1 पतरस 2:1 - Bagheli Bible

¹ एसे तूँ पंचे अपने जीबन से हरेकमेर के बैर-भाव, छल-कपट, इरसा अउर बदनामी काहीं दूर कइके,

1 पतरस 2:1 ပူးပေါင်းရင်းမြစ်များ

मत्ती 15:7

हे कपटिव, परमातिमा के सँदेस बतामँइ बाले यसायाह तोंहरे बारे माहीं इआ भबिस्सबानी ठीकय किहिन हीं:

मत्ती 23:28

इहइमेर तुहूँ पंचे, बहिरे से त धरमी देखाई देते हया, पय भीतर कपट अउर अधरम से भरे हया, अउर परमातिमा के नेमन काहीं नहीं मनते आह्या।”

मत्ती 24:51

अउर अइसन समय माहीं आय जइहँय, जउने काहीं उआ न जानत होई, अउर ऊँ मालिक आइके ओही खुब सजा देइहँय, अउर ओही कपटी मनइन के बीच माहीं डार देइहँय, जहाँ रोउब अउर दाँत पीसब भर होई।”

मत्ती 7:5

हे कपटी, पहिले अपने आँखी के खम्भा निकार ले, तबहिनय तँय अपने भाई के आँखी के निन्च बुदी उजार निकहा से देखिके निकारे पइहे।

मरकुस 12:15

हम पंचे कर देई, कि न देई?” यीसु उनखे दिल के कपट क जानिके उनसे कहिन, “तूँ पंचे हमरे बात माहीं गलती पकड़ँइ आया हय? रोमी राज के एकठे सिक्का हमरे लघे लइ आबा, कि हम ओही देखी।”

लूका 11:44

तोहईं पंचन काहीं परमातिमा से खुब सजा मिली। काहेकि तूँ पंचे छिपी ऊँ कब्रन कि नाईं हया, जेखे ऊपर मनई रेंगत हें, पय जाने नहीं पामँय।”

लूका 12:1

एतनेन माहीं जब हजारन मनइन के भीड़ लगिगे, अउर इहाँ तक कि ऊँ पंचे एक दुसरे के ऊपर गिरे परत रहे हँय, तब यीसु सबसे पहिले अपने चेला लोगन से कहँइ लागें, “फरीसी लोगन के कपटरूपी खमीर से सतरक रह्या।

लूका 6:42

जब तोंहईं अपने आँखी के खम्भा नहीं देखाय, त तूँ अपने भाई से कइसा कहि सकते हया, हे भाई, रुकि जा, तोंहरे आँखी के निन्च बुदी उजार निकार देई? हे कपटी, पहिले अपने आँखी के खम्भा निकार, तब जऊँ निन्च बुदी उजार तोरे भाई के आँखी माहीं ही, ओही निकहा से देखिके निकारे पइहे।

यूहन्ना 1:47

अउर यीसु नतनएल काहीं अपने कइती आबत देखिके, उनखे बारे माहीं कहिन, “देखा, ईं आहीं, सच्चे इजराइली, इनखे जीबन माहीं कउनव कपट नहिं आय।”

रोमियन 1:29

एसे ऊँ पंचे हरेकमेर के अधरम करँइ बाले, अउर दुस्टता करँइ बाले, अउर लालच करँइ बाले बनिगें, अउर इरसा से भरिगें; अउर डाह करँइ बाले, अउर कतल करँइ बाले, अउर झगड़ा करँइ बाले, अउर छल-कपट करँइ बाले बनिगें अउर इरसा से भरिगें, अउर चुगली करँइ बाले,

1 कुरिन्थियन 14:20

अउर हे भाई-बहिनिव, जइसन छोट बुदे लड़िकन के सोच-बिचार रहत हय, उआमेर तोंहार पंचन के सोच-बिचार न होंइ चाही; बुराई के खातिर छोट लड़िकन कि नाईं अनजान बना, पय तोंहार सोच-बिचार सयानन कि नाईं होय।

1 कुरिन्थियन 5:8

एसे आबा, हम पंचे आपन फसह के तेउहार, बुराई अउर दुस्टता से भरे पुरान खमीर के रोटी से न मनाई, बलकिन सिधाई अउर सच्चाई से भरी, बिना खमीर के रोटी से मनाई।

2 कुरिन्थियन 12:20

काहेकि हमहीं इआ बात के डेर हय, कि कहँव अइसा न होय, कि जब हम तोंहरे लघे अई, त जइसन तोंहईं पंचन काहीं हम पामँइ चाहित हएन, त उआमेर न पाई, अउर तुहूँ पंचे घलाय हमहीं जइसन पामँइ चहते हया, त उआमेर न पाबा। अउर हम इआ नहीं चाही, कि तोंहरे बीच माहीं, लड़ाई-झगड़ा होय, डाह होय, क्रोध होय, बिरोध होय, जलन होय, चुगली करब होय, घमन्ड होय, कउनव बात के बखेड़ा होय।

