ पंचन काहीं रहँइ चाही, अउर हमार पंचन के चाल-चलन निकहा होंइ चाही, इआ नहीं कि भोग-बिलास माहीं परि जई, अउर दारू पिके धुत्त रही, अउर ब्यभिचार करी, अउर लुच्चई माहीं परिके लड़ाई-झगड़ा करी, अउर कोहू से डाह करी।

इफीसियन 5:18

अउर पबित्र आत्मा से भरपूर होत जा, इआ नहीं, कि तूँ पंचे मदिरा पिके मतबार बना, जउने से लुचपन के काम होत हय।

1 पतरस 2:12

गैर मसीही मनइन के बीच माहीं, तोंहार चाल-चलन निकहा होंइ चाही; एसे कि जउने-जउने बातन माहीं, ऊँ पंचे तोहईं कुकर्मी जानिके बदनाम करत हें, ऊँ पंचे तोंहरे निकहे कामन काहीं देखिके; ईंन निकहे कामन के कारन परमातिमा के न्याय करँइ बाले दिन काहीं, परमातिमा के बड़ाई करँय।

1 पतरस 3:16

अउर तूँ पंचे अपने सोच-बिचार काहीं सुद्ध रख्या, एसे कि जउने बातन के बारे माहीं तोंहार बदनामी होत ही। ओखे बारे माहीं, जउन तोंहरे मसीही चाल-चलन के अपमान करत हें, ऊँ लज्जित होइ जाँय।

2 पतरस 2:12

पय ऊँ पंचे निरबुद्धी पसुअन कि नाईं हें, जउन पकड़े जाँइ अउर नास होंइ के खातिर पइदा भें हँय; अउर जउने बातन काहीं जनतय नहिं आहीं, उनहिन के बारे माहीं दुसरे मनइन काहीं भला-बुरा कहत हें, ऊँ पंचे अपने बुरे कामन के कारन खुदय नास होइ जइहँय।

2 पतरस 2:22

कि “कूकुर अपने उलटी कइती, अउर नहबाई सुमरी काँदव माहीं लोटँय के खातिर पुनि चली जात ही।”

यहूदा 1:10

पय ईं पंचे, जउने बातन काहीं समझतय नहिं आहीं, उनखे बारे माहीं भला-बुरा कहत हें; अउर निरबुद्धी पसुअन कि नाईं जउन बातँय उनखे मन माहीं अउती हईं, उनहिन के मुताबिक करत हें, एसे उँइन बातँय उनखे बिनास के कारन बन जाती हँय।