1 पतरस 3:7 - Bagheli Bible

⁷ उहयमेर हे मंसेरुअव, तुहूँ पंचे घलाय अपने-अपने मेहेरिआ के साथ समझदारी से जीबन निरबाह करा। अउर उनहीं कमजोर जानिके, उनखर सम्मान करा। इआ समझिके, कि हम पंचे दोनव जने अनन्त जीबन के बरदान के बारिसदार आहेन। जउने तोंहार पंचन के प्राथना परमातिमा के लघे तक पहुँचय से न रुकय।

1 पतरस 3:7 ပူးပေါင်းရင်းမြစ်များ

मत्ती 18:19

अउर हम तोंहसे इहव कहित हएन, कि अगर तोंहरे पंचन म से दुइ जने, इआ धरती माहीं कउनव बात के खातिर एक मन होइके मगिहँय, त उआ स्वरग माहीं रहँइ बाले हमरे पिता परमातिमा के तरफ से, उनहीं जरूर मिल जई।

1 कुरिन्थियन 7:3

मंसेरुआ अपने मेहेरिआ के हक्क पूर करय, अउर मेहेरिआ अपने मंसेरुआ के हक्क पूर करय।

इफीसियन 3:6

उआ भेद इआ आय, कि खुसी के खबर के द्वारा गैरयहूदी यीसु मसीह के ऊपर बिसुआस किहिन हीं, इआ कारन से यहूदी लोगन के साथ एकय देंह कि नाईं एक होइगे हँय, अउर बारिसदार बनँइ माहीं साझीदार होइगे हँय, अउर परमातिमा के वादा के भागीदार घलाय होइगे हँय।

इफीसियन 4:30

अउर परमातिमा के पबित्र आत्मा काहीं दुखी न करा, काहेकि परमातिमा पबित्र आत्मा काहीं, तोंहरे पंचन के ऊपर छुटकारा देंइ बाले दिन के खातिर चिन्हारी के रूप माहीं दिहिन हीं।

इफीसियन 5:33

पय तोंहरे पंचन म से हरेक जन अपने मेहेरिआ से अपने देंह कि नाईं प्रेम करय, अउर मेहेरिआ घलाय अपने मंसेरुआ के मान-सम्मान करँय।

इफीसियन 6:18

अउर तूँ पंचे हमेसा पूरे मन से पबित्र आत्मा के मदत से बिनती, प्राथना करत रहा, अउर एहिन से सचेत रहा, कि जउने सगले पबित्र मनइन के खातिर लगीतार परमातिमा से बिनती करत रहा।

कुलुस्सियन 3:19

हे मंसेरुअव, अपने-अपने मेहेरिअन से प्रेम करा, अउर उनसे कठोरता के बरताव न करा।

1 थिस्सलुनीकियन 4:4

अउर तोंहरे पंचन म से हरेक जन अपने देंह के बासनन काहीं काबू म करब सिखा, काहेकि इआ पबित्र अउर आदर के काबिल हय।

तीतुस 3:7

जउने हम पंचे परमातिमा के बड़ी दया के कारन धरमी ठहरिके, अउर जउन अनन्त जीबन पामँइ के आसा हम पंचे करित हएन, ओखर बारिसदार घलाय बनी।

इब्रानियन 1:14

काहेकि ऊँ सगले स्वरगदूत सेबा करँइ बाली आत्मा आहीं, जउन मुक्ती पामँइ बाले मनइन के सेबा के खातिर पठई जाती हँय।

1 पतरस 3:1

हे मेहेरिअव, तुहूँ पंचे अपने-अपने मंसेरुआ के अधीन रहा, एसे अगर उनमा से कउनव अइसन होंय, जउन परमातिमा के बचन काहीं न मानत होंय,