1 पतरस 2:7 - Bagheli Bible

⁷ एसे तूँ पंचे जउन उआ पथरा के ऊपर बिसुआस करते हया, उआ तोंहरे पंचन के खातिर अनमोल हय, पय जे कोऊ ओखे ऊपर बिसुआस नहीं करँय, उनखे खातिर “जउने पथरा काहीं राजा के कारीगर लोग बिना काम के ठहराइन रहा हय, उहय कोने के खास पथरा बनिगा।”

1 पतरस 2:7 ပူးပေါင်းရင်းမြစ်များ

मत्ती 21:42

यीसु उनसे कहिन, कि “का तूँ पंचे पबित्र सास्त्र माहीं इआ नहीं पढ़े आह्या: कि ‘जउने पथरा काहीं कारीगर लोग बेकार समझिन तय, उहय कोनमा के सबसे खास पथरा बनिगा? अउर इआ काम प्रभू किहिन हीं, जउन हमरे नजर माहीं अदभुत हय।”

लूका 2:32

अउर ऊँ सगली जातिअन के लोगन काहीं उँजिआर देंइ के खातिर जोति आहीं, कि अपना के चुने इजराइली लोगन के नाम के बड़ाई होय।”

लूका 2:34

तब समौन उनहीं आसिरबाद दइके यीसु के महतारी मरियम से कहिन, “देखा, इआ लड़िका इजराइल माहीं खुब मनइन के नास होंइ, अउर खुब मनइन के आसीस पामँइ के खातिर चुना ग हय। अउर इआ लड़िका के इआ पहिचान होई, कि खुब जने उनखे बिरोध माहीं बात करिहँय, इआमेर से खुब जनेन के जउन हिरदँय के बिचार हें, उँइ निकरिके अइहँय।

लूका 20:17

यीसु उनखे कइती देखिके कहिन, “काहे तूँ सगले जन पबित्र सास्त्र माहीं लिखी, इआ बात के मतलब नहीं जनते आह्या? ‘जउने पथरा काहीं राजा के कारीगर इआ कहिके, छोंड़ि दिहिन तय, कि इआ कउनव काम के नहिं आय, उहय कोनमा के खास पथरा होइगा’।

यूहन्ना 4:42

अउर ऊँ पंचे उआ मेहेरिआ से कहिन, “अब हम पंचे तोंहरे बताएन भर से बिसुआस नहीं करी; काहेकि हम पंचे खुदय उनखर बचन सुने हएन, अउर जान गएन हय, कि वास्तव माहीं संसार के मनइन काहीं मुक्ती देंइ बाले ईंन आहीं।”

खास चेलन 26:19

एसे हे राजा अग्रिप्पा, हम स्वरग के उआ दरसन के बात काहीं नहीं टारेन।

रोमियन 10:21

पय परमातिमा इजराइल के सन्तानन के बारे माहीं इआ कहत हें, कि “हम हमेसा आपन हाँथ हुकुम न मानँइ बाली, अउर बाद-बिबाद करँइ बाली, प्रजा कइती उनहीं अपनामँइ के खातिर फइलाए रहि गएन।”

रोमियन 15:31

कि जउने यहूदिया प्रदेस के ऊँ मनइन से, जउन परमातिमा के ऊपर बिसुआस नहीं करँय, उनखे हाँथ से परमातिमा हमहीं बचामँइ, अउर यरूसलेम सहर के बिसुआसी भाई-बहिनिन के खातिर, जउन दान हम लए जइत हएन, ओही ऊँ पंचे बड़े आनन्द के साथ सोइकार करँय।

2 कुरिन्थियन 2:16

पय उनखे खातिर जउन नास होंइ बाले हें, इआ मउत के अइसन बदबू आय, जउन मउत कइती लइ जात ही। पय उनखे खातिर जउन मुक्ती के गइल माहीं बढ़त जात हें, इआ जीबन के अइसन महक आय जउन अनन्त जीबन कइती लइ जात ही, अउर ईं कामन के काबिल को हय?

कुलुस्सियन 2:10

अउर उँइन सगले सासन करँइ बालेन, अउर अधिकारिन के ऊपर अधिकार रक्खँइ बाले आहीं, अउर तूँ पंचे उनहिन के द्वारा भरपूर होइ गया हय।

तीतुस 3:3

काहेकि हमहूँ पंचे बिसुआसी बनँइ से पहिले, नासमझ अउर परमातिमा के हुकुम न मानँइ बाले रहे हएन, अउर भ्रम माहीं परिके अनेकव प्रकार के बुरी इच्छा, अउर सुख-बिलास माहीं फँसे रहे हएन, अउर एक दुसरे से दुसमनी, अउर इरसा के जिन्दगी बिताबत रहे हएन, अउर एक दुसरे से नफरत कइके दुसमनी रक्खत रहे हएन।

इब्रानियन 11:31

अउर राहाब बेस्या काहीं, परमातिमा के ऊपर पूर बिसुआस रहा हय, एहिन से उआ परमातिमा के हुकुम न मानँइ बाले मनइन के साथ नास नहीं भे; काहेकि उआ भेद लेंइ बाले दूतन काहीं बचाइस रहा हय।

इब्रानियन 4:11

एसे हम पंचे उआ अराम के जघा माहीं जाँइ के खातिर पूर कोसिस करी, कहँव अइसा न होय, कि हमरे पंचन म से कोऊ, इजराइलिअन कि नाईं बन जाय, जउन परमातिमा के हुकुम काहीं न मानिके, अराम के जघा माहीं नहीं जाए पाइन तय।

1 पतरस 1:8

काहेकि तूँ पंचे यीसु काहीं नहीं देखे आह्या, तऊ उनसे प्रेम करते हया, अउर अब त उनहीं बिना देखेन, उनखे ऊपर बिसुआस कइके अइसन आनन्दित अउर मगन होते हया, जउन बखान से बाहर अउर महिमा से भरा हय।

1 पतरस 2:4

उनखे लघे आबा, जिनहीं संसारिक मनई त बिना काम के ठहराइन हीं, पय ऊँ परमातिमा के द्वारा चुने अउर अनमोल जिअत पथरा आहीं।

1 पतरस 2:8

अउर “उआ अइसन पथरा बनिगा जेसे मनइन काहीं ठेस लागत ही, अउर अइसन बड़ी चट्टान बनिगा जउने से मनइन काहीं ठोकर लागत ही।” काहेकि ऊँ पंचे परमातिमा के बचन काहीं न मानिके ठोकर खात हें, अउर ऊँ पंचे एहिन के खातिर ठहराए घलाय गे रहे हँय।