1 पतरस 1:4 - Bagheli Bible

⁴ कि जउने हम पंचे बारिसदार होंइ के उआ हक्क पाय जई, जउन हमरे खातिर स्वरग माहीं सुरच्छित हय, काहेकि उआ हक्क कबहूँ न नास होई, न कबहूँ खतमय होई, बलकिन उआ निरमल रही।

1 पतरस 1:4 ပူးပေါင်းရင်းမြစ်များ

मत्ती 25:34

अउर तब ऊँ राजा अरथात मनई के लड़िका अपने दहिने कइती बालेन से कइहँय, कि ‘हे हमरे पिता परमातिमा के धन्य मनइव, तूँ पंचे आबा, अउर उआ राज के अधिकारी होइजा, जउन संसार के सुरुआतय से तोंहरे खातिर तइआर कीन ग हय।

मरकुस 10:17

यीसु जब उहाँ से निकरिके गइल माहीं जात रहे हँय, तब एकठे मनई यीसु के लघे दउड़त आबा, अउर उनखे आँगे गोड़न गिरिके पूँछँइ लाग, “हे उत्तम गुरू, अनन्त जीबन पामँइ के खातिर हम का करी?”

खास चेलन 20:32

अउर अब हम अपना पंचन काहीं परमातिमा काहीं, अउर उनखे किरपा के बचन काहीं सँउपे देइत हएन; जउन अपना पंचन के उन्नति कइ सकत हें, अउर सगले पबित्र कीन मनइन के साथ अपना पंचन काहीं बारिसदार बनाय सकत हें।

खास चेलन 26:18

कि तूँ उनखर आँखी खोला, जउने ऊँ पंचे अँधिआर से जोति कइती, अउर सइतान के अधिकार से परमातिमा कइती फिरँय; एसे उनहीं पापन से माफी मिली, अउर उन मनइन के बीच माहीं जघा पइहँय, जउन हमरे ऊपर बिसुआस किहे के कारन पबित्र कीन गे हँय।’

रोमियन 8:17

अउर अगर हम पंचे परमातिमा के सन्तान आहेन, त उनखर बारिसदार घलाय आहेन, बलकिन परमातिमा के बारिसदार अउर मसीह के संगी बारिसदार घलाय आहेन, अउर अगर हम पंचे उनखे साथ दुख उठाइत हएन, त उनखे साथ महिमा माहीं भागीदार घलाय बनब।

1 कुरिन्थियन 9:25

अउर कुस्ती लड़ँइबाले हरेक पहिलमान, अपने देंह काहीं तइआर करँइ के खातिर, हरेकमेर के कसरत करत हें; अउर ऊँ पंचे त नास होंइ बाले मुकुट काहीं पामँइ के खातिर इआ सगली मेहनत करत हें, पय हम पंचे त उआ मुकुट काहीं पामँइ के खातिर मेहनत करित हएन, जउन कबहूँ नहीं नास होय।

गलातियन 3:18

काहेकि अगर परमातिमा के राज के बारिसदार होंइ के अधिकार मूसा के बिधान से मिला हय, त वादा के द्वारा नहीं मिला आय, पय उआ अधिकार परमातिमा अब्राहम काहीं वादा के व्दारा दिहिन तय।

इफीसियन 1:11

परमातिमा बहुत साल पहिले, अपने योजना के मुताबिक, मसीह के ऊपर बिसुआस कइके उनखर बारिसदार बनँइ के खातिर हमहीं पंचन काहीं चुनिन हीं। काहेकि परमातिमा अपने उद्देस्य अउर मरजी के मुताबिक सब कुछ करत हें।

इफीसियन 1:14

उआ पबित्र आत्मा हमरे पंचन के बारिसदार होंय के बयाना के रूप माहीं, उआ समय तक के खातिर हमहीं पंचन काहीं दीनगा हय, जब तक कि ऊँ हमहीं पंचन काहीं, जउन उनखर मोल लीन आहेन, पूरी तरह से छुटकारा नहीं दइ देंय, इआ कारन सगले मनई उनखे महानता के स्तुति करिहँय।

