1 पतरस 2:12 - Bagheli Bible

¹² गैर मसीही मनइन के बीच माहीं, तोंहार चाल-चलन निकहा होंइ चाही; एसे कि जउने-जउने बातन माहीं, ऊँ पंचे तोहईं कुकर्मी जानिके बदनाम करत हें, ऊँ पंचे तोंहरे निकहे कामन काहीं देखिके; ईंन निकहे कामन के कारन परमातिमा के न्याय करँइ बाले दिन काहीं, परमातिमा के बड़ाई करँय।

1 पतरस 2:12 ပူးပေါင်းရင်းမြစ်များ

1 पतरस 3:16

अउर तूँ पंचे अपने सोच-बिचार काहीं सुद्ध रख्या, एसे कि जउने बातन के बारे माहीं तोंहार बदनामी होत ही। ओखे बारे माहीं, जउन तोंहरे मसीही चाल-चलन के अपमान करत हें, ऊँ लज्जित होइ जाँय।

मत्ती 5:16

उहयमेर से तोंहार पंचन के निकहे काम उँजिआर कि नाईं मनइन के आँगे चमकँइ, जउने ऊँ पंचे तोंहरे निकहे कामन काहीं देखिके स्वरग माहीं रहँइ बाले तोंहरे पिता परमातिमा के बड़ाई करँय।”

2 कुरिन्थियन 8:21

काहेकि हमहीं पंचन काहीं इआ बात के हमेसा चिन्ता रहत ही, कि हम पंचे उहय काम करी, जउन प्रभू के नजर भर माहीं निकहा नहीं, बलकिन जउन मनइन के नजर माहीं घलाय निकहा होत हय।

1 थिस्सलुनीकियन 4:12

जउने तोंहईं कउनव चीज के कमी न होय, अउर मसीही मन्डली के बाहर बालेन के साथ निकहा बरताव किहा।

1 तीमुथियुस 4:12

हे तीमुथियुस, तूँ अबे जमान हया, इआ कारन से कोऊ तोंहार निरादर न करँय पाबय, बलकिन तूँ अपने बात-चीत म अउर चाल-चलन म, अउर प्रेम करँइ म, अउर परमातिमा के ऊपर बिसुआस करँय, अउर अपने पबित्र जीबन से सगले बिसुआसिअन के खातिर आदर्स बन जा।

याकूब 3:13

तोंहरे पंचन म से ग्यानी अउर हुसिआर को हय? जे कोऊ इआमेर होय, उआ अपने कामन काहीं निकहा चाल-चलन से नम्रता समेत देखाबय, जउन ग्यान से पइदा होत हय।

फिलिप्पियन 1:27

अउर हम तोंहरे लघे अई, चाह न अई, तूँ पंचे केबल एतना करा, कि तोंहार चाल-चलन मसीह के खुसी के खबर के काबिल होय, अउर हम तोंहरे पंचन के बारे माहीं इहय सुनी, कि तूँ पंचे एक मन होइके, खुसी के खबर के ऊपर बिसुआस काहीं मजबूत करँइ के खातिर मेहनत करत रहते हया।

2 कुरिन्थियन 1:12

हमहीं पंचन काहीं इआ बात के घमन्ड हय, कि हम इआ बात सच्चे मन से कहि सकित हएन, कि हम पंचे इआ संसार के मनइन के साथ, अउर खास करके तोंहरे पंचन के साथ, परमातिमा के किरपा के मुताबिक बेउहार किहेन हय। हम पंचे उआ बेउहार सरलता अउर सच्चाई के साथ किहेन हँय, जउन परमातिमा से मिलत हय, अउर उआ संसार के बुद्धी से नहीं मिलय।

2 पतरस 3:11

त इआ बताबा, जब ईं सगली चीजँय, इआमेर से पिघलँय बाली हईं, त तोंहईं पंचन काहीं पबित्र चाल-चलन के साथ, परमातिमा के भक्ती करत, पबित्र जीबन जिअँइ चाही।

रोमियन 13:13

अउर जइसन सगले मनई दिन के उँजिआर माहीं रहत हें, उहयमेर हमहूँ पंचन काहीं रहँइ चाही, अउर हमार पंचन के चाल-चलन निकहा होंइ चाही, इआ नहीं कि भोग-बिलास माहीं परि जई, अउर दारू पिके धुत्त रही, अउर ब्यभिचार करी, अउर लुच्चई माहीं परिके लड़ाई-झगड़ा करी, अउर कोहू से डाह करी।

