1 पतरस 1:7 - Bagheli Bible

⁷ अउर इआ एसे होत हय, कि तोंहार पंचन के बिसुआस, परिच्छा के द्वारा खरा निकरय, अउर तोंहार पंचन के जाँचा-परखा बिसुआस, आगी माहीं ताबा ग, नास होंइ बाले सोन से जादा कीमती हय, जब यीसु मसीह दुसराय अइहँय, त बिसुआस माहीं बने रहँइ के कारन, तोंहईं पंचन काहीं परमातिमा से बड़ाई, महिमा, अउर मान-सम्मान मिली।

1 पतरस 1:7 ပူးပေါင်းရင်းမြစ်များ

मत्ती 19:28

तब यीसु उनसे कहिन, कि “हम तोंहसे सही-सही कहित हएन, कि आमँइ बाले नए संसार माहीं जब सब कुछ परमातिमा नबा बनइहँय, तब मनई के लड़िका अपने महिमा के सिंहासन माहीं बइठिके राज करिहँय, अउर तुहूँ पंचे घलाय जउन हमार चेला बन गया हय, बरहँव सिंहासनन माहीं बइठिके, इजराइल के बरहँव गोत्रन के न्याय करिहा।

मत्ती 25:21

तब उआ दास के मालिक ओसे कहिन, कि ‘साबास, तूँ बिसुआस के काबिल अउर निकहे दास हया, तूँ थोर काहीं धन माहीं बिसुआस के काबिल रहे हया; एसे हम तोंहईं खुब चीजन के अधिकारी बनाउब। अउर तूँ जाइके अपने मालिक के खुसी माहीं सामिल होइजा।’

मत्ती 25:23

तब मालिक, उआ दास से कहिन, कि ‘साबास, तूँ बिसुआस के काबिल अउर निकहे दास हया, तूँ थोरी क धन माहीं बिसुआस के काबिल रहे हया; एसे हम तोंहईं खुब चीजन के अधिकारी बनाउब। अउर तूँ अपने मालिक के खुसी माहीं सामिल होइजा।’

लूका 12:33

आपन धन-सम्पत्ती बेंच के दान कइ द्या; अउर अपने खातिर अइसन आत्मिक बटुआ बनाबा, जउन पुरान नहीं होय, बलकिन स्वरग माहीं अइसन आत्मिक धन एकट्ठा करा, जउन घटय नहीं, जेही चोर नहीं चोरामँय, अउर न किरबा खाँय।

लूका 17:30

मनई के लड़िका के आमँइ के दिन घलाय अइसय होई।

यूहन्ना 12:26

अगर कोऊ हमार सेबा करय, त हमरे पीछे-पीछे चलय; अउर जहाँ हम रहब, उहँय हमार सेबा करँइ बाला घलाय रही; अगर कोऊ हमार सेबा करी, त पिता ओखर आदर करिहँय।

यूहन्ना 5:44

तूँ पंचे हमरे ऊपर बिसुआस कइसन कइ सकते हया, काहेकि तूँ पंचे त आपस माहीं एक दुसरे से मान-सम्मान चहते हया, अउर उआ मान-सम्मान पामँइ के कोसिस नहीं करते आह्या, जउन एकलउते परमातिमा के तरफ से मिलत हय।

खास चेलन 8:20

तब पतरस ओसे कहिन; “तोर पइसा तोरे साथय नास होय, काहेकि तँय परमातिमा के दान काहीं, पइसा से मोल लेंइ के बिचार किहे हई।

रोमियन 2:10

अउर जे कोऊ भलाई करत हें, उनहीं बड़ाई, मान- सम्मान अउर सान्ती मिली, पहिले यहूदी लोगन काहीं, ओखे बाद गैरयहूदी लोगन काहीं।

