1 पतरस 4:2 - Bagheli Bible

² एसे तूँ पंचे संसार के बाँकी आपन जीबन, मनइन के बुरी अभिलासन के मुताबिक नहीं, बलकिन परमातिमा के मरजी के मुताबिक बिताबा।

1 पतरस 4:2 ပူးပေါင်းရင်းမြစ်များ

मत्ती 12:50

काहेकि जे कोऊ स्वरग माहीं रहँइ बाले हमरे पिता परमातिमा के मरजी के मुताबिक चलत हय, उहय हमार भाई, बहिनी अउर महतारी आय।”

मत्ती 20:4

अउर उनसे कहिन, कि ‘तुहूँ पंचे घलाय हमरे अंगूर के बगिया माहीं जाइके काम करा, अउर जउन कुछू उचित होई, उआ मजूरी हम तोंहईं पंचन काहीं देब।’ एसे ऊँ पंचे घलाय बगिया माहीं काम करँइ चलेगें।

मत्ती 21:31

बताबा, एखे बारे माहीं तूँ पंचे का सोचते हया? ईं दोनव जनेन म से, कउन बाप के इच्छा पूर किहिस?” ऊँ पंचे कहिन, कि “बड़ा बाला लड़िका।” तब यीसु उनसे कहिन, कि “हम तोंहसे सही-सही कहित हएन, कि चुंगी लेंइ बाले अउर बेस्या लोग जिनसे तूँ पंचे नफरत करते हया, परमातिमा के राज माहीं तोंहसे पहिले जइहँय।

मत्ती 7:21

जेतने हमसे, हे प्रभू, हे प्रभू, कहत हें, उनमा से हरेक जन स्वरगराज माहीं न जाए पइहँय, बलकिन उहय स्वरगराज माहीं जई, जउन स्वरग माहीं रहँइ बाले हमरे पिता के मरजी के मुताबिक चलत हय।

मरकुस 3:35

काहेकि जे कोऊ परमातिमा के मरजी के मुताबिक चलत हय, उहय हमार भाई, बहिनी अउर महतारी आय।”

मरकुस 7:21

काहेकि मनई के देंह के भीतर से अरथात मन से, घिनहे-घिनहे बिचार, ब्यभिचार करब, चोरी करब, कतल करब, दुसरे के मेहेरिआ से नजायज सम्बन्ध रक्खब,

यूहन्ना 1:13

परमातिमा के सन्तान के रूप माहीं, ऊँ पंचे संसारिक रूप से, न त खून से पइदा भें, अउर न त मनइन के इच्छा से, अउर न महतारी-बाप के योजना से, बलकिन ऊँ पंचे परमातिमा से पइदा भे हँय।

यूहन्ना 7:17

अगर कोऊ परमातिमा के मरजी के मुताबिक चलँइ चाहय, त उआ इआ उपदेस के बारे माहीं जान जई, कि उआ परमातिमा के तरफ से आय, कि हम अपने कइती से देइत हएन।

रोमियन 12:2

अउर तूँ पंचे इआ संसार के बुरे मनइन कि नाईं न बना; काहेकि परमातिमा तोंहरे मन काहीं नबा कइ दिहिन हीं, एसे तोंहार पंचन के चाल-चलन बदलत जाँइ चाही, जउने तूँ पंचे अपने अनुभव से इआ जान लेबा करा, कि परमातिमा तोंहरे जीबन से का चाहत हें, अउर उनहीं का नीक लागत हय, अउर उनखर पूरी इच्छा का ही।

रोमियन 14:7

काहेकि हमरे पंचन म से कोऊ न त अपने खातिर जिअय, अउर न अपने खातिर मरतय आय।

रोमियन 6:11

एसे तुहूँ पंचे घलाय, पाप करँइ के खातिर अपने-आप काहीं मरे कि नाईं समझा, पय यीसु मसीह माहीं परमातिमा के खातिर जिन्दा समझा।

रोमियन 6:2

नहीं, बेलकुल नहीं, काहेकि जब हम पंचे पाप के सम्बन्ध से पूरी तरह से मुक्त होइ गएन हय, त हम पंचे पाप कइ-कइके कइसन जीबन जि सकित हएन।

रोमियन 7:4

एसे हे हमार भाई-बहिनिव, इहइमेर मसीह के देंह के द्वारा मूसा के बिधान काहीं पालन करँइ से तुहूँ पंचे घलाय मुक्त होइ चुके हया, जउने अब तुहूँ पंचे दुसरे से सम्बन्ध जोड़ सका, अरथात उनसे जउन मरेन म से जि उठे हँय, जउने हम पंचे परमातिमा के खातिर फर देंइ बाला जीबन जी सकी।