रोमियन 12:17

जे तोंहरे साथ बुराई करँय, त तुहूँ पंचे उनखे साथ बुराई न किहा, बलकिन भलाइन किहा; जउन बातँय सगले मनइन के भलाई के खातिर होंय, उनहिन काहीं करँइ के कोसिस करा।

इब्रानियन 13:18

अउर हमहीं पंचन काहीं इआ पूर भरोसा हय, कि हमार पंचन के बिबेक सुद्ध हय; अउर हम पंचे हर हाल माहीं नीक काम करँइ चाहित हएन, एसे तूँ पंचे हमरे पंचन के खातिर प्राथना करत रहा।

1 तीमुथियुस 2:2

अउर प्रसासन चलामँइ बालेन, अउर ऊँच पद बाले अधिकारिन के खातिर घलाय प्राथना किहा, एसे कि जउने हम पंचे सान्ति के साथ निडर होइके, परमातिमा के भक्ती करत गम्भीरता से जीबन बिताय सकी।

फिलिप्पियन 4:8

एसे हे भाई-बहिनिव, जउन-जउन बातँय सत्य हईं, अउर जउन-जउन बातँय आदर के काबिल हईं, अउर जउन-जउन बातँय उचित हईं, अउर जउन-जउन बातँय पबित्र हईं, अउर जउन-जउन बातँय निकही हईं, अउर जउन-जउन बातँय मन काहीं नीक लागँइ बाली हईं, मतलब इआ, कि जउन-जउन बातँय जीबन माहीं निकहे बिचार पइदा करती हईं, अउर जउन सराहनीय बातँय हईं, उनहिन के ऊपर आपन ध्यान रक्खा।

इफीसियन 4:22

कि तूँ पंचे पिछले चाल-चलन के पुरान सुभाव काहीं छोंड़ि द्या, नहीं त उआ भरमामँइ बाली बुरी इच्छन माहीं फँसाइके जीबन काहीं भ्रस्ट कइ देत हय।

इब्रानियन 13:5

अउर तोंहार पंचन के सुभाव लालची न होंइ चाही, बलकिन जउन तोंहरे पंचन के लघे होय, ओहिन माहीं सन्तोस करा; काहेकि परमातिमा इआ खुदय कहिन हीं, कि “हम तोंहईं पंचन काहीं कबहूँ न छोंड़ब, हमेसा तोंहरे साथय माहीं रहब।”

रोमियन 15:9

अउर गैरयहूदी लोग घलाय, परमातिमा के दया के कारन उनखर बड़ाई करँय, जइसन पबित्र सास्त्र माहीं घलाय लिखा हय, कि “हम गैरयहूदी लोगन के बीच माहीं अपना के धन्यबाद करब, अउर अपना के नाम के भजन गाउब।”

लूका 19:44

अउर तोहईं अउर तोंहरे लड़िकन-बच्चन काहीं जउन इहाँ हँय, नास कइ देइहँय, अउर तोंहरे सहर के भीतर ऊँ पंचे एकठेरिव पथरा काहीं एक दुसरे के ऊपर न रहँय देइहँय; काहेकि जब परमातिमा तोंहरे लघे आएँ तय, तब तूँ पंचे उआ घरी काहीं नहीं पहिचान्या।”

मत्ती 10:25

चेला के गुरू के बराबर अउर दास के मालिक के बराबर होब, इहय काफी हय; जब ऊँ पंचे घर के मालिक काहीं सइतान कहत हें, त उनखे घर बालेन के साथ अउरव बुरा बरताव करिहँय।

मत्ती 5:11

तूँ पंचे धन्य हया, जब मनई हमरे कारन तोंहार पंचन के बुराई करँइ, अउर सतामँइ अउर झूँठ बोल बोलिके तोंहरे पंचन के बिरोध माहीं अनेकव प्रकार के बुरी बातँय कहँइ,

1 पतरस 4:11

अउर अगर कोऊ बोलत हय, त अइसन बोलय मानो परमातिमा के बचन आय; अगर कोऊ सेबा करय; त उआ सक्ती से करय जउन परमातिमा ओही देत हें; जउने हरेक बातन माहीं यीसु मसीह के द्वारा परमातिमा के बड़ाई होय, काहेकि बड़ाई अउर अधिकार जुग-जुग तक उनहिन के आय। आमीन।