रोमियन 2:29

पय यहूदी उहय कहाई, जउन भीतर से अरथात मन माहीं यहूदी हय, अउर सच्चा खतना उआ आय, जउन पबित्र आत्मा के द्वारा मन के होत हय, उआ नहीं कि जउन मूसा के बिधान माहीं लिखे के मुताबिक हय, इआमेर करँइ बाले मनई के बड़ाई, मनइन के तरफ से नहीं, बलकिन परमातिमा के तरफ से होत ही।

रोमियन 2:7

जउन मनई धीरज के साथ लगीतार निकहा काम करत, परमातिमा के तरफ से बड़ाई अउर मान- सम्मान पामँइ अउर परमातिमा के साथ हमेसा रहँइ खातिर खोज माहीं लगे रहत हें, उनहीं परमातिमा अनन्त जीबन देइहँय।

रोमियन 8:19

काहेकि इआ सगला संसार बड़ी आसा लगाए, उआ समय के इन्तजार कइ रहा हय, जब परमातिमा के सन्तानन काहीं प्रगट कीन जई।

1 कुरिन्थियन 3:13

त जब यीसु मसीह दुबारा अइहँय, उआ दिना हरेक जन के काम सगले जनेन के आँगे प्रगट होइ जई; अउर जब ऊँ अइहँय त उनखर तेज आगी के लपट कि नाईं होई, अउर उहय आगी के द्वारा हरेक जन के काम जाँचा-परखा जई, कि उआ कइसन हय।

1 कुरिन्थियन 4:5

एसे जब तक प्रभू न आमँय, त समय से पहिले कउनव बात के न्याय न किहा, काहेकि जब प्रभू अइहँय त अँधिआर माहीं छिपी बातन काहीं उँजिआर माहीं देखइहँय, अउर मनइन के मन के उद्देसन काहीं घलाय प्रगट करिहँय। तब परमातिमा के तरफ से हरेक जन के उचित बड़ाई होई।

याकूब 1:12

उआ मनई धन्य हय, जउन परिच्छा माही अटल रहत हय, काहेकि परिच्छा माहीं खरा उतरे के बाद, उआ जीबन के मुकुट पाई, जउने काहीं परमातिमा अपने प्रेम करँइ बालेन काहीं, देंइ के बचन दिहिन हीं।

1 पतरस 1:13

एसे तूँ पंचे मानसिक रूप से सचेत रहा, अउर खुद काहीं काबू माही रखिके, उआ किरपा के खातिर पूरी आसा रक्खा, जउन तोंहईं पंचन काहीं यीसु मसीह के दुसराय आमँइ के समय मिलँइ बाली हय।

1 पतरस 1:5

अउर तोंहार पंचन के रक्छा परमातिमा के सक्ती के द्वारा, बिसुआस से उआ मुक्ती पामँइ के खातिर कीन जात ही, जउन अन्तिम न्याय के दिन माहीं प्रगट होंइ बाली हय।

1 पतरस 2:4

उनखे लघे आबा, जिनहीं संसारिक मनई त बिना काम के ठहराइन हीं, पय ऊँ परमातिमा के द्वारा चुने अउर अनमोल जिअत पथरा आहीं।

1 पतरस 2:7

एसे तूँ पंचे जउन उआ पथरा के ऊपर बिसुआस करते हया, उआ तोंहरे पंचन के खातिर अनमोल हय, पय जे कोऊ ओखे ऊपर बिसुआस नहीं करँय, उनखे खातिर “जउने पथरा काहीं राजा के कारीगर लोग बिना काम के ठहराइन रहा हय, उहय कोने के खास पथरा बनिगा।”

1 पतरस 4:12

हे पियार साथिव, तोंहईं पंचन काहीं जाँचय-परखँय के खातिर, जउन दुख रूपी आगी तोंहरे पंचन के बीच माहीं भड़क उठी हय, त इआ समझिके अचरज न माना, कि कउनव अनहोनी आय घट रही हय।

1 पतरस 4:13

पय जइसय-जइसय तूँ पंचे मसीह के दुखन माहीं भागीदार होते हया, त आनन्द मनाबा, जउने जब मसीह के महिमा प्रगट होय, त तुहूँ पंचे खुब आनन्दित अउर मगन होइ सका।