इफीसियन 4:31

एसे तूँ पंचे हरेकमेर के करुअई, अउर प्रकोप, अउर क्रोध, अउर लड़ाई-झगड़ा, अउर दुसरे के बुराई करब, अउर हरेकमेर के बैर-भाव समेत सगली बातन काहीं अपने जीबन से दूर कइ द्या।

1 थिस्सलुनीकियन 2:3

काहेकि हमार पंचन के उपदेस न त भ्रम माहीं डारँइ बाला आय, अउर न असुद्धय आय, अउर न ओमा छलय कपट आय।

1 तीमुथियुस 3:11

इहइमेर से मसीही मन्डली माहीं सेबा करँइ बाली मेहेरिअन काहीं घलाय होंइ चाही, जिनखर सगले मनई सम्मान करँय, ऊँ दुसरेन के ऊपर दोस लगामँइ बाली न होंय, बलकिन सचेत अउर सगली बातन माहीं बिसुआस के काबिल होंय।

तीतुस 2:3

इहइमेर बुढ़ान मेहेरिअन काहीं सिखाबा, कि उनखर चाल-चलन पबित्र चाल चलँइ बाले मनइन कि नाईं होय; ऊँ दुसरेन के ऊपर दोस लगामँइ बाली न होंय, अउर दारू पिअँइ बाली न बनँय, बलकिन निकही बात सिखामँइ बाली बनँय।

इब्रानियन 12:1

जब परमातिमा के ऊपर बिसुआस करँइ बाले खुब मनइन के गबाही, हमरे पंचन के चारिव कइती मवजूद ही, इआ कारन से आबा, हमहूँ पंचे हरेक रोंकँइ बाली चीजन काहीं, अउर हरेक उलझामँय बाले पापन काहीं, अपने जीबन से दूर करी, जउन परमातिमा से दूरी लइ जात हें, अउर जउने मसीही दउड़ माहीं, हमहीं पंचन काहीं दउड़ँइ काहीं हय, ओही बड़े धीरज के साथ दउड़ी।

याकूब 1:21

एसे बुरे कामन, अउर चारिव कइती फइली दुस्टता से दूरी रह्या, बलकिन उआ बचन काहीं नम्रता से अपनाय ल्या, जउन तोंहरे हिरदँय माहीं बोबा ग हय, उहय तोंहरे प्रान के मुक्ती कइ सकत हय,

याकूब 3:14

पय अगर तूँ पंचे अपने मन माहीं बड़ी इरसा अउर बिरोध रखते हया, त सत्य के बिरोध माहीं घमन्ड न किहा, अउर न त झूँठय बोल्या।

याकूब 4:11

हे भाई-बहिनिव, एक दुसरे के बदनामी न करा, जे कोऊ बिसुआसिअन के बदनामी करत हय, इआ बिसुआसिअन के ऊपर दोस लगाबत हय, उआ परमातिमा के बिधान के बदनामी करत हय, अउर बिधान के ऊपर दोस लगाबत हय, त तूँ बिधान के मुताबिक चलँइ बाले नहीं, बलकिन ओखर हाकिम ठहरिहा।

याकूब 4:5

का तूँ पंचे पबित्र सास्त्र के बातन काहीं बेकार समझते हया, जउने आत्मा काहीं उँइ हमरे पंचन के भीतर बसाइन हीं, का उआ अइसन इच्छा करत हय, जउने के प्रतिफल इरसा होय?

याकूब 5:9

हे भाई-बहिनिव, एक दुसरे के ऊपर दोस न लगाबा जउने तुहूँ पंचे दोसी न ठहरा, देखा न्याय करँइ बाले दुअरा माहीं ठाढ़ हें।

1 पतरस 2:16

अउर तूँ पंचे अजाद मनई कि नाईं जीबन जिआ, पय अपने अजादी काहीं बुराई करँइ के आड़ न बनाया, बलकिन परमातिमा के सेबकन कि नाईं जीबन जिआ।

1 पतरस 2:22

अउर मसीह के बारे माहीं पबित्र सास्त्र माहीं लिखा हय, कि “न त ऊँ कउनव पापय किहिन, अउर न उनखे मुँहे से कउनव छल-कपट के बातँय निकरीं।

1 पतरस 3:10

काहेकि “जे कोऊ अनन्त जीबन पामँइ चाहत हय, अउर परमातिमा के निकहे दिन देखँइ चाहत हय, त उआ अपने जीभ काहीं बुराई करँइ से, अउर अपने मुँहे काहीं छल-कपट के बातँय करँय से रोंके रहय।

1 पतरस 4:2

एसे तूँ पंचे संसार के बाँकी आपन जीबन, मनइन के बुरी अभिलासन के मुताबिक नहीं, बलकिन परमातिमा के मरजी के मुताबिक बिताबा।

1 पतरस 4:4

अउर अब तूँ पंचे उनखे लुचपन के भारी कामन माहीं, उनखर साथ नहीं देते आह्या, एसे ऊँ पंचे अचरज मानत हें, अउर तोहईं पंचन काहीं भला-बुरा कहत हें।

दरसनन के बातँय 14:5

इनखे मुँह से कबहूँ लबरी बातँय नहीं निकरीं तय, ईं पंचे निरदोस हें।