इफीसियन 2:3

इहइमेर पहिले हमहूँ पंचे सगले जन अपने देंह के बुरी इच्छन के मुताबिक दिन बिताबत रहेन हय, अउर अपने देंह अउर मन के बुरी इच्छन काहीं पूर करत रहे हएन, अउर अपने सुभाबय के कारन दुसरे मनइन कि नाईं परमातिमा से दन्ड पामँइ के काबिल रहे हएन।

2 कुरिन्थियन 13:7

अउर हम पंचे अपने परमातिमा से इहय प्राथना करित हएन, कि तूँ पंचे कउनव बुरे काम न करा; हम पंचे इआ प्राथना एसे नहीं करी, कि हम पंचे सही देखाई परी, पय एसे करित हएन, कि तूँ पंचे भलाई के काम करा, चाह हम पंचे भले इआ परिच्छा माहीं असफल ठहरी।

1 कुरिन्थियन 14:25

अउर ओखे मन के छिपी बातँय प्रगट होइ जइहँय, तब उआ गोड़न गिरिके परमातिमा काहीं प्रनाम करी, अउर इआ बिसुआस कइ लेई, कि वास्तव माहीं तोंहरे बीच माहीं परमातिमा हें।

खास चेलन 24:13

अउर न त ईं पंचे, ईं बातन काहीं, जिनखर ईं पंचे हमरे ऊपर दोस लगाबत हें, उनखर अपना के आँगे सही सबूत दइ सकँय।

खास चेलन 15:14

समौन बताइन कि, परमातिमा पहिलय पहिल गैरयहूदी लोगन के ऊपर कउनमेर से किरपा किहिन हीं, कि उनमा से अपने नाम के खातिर सगलेन काहीं एक बनाय लेंय।

लूका 6:22

“धन्य हया तूँ पंचे जब मनई के लड़िका के कारन, संसार के मनई तोंहसे दुसमनी रखिहँय, अउर तोंहईं अपने बीच से निकार देइहँय, अउर तोंहार बुराई करिहँय, अउर तोंहईं बुरा जानिके तोंहार नाम अपने बीच म से काटि देइहँय।”

लूका 1:68

“प्रभू इजराइल के परमातिमा धन्य हें, काहेकि ऊँ अपने प्रजा के ऊपर किरपा किहिन हीं, अउर उनहीं मुक्ती दिहिन हीं।

मत्ती 9:8

सगले मनई इआ देखिके डेराइगें, अउर परमातिमा के बड़ाई करँइ लागें, जउन मनइन काहीं अइसन अधिकार दिहिन हीं।

खास चेलन 25:7

जब ऊँ पेस कीन गें, तब जउन यहूदी लोग यरूसलेम सहर से आएँ तय, ऊँ पंचे पवलुस काहीं घेरिके ठाढ़ होइके, उनखे ऊपर खुब बड़े-बड़े अरोप लगाइन, जिनखर ऊँ पंचे सबूत नहीं दए पाइन।

यूहन्ना 13:31

यहूदा इस्करियोती के चले जाँय के बाद, यीसु कहिन, “अब मनई के लड़िका के महिमा भय ही, अउर उनखे व्दारा परमातिमा के महिमा भय ही।

खास चेलन 28:22

पय तोंहार बिचार का हय? उहय हम पंचे तोंहसे सुनँय चाहित हएन, काहेकि हम पंचे जानित हएन, कि हरेक जघा इआ मत के बिरोध माहीं खुब मनई बातँय करत हें।”

रोमियन 14:18

जे कोऊ अइसा जीबन जि के, मसीह के सेबा करत हय, त ओसे परमातिमा खुसी रहत हें, अउर सगले मनई ओखर मान-सम्मान करत हें।

1 तीमुथियुस 5:10

अउर भलाई के कामन काहीं करँइ माहीं ओखर नाम आँगे रहा होय, अपने लड़िकन-बच्चन काहीं निकहा से पालिस-पोसिस होय; अउर महिमानन के सेबा किहिस होय, अउर उआ बिसुआसिअन के गोड़ धोइस होय, अउर दीन-दुखिअन के मदत किहिस होय, अउर भलाई के कामन काहीं मन लगाइके किहिस होय।

1 पतरस 2:15

काहेकि परमातिमा के इहय मरजी ही, कि तूँ पंचे निकहे कामन काहीं करा, अउर निरबुद्धी मनइन के अग्यानता के बातन काहीं बन्द कइ द्या।