1 पतरस 1:8 - Bagheli Bible

⁸ काहेकि तूँ पंचे यीसु काहीं नहीं देखे आह्या, तऊ उनसे प्रेम करते हया, अउर अब त उनहीं बिना देखेन, उनखे ऊपर बिसुआस कइके अइसन आनन्दित अउर मगन होते हया, जउन बखान से बाहर अउर महिमा से भरा हय।

1 पतरस 1:8 ပူးပေါင်းရင်းမြစ်များ

मत्ती 10:37

एसे जे कोऊ अपने महतारी-बाप काहीं हमसे जादा पियार मानत हय, उआ हमरे काबिल नहिं आय, अउर जउन अपने लड़िका बिटिआ काहीं, हमसे जादा पियार मानत हय, उहव हमरे काबिल नहिं आय।

यूहन्ना 14:15

अउर यीसु पुनि कहिन, “अगर तूँ पंचे हमसे प्रेम करते हया, त हमरे हुकुमन काहीं मनिहा।

यूहन्ना 14:21

उआ मनई जउन हमरे हुकुमन काहीं जानत हय, अउर उनखर पालन करत हय, उहय हमसे प्रेम करत हय, अउर जे कोऊ हमसे प्रेम करत हय, ओसे हमार पिता प्रेम करत हें, अउर हमहूँ ओसे प्रेम करब, अउर अपने-आप काहीं ओखे ऊपर प्रगट करब।”

यूहन्ना 14:24

जे हमसे प्रेम नहीं करय, त उआ हमरे बचन काहीं नहीं मानय, पय जउन बचन तूँ पंचे सुनते हया, उआ हमार न होय, बलकिन हमहीं पठमँइ बाले पिता के आय।

यूहन्ना 16:22

अउर तोंहऊँ पंचन काहीं अबे त उहयमेर सोक हय, पय जब हम तोंहसे पुनि मिलब, त तूँ पंचे खुब आनन्दित होइहा; अउर तोंहरे आनन्द काहीं कोऊ छड़ाय नहिं सकय।

यूहन्ना 20:29

तब यीसु उनसे कहिन, “तूँ त हमहीं देखिके हमरे ऊपर बिसुआस किहा हय, पय धन्य हें, ऊँ पंचे जउन हमहीं बिना देखे बिसुआस करत हें।”

यूहन्ना 8:42

इआ सुनिके यीसु उनसे कहिन, “अगर वास्तव माहीं परमातिमा तोंहार पिता होतें, त तूँ पंचे हमसे प्रेम रख त्या; काहेकि हम परमातिमय से निकरिके आएन हँय; हम अपने से नहीं आएन, बलकिन उँइन हमहीं पठइन हीं।

खास चेलन 16:34

अउर ऊँ पवलुस अउर सीलास काहीं अपने घर लइ जाइके, उनहीं खाना खबाइन, अउर अपने सगले परिबार समेत परमातिमा के ऊपर बिसुआस कइके बड़ा आनन्द मनाइन।

रोमियन 14:17

काहेकि परमातिमा के राज, खाँय-पिअँइ से सम्बन्धित नहिं आय, पय अगर हम पंचे परमातिमा के नजर माहीं निरदोस जीबन जी, अउर सगले मनइन से मेल-मिलाप से रही, अउर पबित्र आत्मा से मिलँइ बाले आनन्द माहीं जीबन बिताई, त परमातिमा हमरे पंचन के जीबन माहीं राज करिहँय।

रोमियन 15:13

हम प्राथना करित हएन, कि परमातिमा जउन तोंहईं पंचन काहीं आसा देत हें, अउर तूँ पंचे उनखे ऊपर बिसुआस करते हया, एसे ऊँ तोंहईं पंचन काहीं आनन्द अउर सान्ती से भर देंय, कि जउन आसा तूँ पंचे उनखे ऊपर रक्खे हया, उआ पबित्र आत्मा के सक्ती से अउर बाढ़त जाय।

1 कुरिन्थियन 16:22

अउर अगर कउनव मनई, प्रभू से प्रेम नहीं रक्खय, त प्रभू ओही सराप देइहँय। हे हमार पंचन के प्रभू, अपना हरबी अई।

2 कुरिन्थियन 1:22

अउर उँइन हमरे पंचन के ऊपर आपन छाप लगाय दिहिन हीं, अउर बयाना माहीं पबित्र आत्मा काहीं हमरे पंचन के भीतर डार दिहिन हीं।

2 कुरिन्थियन 12:4

उआ मनई जउन स्वरग लोक माहीं उठाय लीनगा रहा हय, उआ अइसन बातन काहीं सुनिस, कि जिनहीं बताबा नहीं जाय सकय; अउर जिनहीं बतामँइ के अनुमति मनई काहीं नहिं आय।

