1 पतरस 4:3 - Bagheli Bible

³ काहेकि तूँ पंचे, अबे तक जउन मनई परमातिमा काहीं नहीं जानँय, उनखे कि नाईं, आपन जीबन बिताबत रहे हया, जइसन लुचपन के बुरी अभिलासन माहीं, मतबालापन माहीं, भोग-बिलास माहीं, खुब दारू पिअँइ माहीं, मूरतिन के पूजा माहीं, जउने से परमातिमा नफरत करत हें। ईं कामन माहीं तूँ पंचे पहिलेन खुब समय गमाय चुके हया, उहय खुब होइगा।

1 पतरस 4:3 ပူးပေါင်းရင်းမြစ်များ

मरकुस 7:22

लालच करब, दुस्टता करब, छल करब, लुच्चई करब, बुरी नजर से देखब, दुसरे के बुराई करब, घमन्ड करब, अउर मुरखईं के बातँय निकरती हईं।

खास चेलन 17:30

एसे परमातिमा हमरे पंचन के अग्यानता के समय माहीं आनाकानी कइके, अब हर जघन के सगले मनइन काहीं, अपने मन काहीं बदलँइ के हुकुम देत हें।

रोमियन 13:13

अउर जइसन सगले मनई दिन के उँजिआर माहीं रहत हें, उहयमेर हमहूँ पंचन काहीं रहँइ चाही, अउर हमार पंचन के चाल-चलन निकहा होंइ चाही, इआ नहीं कि भोग-बिलास माहीं परि जई, अउर दारू पिके धुत्त रही, अउर ब्यभिचार करी, अउर लुच्चई माहीं परिके लड़ाई-झगड़ा करी, अउर कोहू से डाह करी।

1 कुरिन्थियन 12:2

अउर इआ बात तूँ पंचे जनतेन हया, कि तूँ पंचे जब यीसु मसीह के ऊपर बिसुआस नहीं करत रहे आह्या, त जइसन सगले मनई गूँगी मूरतिन के पूजा-पाठ करत रहे हें; उहयमेर तुहूँ पंचे घलाय करत रहे हया।

1 कुरिन्थियन 6:11

अउर तोंहरे पंचन म से कुछ जने इहइमेर के पाप करँइ बाले रहे हँय, पय अब उन पापन से तोंहईं पंचन काहीं धोय दीन ग हय, अउर पबित्र कइ दीन ग हय, अउर तोंहईं पंचन काहीं परमातिमा के सेबा के खातिर सँउप दीन ग हय, अउर प्रभू यीसु मसीह के नाम अउर हमरे पंचन के परमातिमा के आत्मा के द्वारा, परमातिमा के नजर माहीं निरदोस साबित कइ दीन ग हय।

2 कुरिन्थियन 12:21

अउर हमहीं इहव बात के डेर हय, कि जब हम तोंहसे मिलँइ के खातिर अई। त तोंहरेन आँगे, हमार परमातिमा हमहीं लज्जित न करँइ; अउर हमहीं उनखे खातिर दुखी होंय परय, जउन पहिले पाप किहिन तय, अउर घिनहे-घिनहे काम किहिन तय, अउर ब्यभिचार किहिन तय, अउर भोग-बिलास के काम किहिन तय, पय उनखे खातिर पस्चाताप नहीं किहिन आय।

गलातियन 5:19

काहेकि देंह के काम त देखाई देत हें, जइसन ब्यभिचार करब, बुरे काम करब, लुच्चई करब,

गलातियन 5:21

डाह करब, नसा कइके मतबार होब, भोग-बिलास करब, अउर इनखे कि नाईं अउरव खुब पाप हें, इनखे बारे माहीं हम तोंहईं पहिलेन से बताए देइत हएन, जइसन तोंहईं पहिलेव बताय चुके हएन, कि इआमेर के काम करँइ बाले, परमातिमा के राज के बारिसदार न होइहँय।

इफीसियन 5:18

अउर पबित्र आत्मा से भरपूर होत जा, इआ नहीं, कि तूँ पंचे मदिरा पिके मतबार बना, जउने से लुचपन के काम होत हय।

1 थिस्सलुनीकियन 4:5

अउर इआ काम बुरी इच्छा से न किहा, जउनमेर ऊँ जातिअन के मनई करत हें, जउन परमातिमा काहीं नहीं जानँय।

तीतुस 3:3

काहेकि हमहूँ पंचे बिसुआसी बनँइ से पहिले, नासमझ अउर परमातिमा के हुकुम न मानँइ बाले रहे हएन, अउर भ्रम माहीं परिके अनेकव प्रकार के बुरी इच्छा, अउर सुख-बिलास माहीं फँसे रहे हएन, अउर एक दुसरे से दुसमनी, अउर इरसा के जिन्दगी बिताबत रहे हएन, अउर एक दुसरे से नफरत कइके दुसमनी रक्खत रहे हएन।

1 पतरस 1:14

एसे तूँ पंचे हुकुमन काहीं मानँइ बाले लड़िकन कि नाईं बना, इआ नहीं कि जइसन तूँ पंचे पहिले, जब मसीह के ऊपर बिसुआस नहीं करत रहे आह्या, त बुरी इच्छन के मुताबिक जीबन जिअत रहे हया, त अब पहिले कि नाईं पुनि न बना।

यहूदा 1:4

हम इआ बात तोंहईं पंचन काहीं एसे बताइत हएन, काहेकि तोंहरे बीच माहीं, चुप्पय से कुछ अइसन मनई घुसि आए हँय, जिनखे सजा के बारे माहीं, पहिलेन से पबित्र सास्त्र माहीं लिखा हय, कि “ईं पंचे परमातिमा के बचन काहीं मानँइ बाले न होंहीं, अउर हमरे पंचन के परमातिमा के दया काहीं, भोग-बिलास करँइ के बहाना बनाय डारिन हीं, अउर हमरे पंचन के एकलउते मालिक, अउर प्रभू यीसु मसीह काहीं अपनामँइ से इनकार करत हें।”