2 कुरिन्थियन 5:15

अउर यीसु मसीह इहय कारन से सगले मनइन के खातिर मरे हँय, कि जउने जेतने मनई जिअत हें, ऊँ पंचे अब से अपने खातिर न जिअँइ, बलकिन यीसु मसीह के खातिर जिअँइ, जउन मरिके पुनि जिन्दा होइगे हँय।

इफीसियन 2:3

इहइमेर पहिले हमहूँ पंचे सगले जन अपने देंह के बुरी इच्छन के मुताबिक दिन बिताबत रहेन हय, अउर अपने देंह अउर मन के बुरी इच्छन काहीं पूर करत रहे हएन, अउर अपने सुभाबय के कारन दुसरे मनइन कि नाईं परमातिमा से दन्ड पामँइ के काबिल रहे हएन।

इफीसियन 4:17

एसे हम प्रभू के तरफ से अधिकार पाइके तोंहईं पंचन काहीं जताए देइत हएन, कि जइसन संसारिक मनई जउन मुक्ती नहीं पाए आहीं, ऊँ पंचे अपने मन के बुरी इच्छन के मुताबिक आपन जीबन बिताबत हें, पय तूँ पंचे अब से पुनि कबहूँ उनखे कि नाईं चाल-चलन न अपनाया।

इफीसियन 5:17

एसे निरबुद्धी मनई कि नाईं न बना, बलकिन प्रभू के इच्छा तोंहरे पंचन के जीबन माहीं का ही? ओही बड़े ध्यान से समझँय के कोसिस करा।

इफीसियन 6:6

अउर मनइन काहीं खुस करँइ बालेन कि नाईं देखाला के खातिर सेबा न करा, बलकिन मसीह के सेबकन कि नाईं, जउन पूरे मन से परमातिमा के इच्छा के मुताबिक चलत हें, उहयमेर तुहूँ पंचे अपने मालिकन के पूरे मन से सेबा करा।

कुलुस्सियन 1:9

एसे जउने दिना से हम तोंहरे बारे माहीं इआ सुने हएन, त हमहूँ घलाय रोज तोंहरे खातिर इआ प्राथना करित हएन, कि तूँ पंचे आत्मिक ग्यान अउर समझ पायजा, अउर परमातिमा के इच्छा तोंहरे बारे माहीं का ही, इआ निकहा से जान जा।

कुलुस्सियन 3:3

काहेकि तूँ पंचे पुरान पापी सुभाव के खातिर मर गया हय, अउर तोंहार पंचन के नबा जीबन मसीह के साथ परमातिमा के लघे सुरच्छित हय।

कुलुस्सियन 4:12

अउर इपफ्रास जउन तोंहरे बीच म से मसीह यीसु के दास आहीं, तोंहईं पंचन काहीं नबस्कार कहत हें, अउर तोंहरे खातिर हमेसा इआ प्राथना करत हें, कि तूँ पंचे आत्मिक रूप से मजबूत होइजा, अउर पूरे बिसुआस के साथ परमातिमा के इच्छा काहीं जानिके ओमाहीं स्थिर रहा।

1 थिस्सलुनीकियन 5:18

हरेक बात माहीं धन्यबाद करा; काहेकि जेतने जने मसीह यीसु माहीं हया, तोंहरे खातिर परमातिमा के इहय इच्छा ही।

इब्रानियन 13:21

अउर उँइन परमातिमा तोंहईं पंचन काहीं, हरेक निकही बातन माहीं परिपूर्न करँय, जउने तूँ पंचे उनखे मरजी काहीं पूर करा, अउर उनहीं जउन कुछू नीक लागत हय, ओही ऊँ यीसु मसीह के द्वारा हमरे पंचन के भीतर पइदा करँय, अउर उनहिन के बड़ाई जुग-जुग होत रहय। आमीन।

याकूब 1:18

सत्य के बचन के व्दारा आपन सन्तान बनामँइ के खातिर, परमातिमा हमहीं पंचन काहीं चुनिन हीं, जउने हम पंचे सगले जन, सगले प्रानिन के बीच माहीं, उनखे फसल के पहिल फर साबित होई।

1 पतरस 1:14

एसे तूँ पंचे हुकुमन काहीं मानँइ बाले लड़िकन कि नाईं बना, इआ नहीं कि जइसन तूँ पंचे पहिले, जब मसीह के ऊपर बिसुआस नहीं करत रहे आह्या, त बुरी इच्छन के मुताबिक जीबन जिअत रहे हया, त अब पहिले कि नाईं पुनि न बना।

1 पतरस 2:1

एसे तूँ पंचे अपने जीबन से हरेकमेर के बैर-भाव, छल-कपट, इरसा अउर बदनामी काहीं दूर कइके,

1 यूहन्ना 2:17

अउर इआ संसार, अउर संसार के सगली अभिलासा, दोनव मिट जात हें, पय जउन मनई परमातिमा के इच्छा के मुताबिक चलत हय, उआ हमेसा बना रहत हय।