1 पतरस 3:1 - Bagheli Bible

¹ हे मेहेरिअव, तुहूँ पंचे अपने-अपने मंसेरुआ के अधीन रहा, एसे अगर उनमा से कउनव अइसन होंय, जउन परमातिमा के बचन काहीं न मानत होंय,

1 पतरस 3:1 ပူးပေါင်းရင်းမြစ်များ

मत्ती 18:15

“अउर अगर तोंहार भाई तोंहरे साथ कउनव बुरा बरताव करय, त ओखे लघे जा, अउर ओही अकेले माहीं समझाबा; अगर उआ तोंहरे बात काहीं मानय, त तूँ अपने भाई काहीं भाई के रूप माहीं पाय लिहा हय।

रोमियन 10:16

पय इजराइली लोगन म से सगले मनई उआ खुसी के खबर काहीं सोइकार नहीं किहिन, जइसन यसायाह नबी अपने किताब माहीं घलाय लिखिन हीं, कि “हे प्रभू, हमरे सुनाए खुसी के खबर के को बिसुआस किहिस ही?”

रोमियन 6:17

पय हम परमातिमा के धन्यबाद करित हएन, कि तूँ पंचे जउन पहिले बुरे कामन काहीं करँइ के कारन पाप के दास बने रहे हया, त अब तूँ पंचे अपने पूरे मन से उआ उपदेस काहीं मानँइ बाले बन गया हय, जउन तोंहईं पंचन काहीं सँउपा ग रहा हय।

रोमियन 7:2

उदाहरन के खातिर जब कउनव मेहेरिआ के काज होइ जात हय, त ओखे बाद उआ अपने मंसेरुआ के साथ मूसा के बिधान के मुताबिक तब तक बन्धन माहीं रहत ही, जब तक उआ जिअत हय, पय जब ओखर मंसेरुआ मर जात हय, त उआ काजे के नेमन के बन्धन से मुक्त होइ जात ही।

1 कुरिन्थियन 11:3

पय हम चाहित हएन, कि तूँ पंचे इआ जानिल्या, कि हरेक मंसेरुआ के मुखिया मसीह आहीं, अउर मेहेरिआ के मुखिया मंसेरुआ आय, अउर मसीह के मुखिया परमातिमा आहीं।

1 कुरिन्थियन 14:34

अउर सगली मेहेरिआ, मसीही मन्डली के सभा माहीं चुप्पय रहँय, काहेकि उनहीं बात करँइ के अनुमति नहिं आय, बलकिन अधीन रहँइ के अनुमति ही, अउर जइसन कि मूसा नबी के बिधान माहीं घलाय लिखा हय।

1 कुरिन्थियन 7:16

अउर हे मेहेरिअव, का तूँ पंचे इआ नहीं जनते आह्या, कि होइ सकत हय तूँ पंचे अपने-अपने मंसेरुआ के मुक्ती पामँइ के कारन बन जा? अउर हे मंसेरुअव, का तुहूँ पंचे इआ नहीं जनते आह्या, कि होइ सकत हय तुहूँ पंचे अपने-अपने मेहेरिआ के मुक्ती पामँइ के कारन बन जा?

इफीसियन 5:33

पय तोंहरे पंचन म से हरेक जन अपने मेहेरिआ से अपने देंह कि नाईं प्रेम करय, अउर मेहेरिआ घलाय अपने मंसेरुआ के मान-सम्मान करँय।

कुलुस्सियन 3:18

हे मेहेरिअव, अपने-अपने मंसेरुअन के उआ मेर से अधीन रहा, जइसन मसीह के ऊपर बिसुआस करँइ बाली मेहेरिअन काहीं उचित हय।

कुलुस्सियन 4:5

अउर जउन मनई प्रभू के ऊपर बिसुआस नहीं करँय, त जब उनहीं बचन सुनामँइ के कीमती मोका मिलय, त ओखर सही ढँग से उपयोग करा।

2 थिस्सलुनीकियन 1:8

तब जउन मनई परमातिमा काहीं नहीं पहिचानँय, अउर हमरे पंचन के प्रभू यीसु के खुसी के खबर काहीं नहीं मानँय, उनसे बदला लेइहँय।

इब्रानियन 11:8

अउर अब्राहम काहीं परमातिमा के ऊपर पूर बिसुआस रहा हय, एहिन से जब परमातिमा उनहीं कहिन, कि इआ देस से निकरिके चले जा, जहाँ हम तोंहईं बताउब, त ऊँ परमातिमा के हुकुम काहीं मानिके, उआ जघा काहीं चल दिहिन, जउने काहीं ऊँ बारिसदारी माहीं पामँइ बाले रहे हँय, पय इआ नहीं जानत रहे आहीं, कि कउने कइती जाँइ क हय। तऊ अपने देस से निकरिके चलेगें।

इब्रानियन 5:9

अउर सिद्ध बनिके, अपने सगले हुकुम मानँइ बालेन के खातिर, हमेसा के खातिर मुक्ती पामँइ के माध्यम बनिगें।

1 पतरस 1:22

एसे जब तूँ पंचे, भाईचारा के प्रेम के खातिर, सत्य के पालन कइके, अपने-अपने आत्मन काहीं पबित्र किहा हय, त तन- मन लगाइके आपस माहीं एक दुसरे से प्रेम करा।

1 पतरस 3:2

तऊ ऊँ पंचे तोंहरे मान-सम्मान समेत, पबित्र चाल-चलन काहीं देखिके, अपने-अपने मेहेरिआ के चाल-चलन के द्वारा परमातिमा के तरफ खिंचे चले आमँय। उनहीं पंचन काहीं प्रभू के बारे माहीं बेर-बेर बतामँइ के जरूरत न परी।

1 पतरस 3:7

उहयमेर हे मंसेरुअव, तुहूँ पंचे घलाय अपने-अपने मेहेरिआ के साथ समझदारी से जीबन निरबाह करा। अउर उनहीं कमजोर जानिके, उनखर सम्मान करा। इआ समझिके, कि हम पंचे दोनव जने अनन्त जीबन के बरदान के बारिसदार आहेन। जउने तोंहार पंचन के प्राथना परमातिमा के लघे तक पहुँचय से न रुकय।

1 पतरस 4:17

काहेकि उआ समय आइगा हय, कि पहिले परमातिमा के ऊपर बिसुआस करँइ बाले मनइन के न्याय कीन जाय। अउर जब न्याय के सुरुआत, हमहिन पंचन से होई। त उनखर अन्त माहीं का हाल होई, जउन परमातिमा के खुसी के खबर काहीं नहीं मानँय?