1 पतरस 3:5 - Bagheli Bible

⁵ अउर पुरान समय माहीं घलाय, जउन मेहेरिआ पबित्र रही हईं, ऊँ पंचे परमातिमा के ऊपर पूर आसा रक्खत रही हँय, अउर अपने-आप काहीं इहइमेर सजाबत रही हँय, अउर अपने-अपने मंसेरुआ के अधीन रहत रही हँय।

1 पतरस 3:5 ပူးပေါင်းရင်းမြစ်များ

लूका 2:37

ऊँ चउरासी बरिस से बिधबा रही हँय: अउर रोज मन्दिर जात रही हँय, अउर उपास अउर प्राथना कइके रातव-दिन परमातिमा के भक्ती करत रही हँय।

खास चेलन 1:14

अउर इनखे साथ कुछ मेहेरिआ, अउर यीसु के महतारी मरियम, अउर यीसु के भाइव रहे हँय। ईं सगले जन एक चित्त होइके प्राथना माहीं लगे रहत रहे हँय।

खास चेलन 9:36

अउर याफा सहर माहीं एकठे तबीता नाम के बिसुआसिन रहत रही हय, जउन दोरकास नाम से घलाय जानी जात रही हय, उआ खुब निकहे-निकहे काम करत रही हय, अउर गरीबन काहीं दान देत रही हय।

इफीसियन 5:33

पय तोंहरे पंचन म से हरेक जन अपने मेहेरिआ से अपने देंह कि नाईं प्रेम करय, अउर मेहेरिआ घलाय अपने मंसेरुआ के मान-सम्मान करँय।

1 तीमुथियुस 2:10

काहेकि जउन मेहेरिआ खुद काहीं परमातिमा के भक्ती करँइ बाली मनती हईं, उनखे खातिर इआ उचितव हय।

1 तीमुथियुस 2:15

एखे बादव मेहेरिआ बच्चा पइदा किहे के कारन मुक्ती पइहँय, अगर खुद पर काबू रखिके, परमातिमा के ऊपर बिसुआस, प्रेम, अउर पबित्रता माहीं अटल रहँय।

1 तीमुथियुस 5:10

अउर भलाई के कामन काहीं करँइ माहीं ओखर नाम आँगे रहा होय, अपने लड़िकन-बच्चन काहीं निकहा से पालिस-पोसिस होय; अउर महिमानन के सेबा किहिस होय, अउर उआ बिसुआसिअन के गोड़ धोइस होय, अउर दीन-दुखिअन के मदत किहिस होय, अउर भलाई के कामन काहीं मन लगाइके किहिस होय।

1 तीमुथियुस 5:5

जउन बिधबा सही माहीं मदत के काबिल ही, अउर ओखर कोऊ मदत करँइ बाला नहिं आय; उआ परमातिमा से मदत पामँइ के खातिर दिन-रात प्राथना करँइ माहीं लगी रहत ही,

इब्रानियन 11:11

अउर सारा काहीं परमातिमा के ऊपर पूर बिसुआस रहा हय, एहिन से ऊँ भले बाँझ रही हँय, तऊ लड़कहाई होंइ के सक्ती पाइन; काहेकि परमातिमा उनसे जउन वादा किहिन तय, कि उनखे जरूर लड़िका होई, इआ बात काहीं ऊँ सही मानिके पूर बिसुआस किहिन तय।

1 पतरस 1:3

हमरे पंचन के प्रभू यीसु मसीह के पिता परमातिमा के धन्यबाद होय, जउन यीसु मसीह काहीं मरेन म से जिआइके, अपने बड़ी दया से हमहीं पंचन काहीं अनन्त जीबन पामँइ के खातिर, जउन जिअत आसा ही, ओखे खातिर नबा जनम दिहिन हीं।