1 पतरस 3:2 - Bagheli Bible

² तऊ ऊँ पंचे तोंहरे मान-सम्मान समेत, पबित्र चाल-चलन काहीं देखिके, अपने-अपने मेहेरिआ के चाल-चलन के द्वारा परमातिमा के तरफ खिंचे चले आमँय। उनहीं पंचन काहीं प्रभू के बारे माहीं बेर-बेर बतामँइ के जरूरत न परी।

1 पतरस 3:2 ပူးပေါင်းရင်းမြစ်များ

इफीसियन 5:33

पय तोंहरे पंचन म से हरेक जन अपने मेहेरिआ से अपने देंह कि नाईं प्रेम करय, अउर मेहेरिआ घलाय अपने मंसेरुआ के मान-सम्मान करँय।

इफीसियन 6:5

हे दासव, जउन तोंहार संसारिक मालिक हें, अपने पूरे मन से डेरात अउर काँपत-काँपत उनखे हुकुमन काहीं माना, जइसन मसीह के हुकुमन काहीं मनते हया।

फिलिप्पियन 1:27

अउर हम तोंहरे लघे अई, चाह न अई, तूँ पंचे केबल एतना करा, कि तोंहार चाल-चलन मसीह के खुसी के खबर के काबिल होय, अउर हम तोंहरे पंचन के बारे माहीं इहय सुनी, कि तूँ पंचे एक मन होइके, खुसी के खबर के ऊपर बिसुआस काहीं मजबूत करँइ के खातिर मेहनत करत रहते हया।

फिलिप्पियन 3:20

पय हमार पंचन के जनम भूमि त स्वरग माहीं हय; जहाँ हमहीं पंचन काहीं मुक्ती देंइ बाले प्रभू यीसु मसीह रहत हें, अउर उहाँ से उनखे पुनि आमँइ के हम पंचे बड़ी आसा लगाए इन्तजार कइ रहेन हँय।

कुलुस्सियन 3:22

हे सेबकव, अपने संसारिक मालिकन के सगली बातन माहीं, उनखे हुकुमन काहीं माना, अउर ऊँ सेबकन कि नाईं नहीं, जउन मनइन काहीं प्रसन्न करँइ के खातिर देखाला क त सेबा करत हें, पय बाद माहीं नहीं करँय, पय तूँ पंचे, परमातिमा के भय मानत उनखर निकही सेबा करा।

1 तीमुथियुस 4:12

हे तीमुथियुस, तूँ अबे जमान हया, इआ कारन से कोऊ तोंहार निरादर न करँय पाबय, बलकिन तूँ अपने बात-चीत म अउर चाल-चलन म, अउर प्रेम करँइ म, अउर परमातिमा के ऊपर बिसुआस करँय, अउर अपने पबित्र जीबन से सगले बिसुआसिअन के खातिर आदर्स बन जा।

1 पतरस 1:15

बलकिन जइसन तोंहईं पंचन काहीं बोलामँइ बाले परमातिमा पबित्र हें, उहयमेर तुहूँ पंचे अपने सगले चाल-चलन माहीं पबित्र बना।

1 पतरस 2:12

गैर मसीही मनइन के बीच माहीं, तोंहार चाल-चलन निकहा होंइ चाही; एसे कि जउने-जउने बातन माहीं, ऊँ पंचे तोहईं कुकर्मी जानिके बदनाम करत हें, ऊँ पंचे तोंहरे निकहे कामन काहीं देखिके; ईंन निकहे कामन के कारन परमातिमा के न्याय करँइ बाले दिन काहीं, परमातिमा के बड़ाई करँय।

1 पतरस 3:1

हे मेहेरिअव, तुहूँ पंचे अपने-अपने मंसेरुआ के अधीन रहा, एसे अगर उनमा से कउनव अइसन होंय, जउन परमातिमा के बचन काहीं न मानत होंय,

1 पतरस 3:3

अउर तोंहार पंचन के सिंगार देखाला के खातिर न होय, जइसन कि बार गुहब, अउर सोन-चाँदी के गहना पहिरब, इआ कि मेर-मेर के ओन्हा पहिरब।

2 पतरस 3:11

त इआ बताबा, जब ईं सगली चीजँय, इआमेर से पिघलँय बाली हईं, त तोंहईं पंचन काहीं पबित्र चाल-चलन के साथ, परमातिमा के भक्ती करत, पबित्र जीबन जिअँइ चाही।