1 पतरस 2:8 - Bagheli Bible

⁸ अउर “उआ अइसन पथरा बनिगा जेसे मनइन काहीं ठेस लागत ही, अउर अइसन बड़ी चट्टान बनिगा जउने से मनइन काहीं ठोकर लागत ही।” काहेकि ऊँ पंचे परमातिमा के बचन काहीं न मानिके ठोकर खात हें, अउर ऊँ पंचे एहिन के खातिर ठहराए घलाय गे रहे हँय।

1 पतरस 2:8 ပူးပေါင်းရင်းမြစ်များ

लूका 2:34

तब समौन उनहीं आसिरबाद दइके यीसु के महतारी मरियम से कहिन, “देखा, इआ लड़िका इजराइल माहीं खुब मनइन के नास होंइ, अउर खुब मनइन के आसीस पामँइ के खातिर चुना ग हय। अउर इआ लड़िका के इआ पहिचान होई, कि खुब जने उनखे बिरोध माहीं बात करिहँय, इआमेर से खुब जनेन के जउन हिरदँय के बिचार हें, उँइ निकरिके अइहँय।

रोमियन 9:22

त एमा कउन अचरज के बात ही, अगर परमातिमा आपन सक्ती देखामँय के खातिर कुछ मनइन काहीं बनाइन, कि जउने उनखे ऊपर आपन क्रोध देखामँइ, जउन नास होइन के खातिर तइआर कीन गे रहे हँय, तऊ उनखर बड़े धीरज से सहत रहिगें।

1 कुरिन्थियन 1:23

पय हम पंचे त क्रूस माहीं चढ़ाए मसीह के प्रचार करित हएन, अउर यहूदी लोग इआ बिसुआस नहीं करँय, कि मसीह मनइन के पापन के माफी के खातिर क्रूस माहीं मरे हें, एसे ऊँ पंचे इआ खुसी के खबर काहीं सुनिके क्रोधित होइ जात हें, अउर गैरयहूदी लोग, इआ बात काहीं मूर्खता समझत हें, कि मसीह मनइन के पापन के माफी के खातिर क्रूस माहीं मरे हें।

2 कुरिन्थियन 2:16

पय उनखे खातिर जउन नास होंइ बाले हें, इआ मउत के अइसन बदबू आय, जउन मउत कइती लइ जात ही। पय उनखे खातिर जउन मुक्ती के गइल माहीं बढ़त जात हें, इआ जीबन के अइसन महक आय जउन अनन्त जीबन कइती लइ जात ही, अउर ईं कामन के काबिल को हय?

गलातियन 5:11

पय हे भाई-बहिनिव, अगर हम अबे तक खतना के प्रचार करित हएन, त अबे तक हम काहे सताए जइत हएन; अउर हम क्रूस माहीं चढ़े मसीह के जउन प्रचार करित हएन, उआ यहूदी लोगन के खातिर ठोकर के कारन न बनत?

1 थिस्सलुनीकियन 5:9

काहेकि परमातिमा हमहीं पंचन काहीं क्रोध के खातिर नहीं, बलकिन एसे ठहराइन हीं, कि हम पंचे अपने प्रभू यीसु मसीह के व्दारा मुक्ती पाई।

1 पतरस 2:6

अउर पबित्र सास्त्र माहीं घलाय इआ लिखा हय, कि परमातिमा कहिन हीं, “देखा, हम सिय्योन पहार माहीं एकठे कोनमा के पथरा धरित हएन, जउन हमार चुना आय, अउर उआ अनमोल हय, एसे जे कोऊ ओखे ऊपर बिसुआस करी, उआ कउनव मेर से लज्जित न होई।”

1 पतरस 2:7

एसे तूँ पंचे जउन उआ पथरा के ऊपर बिसुआस करते हया, उआ तोंहरे पंचन के खातिर अनमोल हय, पय जे कोऊ ओखे ऊपर बिसुआस नहीं करँय, उनखे खातिर “जउने पथरा काहीं राजा के कारीगर लोग बिना काम के ठहराइन रहा हय, उहय कोने के खास पथरा बनिगा।”

2 पतरस 2:3

अउर ऊँ पंचे लालच के कारन, अपने बनावटी बातन से तोंहसे पंचन से धन कमँइ हँय, उनखे इआ काम के सजा परमातिमा के द्वारा पहिलेन से निस्चित कीन जाय चुकी हय। अउर उनखर बिनास तइआर हय, अउर उनखर इन्तजार कइ रहा हय।

यहूदा 1:4

हम इआ बात तोंहईं पंचन काहीं एसे बताइत हएन, काहेकि तोंहरे बीच माहीं, चुप्पय से कुछ अइसन मनई घुसि आए हँय, जिनखे सजा के बारे माहीं, पहिलेन से पबित्र सास्त्र माहीं लिखा हय, कि “ईं पंचे परमातिमा के बचन काहीं मानँइ बाले न होंहीं, अउर हमरे पंचन के परमातिमा के दया काहीं, भोग-बिलास करँइ के बहाना बनाय डारिन हीं, अउर हमरे पंचन के एकलउते मालिक, अउर प्रभू यीसु मसीह काहीं अपनामँइ से इनकार करत हें।”