2 कुरिन्थियन 4:18

अउर हम पंचे देखाई देंइ बाली चीजन माहीं मन नहीं लगाई, बलकिन जउन चीजँय नहीं देखाई देती आहीं, उनहिन माहीं मन लगाइत हएन, काहेकि देखाई देंइ बाली चीजँय थोरिन दिन के होती हईं, पय जउन चीजँय नहीं देखाई देती, ऊँ हमेसा बनी रहती हईं।

2 कुरिन्थियन 5:7

काहेकि हम पंचे संसारिक बातन काहीं देखिके नहीं, बलकिन बिसुआस के सहारे चलित हएन।

2 कुरिन्थियन 9:15

परमातिमा काहीं उनखे उआ दान के खातिर जउन बखान से बाहर हय, हम पंचे धन्यबाद देइत हएन।

गलातियन 5:22

अउर पबित्र आत्मा के फर इआमेर से हँय जइसन, प्रेम करब, आनन्दित रहब, मिल-जुलिके रहब, धीरज धरब,

गलातियन 5:6

काहेकि अगर हम पंचे यीसु मसीह के ऊपर बिसुआस करित हएन, त खतना करबाउब इआ कि खतना न करबाउब, एसे कउनव फायदा नहिं आय, बलकिन केबल यीसु मसीह के ऊपर बिसुआस रखिके, दुसरे मनइन से प्रेम करब खास बात आय।

इफीसियन 3:19

अउर मसीह के उआ प्रेम काहीं जान सका, जउन मनइन के हरेकमेर के ग्यान से नहीं जाना जाय सकय, जउने तूँ पंचे परमातिमा के सगली भरपूरी से भरपूर होइजा।

इफीसियन 6:24

अउर जे कोऊ हमरे पंचन के प्रभू यीसु मसीह से सच्चा प्रेम करत हें, उन सगलेन के ऊपर परमातिमा के किरपा होत रहय।

फिलिप्पियन 1:25

अउर इआ बात जानित हएन, कि हम जिन्दा रहब, काहेकि हमहीं प्रभू के ऊपर बिसुआस हय, एसे कि हम तोंहरे पंचन के साथय माहीं रहब, जउने तूँ पंचे बिसुआस माहीं मजबूत होइजा, अउर प्रभू माहीं आनन्दित रहा।

फिलिप्पियन 3:3

काहेकि खतना बाले त हमहिन पंचे आहेन, जउन पबित्र आत्मा के अँगुआई से परमातिमा के अराधना करित हएन, अउर मसीह यीसु के ऊपर घमन्ड करित हएन, अउर देंह से जुड़ी बातन के ऊपर भरोसा नहीं रक्खी।

फिलिप्पियन 4:4

तूँ पंचे प्रभू माहीं हमेसा आनन्दित रहा; इहय बात काहीं हम पुनि कहित हएन, प्रभू माहीं आनन्दित रहा।

इब्रानियन 11:1

बिसुआस के मतलब हय, जउने चीजन के हम पंचे आसा करित हएन, ऊँ जरूर हईं, अउर जउने चीजन काहीं हम पंचे नहीं देखे आहेन, ऊँ हईं, बिसुआस उनखर पक्का सबूत देत हय।

इब्रानियन 11:27

अउर मूसा काहीं परमातिमा के ऊपर पूर बिसुआस रहा हय, एहिन से ऊँ मिस्र के राजा के क्रोध से नहीं डेरानें, अउर मिस्र देस काहीं छोंड़िके चलेगें, अउर अइसन जान परत रहा हय, कि ऊँ न देखाँइ बाले परमातिमा काहीं देखत हें, अउर बिसुआस माहीं अटल रहिगें।

1 पतरस 1:6

अउर इहय कारन से तूँ पंचे खुब आनन्दित होते हया। जबकि इआ बात जरूर हय, कि तूँ पंचे अबे कुछ दिना तक अनेकव प्रकार के परिच्छन माहीं परँइ के कारन, दुखी हया।

1 पतरस 2:7

एसे तूँ पंचे जउन उआ पथरा के ऊपर बिसुआस करते हया, उआ तोंहरे पंचन के खातिर अनमोल हय, पय जे कोऊ ओखे ऊपर बिसुआस नहीं करँय, उनखे खातिर “जउने पथरा काहीं राजा के कारीगर लोग बिना काम के ठहराइन रहा हय, उहय कोने के खास पथरा बनिगा।”

1 पतरस 5:4

अउर जब संसार के रखबारी करँइ बाले परमप्रधान अइहँय, त तोंहईं पंचन काहीं महिमा के मुकुट दीन जई, जउन कबहूँ न मुरझई।