1 पतरस 3:8 - Bagheli Bible

⁸ एसे सगले जन एक मन रहा, अउर एक दुसरे के ऊपर किरपा करत रहा, अउर आपस माहीं भाईचारा के प्रेम बनाए रहा, अउर दयालू, अउर नम्र बना।

1 पतरस 3:8 ပူးပေါင်းရင်းမြစ်များ

मत्ती 18:33

एसे जइसन हम तोरे ऊपर दया किहेन तय, त का उहयमेर तोहू काहीं घलाय अपने साथ माहीं रहँइ बाले दास के ऊपर दया न करँइ चाही?

लूका 10:33

पय उहय गली से एकठे सामरी जाति के मनई निकरा, अउर उआ मनई काहीं देखिके ओही दया आइगे।

खास चेलन 2:1

जब पिन्तेकुस्त तेउहार के दिन आबा, त ऊँ पंचे सगले जन एक जघा माहीं एकट्ठा रहे हँय।

खास चेलन 27:3

दुसरे दिना हम पंचे सैदा सहर माहीं लंगर डारेन, अउर यूलियुस पवलुस के ऊपर किरपा कइके, उनहीं अपने साथिन के लघे चले जाँइ दिहिन, कि उनखर स्वागत-सत्कार कीन जाय।

खास चेलन 28:7

अउर उआ जघा के लघेन उआ टापू के मुखिया पुबलियुस के भुँइ रही हय, ऊँ हमहीं पंचन काहीं अपने घर माहीं लइ जाइके, तीन दिना तक अपने साथी कि नाईं स्वागत-सत्कार किहिन।

खास चेलन 4:32

बिसुआस करँइ बालेन के मंडली एक चित्त, अउर एक मन के रही हय, इहाँ तक कि कउनव अपने धन-सम्पत काहीं, आपन नहीं कहत रहा आय, पय सगला साझे के रहा हय।

रोमियन 12:10

अउर आपस माहीं भाईचारा बनाइके, एक दुसरे से प्रेम करा; अउर आपस माहीं एक दुसरे काहीं अपने से बढ़िके माना।

रोमियन 15:5

हम इआ प्राथना करित हएन, कि धीरज अउर सान्ति देंइ बाले परमातिमा, तोंहईं पंचन काहीं इआ बरदान देंइ, कि तूँ पंचे मसीह यीसु के बताई बातन के मुताबिक आपस माहीं एक दुसरे से मिल जुलिके रहा।

1 कुरिन्थियन 1:10

हे भाई-बहिनिव, हम अपने प्रभू यीसु मसीह के नाम से तोंहसे इआ बिनती करित हएन, कि तूँ पंचे सगले जने एकय बात कहा, अउर तोंहरे बीच माहीं फूट न परय, पय एक चित्त होइके अउर एकयमेर के उद्देस्य रखिके आपस माहीं मिले रहा।

1 कुरिन्थियन 12:26

एसे अगर देंह के एकठे अंग दुख पाबत हय, त सगले अंग ओखे साथ दुखी होत हें; अउर अगर एकठे अंग के बड़ाई होत ही, त ओखे साथ मिलिके सगले अंग खुसी मनाबत हें।

इफीसियन 4:2

अरथात हमेसा दीनता अउर नम्रता के साथ जीबन जिआ, अउर प्रेम के साथ धीरज धइके एक दुसरे के गलतिन काहीं सहि ल्या।

इफीसियन 4:31

एसे तूँ पंचे हरेकमेर के करुअई, अउर प्रकोप, अउर क्रोध, अउर लड़ाई-झगड़ा, अउर दुसरे के बुराई करब, अउर हरेकमेर के बैर-भाव समेत सगली बातन काहीं अपने जीबन से दूर कइ द्या।

इफीसियन 4:32

अउर एखे बदले माहीं एक दुसरे के ऊपर करुना अउर दया करा, अउर जइसन परमातिमा मसीह के व्दारा तोंहरे अपराधन काहीं माफ किहिन हीं, उहयमेर तुहूँ पंचे आपस माहीं एक दुसरे के अपराधन काहीं माफ करा।

फिलिप्पियन 2:3

आपस माहीं बिरोध इआ कि झूँठी बड़ाई पामँइ के खातिर कुछू न करा, पय नम्रता के साथ एक दुसरे काहीं अपने से निकहा समझा।

फिलिप्पियन 3:16

एसे जउने सत्य तक हम पंचे पहुँच चुकेन हय, ओहिन के मुताबिक चलत रही।

कुलुस्सियन 3:12

काहेकि तूँ पंचे परमातिमा के चुने पबित्र अउर पियार आह्या, एसे करुना, भलाई, दीनता, कोमलता अउर सहनसीलता काहीं अपनाबा।

इब्रानियन 13:1

एसे आबा हम पंचे आपस माहीं एक दुसरे से, अपने भाई-बहिनिन कि नाईं प्रेम करत रही।

याकूब 2:13

काहेकि जउन मनई दुसरे के ऊपर दया नहीं किहिस, ओखर न्याय बिना दया के होई, दया न्याय के ऊपर बिजयी होत ही।

याकूब 3:17

पय जउन ग्यान परमातिमा के तरफ से आबत हय, उआ पहिले त पबित्र होत हय, अउर मिलनसार, कोमल अउर मीठ बोलँइ बाला अउर दयालू, अउर निकहे फर से लदा, अउर बिना पच्छपात के, अउर बिना कपट के होत हय।

याकूब 5:11

देखा, हम पंचे धीरज धरइँ बालेन काहीं धन्य कहित हएन; तूँ पंचे अय्यूब के धीरज के बारे माहीं सुनबय भए होइहा, अउर प्रभू उनहीं धीरज के बदले माहीं जउन आसीस दिहिन तय, ओहू काहीं जनते होइहा, कि प्रभू केतने दयालू अउर करुनामय हें।

1 पतरस 1:22

एसे जब तूँ पंचे, भाईचारा के प्रेम के खातिर, सत्य के पालन कइके, अपने-अपने आत्मन काहीं पबित्र किहा हय, त तन- मन लगाइके आपस माहीं एक दुसरे से प्रेम करा।

1 पतरस 2:17

सगले मनइन के सम्मान करा, अपने बिसुआसी भाई-बहिनिन से प्रेम रक्खा, परमातिमा के भय माना, अउर राजा के सम्मान करा।

1 पतरस 5:5

इहइमेर से हे नवजमानव, तुहूँ पंचे घलाय अपने मसीही मन्डली के अँगुअन के अधीन रहा, अउर तूँ पंचे सगले जन नम्रता के साथ एक दुसरे के सेबा के खातिर, हमेसा तइआर रहा, काहेकि “परमातिमा घमन्ड करँइ बालेन के बिरोध करत हें, पय जे कउनव बात के घमन्ड नहीं करँय, उनखे ऊपर किरपा करत हें।”

2 पतरस 1:7

अउर भक्ती माहीं भाईचारा के दया, अउर भाईचारा के दया माहीं प्रेम काहीं बढ़ाबत चला।

1 यूहन्ना 3:14

हम पंचे जानित हएन, कि मउत के बन्धन से पार होइके अनन्त जीबन पाएन हय; काहेकि हम पंचे अपने भाई-बहिनिन से प्रेम रक्खित हएन, जे कोऊ प्रेम नहीं रक्खय, उआ मउत के दसा माहीं रहत हय।