1 पतरस 5:1

तोंहरे पंचन के बीच माहीं जउन मसीही मन्डली के अँगुआ हें, हमहूँ उनहिन कि नाईं अँगुआ हएन, अउर मसीह जउन दुख सहिन हीं, हम ओखर गबाह हएन, अउर प्रगट होंइ बाली महिमा माहीं भागीदार होइके, उनहीं पंचन काहीं इआ समझाइत हएन।

2 पतरस 1:1

हम समौन पतरस इआ चिट्ठी काहीं लिख रहेन हय, जउन यीसु मसीह के दास अउर खास चेला आहेन। हम इआ चिट्ठी ऊँ मनइन काहीं लिख रहेन हय, जउन हमरे पंचन के परमातिमा, अउर मुक्ती देंइ बाले यीसु मसीह जउन हमहीं पंचन काहीं, परमातिमा के नजर माहीं निरदोस बनाइन हीं, उनहिन के द्वारा हमरे पंचन कि नाईं, ऊँ पंचे घलाय खुब कीमती बिसुआस पाइन हीं।

2 पतरस 1:4

जिनखे द्वारा ऊँ हमसे पंचन से खुब कीमती, अउर खुब बड़े वादन काहीं किहिन हीं, जउने तूँ पंचे ईं वादन के द्वारा, संसार के बुरी अभिलासन से होंइ बाली सड़ाहट से छूटिजा, अउर परमातिमा के सुभाव कि नाईं तोंहरव सुभाव होइ जाय।

2 पतरस 3:14

एसे हे पियार साथिव, जब तूँ पंचे ईं सगली बातन के आस लगाए हया, त इआ कोसिस करा, कि सान्ती के साथ प्रभू के आँगे निस्कलंक अउर निरदोस ठहरा।

यहूदा 1:24

अब तोंहईं पंचन काहीं, जे पाप माहीं गिरँय से बचाय सकत हें, अउर अपने महिमा के भरपूरी के आँगे आनन्दित, अउर निरदोस कइके ठाढ़ कइ सकत हें।

दरसनन के बातँय 1:7

देखा, ऊँ बदरिन के साथ आमँइ बाले हें; अउर हरेक आँखी उनहीं देखी, इहाँ तक कि जउन उनहीं बेधिन रहा हय, ऊँ पंचे घलाय उनहीं देखिहँय, अउर धरती के सगले कुल उनखे कारन छाती पिटिहँय। इआ जरूर होई। आमीन।

दरसनन के बातँय 2:10

जउन कस्ट तोंहईं उठामँइ परी उनसे डेरा न। काहेकि देखा, सइतान तोंहरे पंचन म से कइअक जनेन काहीं जेल माहीं डारँइ बाला हय, जउने तूँ पंचे जाँचे-परखे जा; अउर तोंहईं पंचन काहीं दस दिन तक कस्ट उठामँइ परी, प्रान देंइ तक बिसुआसी रहा; त हम तोंहईं जीबन के मुकुट देब।

दरसनन के बातँय 3:10

हम तोंहईं धीरज धरँय के खातिर कहेन तय, त तूँ धीरज धरे हया, एसे हमहूँ तोंहईं परिच्छा के उआ समय बचाइके रक्खब, जउन धरती माहीं रहँइ बालेन के जाँचय-परखँय के खातिर, सगले संसार माहीं आमँइ बाली हय।

दरसनन के बातँय 3:18

एहिन से हम तोंहईं इआ सलाह देइत हएन, कि आगी माहीं तपाबा सोन हमसे मोल लइ ल्या, कि धनी होइजा; अउर उजर ओन्हा लइ ल्या, कि ओही पहिरिके तोंहईं अपने नंगापन के लज्जा न होय, अउर अपने आँखिन माहीं लगामँइ के खातिर सुरमा लइ ल्या, कि तूँ देखँइ लागा।