इफीसियन 1:18

अउर हमार बिनती इहव हय, कि तोंहरे पंचन के मन के आँखी खुल जाँय, अउर तूँ पंचे उआ प्रकास के दरसन कइ सका, जउने तोंहईं पंचन काहीं इआ मालुम होइ जाय, कि उआ आसा का आय, जउने के खातिर ऊँ तोंहईं पंचन काहीं बोलाइन हीं। अउर अपने चुने सगले मनइन काहीं जउन बारिसदार होंय के हक्क ऊँ देइहँय, उआ केतना अदभुत अउर महान हय।

कुलुस्सियन 1:12

अउर पिता परमातिमा के धन्यबाद करत रहा, जउन हमहीं पंचन काहीं एखे काबिल बनाइन हीं, कि उनखे पबित्र मनइन के साथ जउन जोति माहीं जीबन जिअत हें, हमहूँ पंचे उनखे साथय बारिसदार बनय माहीं सामिल होइ जई।

कुलुस्सियन 1:5

इआ सब उआ आसा के कारन भ हय, जउन तोंहरे खातिर स्वरग माहीं सुरच्छित ही, अउर एखे बारे माहीं तूँ पंचे पहिलेन सत्य बचन, अरथात खुसी के खबर के द्वारा सुन चुके हया।

कुलुस्सियन 3:24

काहेकि तूँ पंचे खुदय जनते हया, कि हम पंचे मसीह के सेबा करित हएन, एसे एखे बदले माहीं तोंहईं प्रभू से बारिसदार होंइ के हक्क मिली।

2 तीमुथियुस 4:8

भबिस्य माहीं हमरे खातिर धरम के उआ मुकुट धरा हय, जउन धरमी मनइन काहीं दीन जात हय, जउने काहीं प्रभू, जउन धरमी अउर न्यायी हें, हमहीं अउर उन सगलेन काहीं घलाय, जउन उनखे आमँइ के इन्तजार काहीं पियार जानत हें, न्याय के दिन देइहँय।

इब्रानियन 10:34

काहेकि तूँ पंचे जेल माहीं परे मनइन के दुखन माहीं भागीदार बने हया, अउर अपने धन-सम्पत्ती काहीं खुसी के साथ, इआ जानिके लुट जाँइ दिहा हय। कि हमरे पंचन के लघे ओहू से उत्तम अउर कबहूँ न खतम होंइ बाली धन-सम्पत्ती ही।

इब्रानियन 9:15

अउर इहय कारन से यीसु नई करार के बिचबई भे हँय, जउने उनखे मउत के द्वारा, जउन पहिल करार के समय के अपराध रहे हँय, उनसे छुटकारा मिलय, अउर परमातिमा के चुने मनई, करार के मुताबिक हमेसा के खातिर बारिसदार बन जाँय।

याकूब 1:11

काहेकि सुरिज के ऊतय निकहा कड़ा घाम होत हय, अउर चारन काहीं झुराय डारत हय, उनखर फूल पत्ती झर जाती हईं, अउर उनखर सुन्दरता खतम होइ जात ही। इहइमेर से धनी मनई घलाय, अपने भाग-दउड़ के साथ खतम होइ जात हय।

1 पतरस 3:9

अउर बुराई के बदले माहीं बुराई न किहा, अउर गारी के बदले माहीं गारिव न दिहा, बलकिन गारी के बदले माहीं आसिरबाद दिहा। काहेकि तूँ पंचे एहिन खातिर बोलाए गए हया, जउने परमातिमा के आसिरबाद पामँइ के बारिसदार बन जा।

1 पतरस 5:4

अउर जब संसार के रखबारी करँइ बाले परमप्रधान अइहँय, त तोंहईं पंचन काहीं महिमा के मुकुट दीन जई, जउन कबहूँ न मुरझई।

दरसनन के बातँय 21:27

पय ओमाहीं कउनव अपबित्र चीजँय, इआ कि बुरे काम करँइ बाले, इआ कि लबरी बोलँइ बाले, कउनव मेर से न जाए पइहँय, पय केबल उँइन पंचे जइहँय, जिनखर नाम मेम्ना के जीबन के किताब माहीं लिखे हँय।