1 पतरस 1:2 - Bagheli Bible

² तूँ पंचे पिता परमातिमा के भबिस्य ग्यान के मुताबिक, पबित्र आत्मा से पबित्र कीन जाँय के व्दारा, यीसु मसीह के हुकुम काहीं पालन करँइ के खातिर, अउर उनखे खून से छिनके जाँइ के खातिर चुने गए हया, तोंहईं पंचन काहीं परमातिमा के किरपा, अउर सान्ति बहुतायत से मिलत रहय।

1 पतरस 1:2 ပူးပေါင်းရင်းမြစ်များ

मत्ती 24:22

अउर अगर परमातिमा ऊँ दिनन काहीं कम न करते, त कउनव प्रानी न बचतें, पय अपने चुने मनइन के कारन परमातिमा ऊँ दिनन काहीं घटइहँय।

मत्ती 24:24

काहेकि लबरे मसीह, अउर परमातिमा के सँदेस बतामँइ बाले लबरे मनई तइआर होइहँय, अउर ऊँ पंचे बड़े-बड़े चिन्ह अउर अचरज के काम देखइहँय, कि होइ सकय त चुने मनइन काहीं घलाय भटकाय देंय,

मत्ती 24:31

अउर ऊँ तुरही के खुब तेज अबाज के साथ अपने स्वरगदूतन काहीं पठइहँय, अउर ऊँ पंचे अकास के एक छोर से दुसरे छोर तक, चारिव दिसन से उनखे चुने मनइन काहीं एकट्ठा करिहँय।”

मरकुस 13:20

अउर अगर प्रभू ऊँ दिनन काहीं कम न करते, त कउनव प्रानी न बँचि पउतें, पय ऊँ मनइन के कारन जिनहीं परमातिमा चुनिन हीं, ऊँ दिनन काहीं घटाइन हीं।”

मरकुस 13:22

काहेकि लबरे मसीह, अउर परमातिमा के सँदेस बतामँइ बाले लबरे मनई तइआर होइहँय, अउर ऊँ पंचे बड़े-बड़े चिन्ह अउर अचरज के काम देखइहँय, कि होइ सकय त चुने मनइन काहीं घलाय भटकाय देंय,

मरकुस 13:27

उआ समय ऊँ अपने स्वरगदूतन काहीं पठइके, धरती के इआ छोर से लइके अकास के उआ छोर तक, चारिव दिसन से, अपने चुने मनइन काहीं एकट्ठा करिहँय।”

लूका 18:7

त का परमातिमा अपने भक्तन के न्याय न चुकइहँय? हाँ, जउन दिन-रात उनहीं पुकारत रहत हें? का परमातिमा उनखे खातिर देरी करिहँय? नहीं।

खास चेलन 15:18

इआ बात काहीं उँइन प्रभू कहत हें जउन संसार के उत्पन्न होतय से ईं बातन के खबर देत आए हँय।

खास चेलन 2:23

उनहिन काहीं, जब ऊँ परमातिमा के ठहराई योजना, अउर निस्चित पूर्ब ग्यान के मुताबिक, तोंहरे हबाले कइ दीनगें, त तूँ पंचे अधरमी मनइन के मदत से उनहीं क्रूस माहीं चढ़बाइके मारि डारे हया।

खास चेलन 20:32

अउर अब हम अपना पंचन काहीं परमातिमा काहीं, अउर उनखे किरपा के बचन काहीं सँउपे देइत हएन; जउन अपना पंचन के उन्नति कइ सकत हें, अउर सगले पबित्र कीन मनइन के साथ अपना पंचन काहीं बारिसदार बनाय सकत हें।

रोमियन 1:5

अउर इनहिन के द्वारा हमहीं किरपा अउर यीसु के खास चेला होंइ के अधिकार मिला हय; कि जउने उनखे नाम के ऊपर गैरयहूदी लोग बिसुआस कइके उनखे बातन काहीं मानँय।

रोमियन 1:7

अउर इआ चिट्ठी तोंहईं पंचन काहीं मिलय, जउन रोम देस माहीं परमातिमा के पियार हया, अउर परमातिमा के पबित्र जन होंइ के खातिर चुने गया हय, हमरे पंचन के पिता परमातिमा अउर प्रभू यीसु मसीह के तरफ से तोंहईं पंचन काहीं किरपा अउर सान्ती मिलत रहय।

रोमियन 11:2

अउर परमातिमा अपने उआ प्रजा इजराइली लोगन काहीं जिनहीं पहिलेन से चुनिन रहा हय, उनहीं अबहिनव नहीं छोंड़िन आहीं, का तूँ पंचे नहीं जनते आह्या? कि पबित्र सास्त्र माहीं एलिय्याह नबी के बारे माहीं लिखा हय; कि एलिय्याह इजराइली लोगन के बिरोध माहीं परमातिमा से बिनती करत हें,

रोमियन 11:28

अउर खुसी के खबर के ऊपर बिसुआस न किहे के कारन ऊँ पंचे परमातिमा के बइरी बनिगे हँय, एसे तोंहईं पंचन काहीं फायदा मिला हय, पय अगर ऊँ पंचे परमातिमा के द्वारा पहिलेन से चुनि लीनगे हँय, त परमातिमा द्वारा उनखे बाप-दादन काहीं दीन बचन के कारन ऊँ पंचे घलाय पियार होइहँय।

रोमियन 15:16

अउर उआ किरपा इआ आय, कि हम गैरयहूदी लोगन के खातिर, मसीह यीसु के सेबक बनिके, परमातिमा के खुसी के खबर सुनामँइ के खातिर, एकठे याजक के रूप माहीं काम करी; जउने गैरयहूदी लोग, पबित्र आत्मा से पूरी तरह से पबित्र बनिके, एकठे भेंट के रूप माहीं परमातिमा के द्वारा सोइकार कीन जाँय।

रोमियन 16:19

पय सगले बिसुआसी भाई-बहिनिन काहीं मालुम हय, कि तूँ पंचे प्रभू के हुकुमन काहीं मनते हया, एसे हम तोंहरे पंचन के बारे माहीं खुब आनन्दित हएन, पय हमार इच्छा इआ हय, कि परमातिमा के नजर माहीं, जउने कामन काहीं तूँ पंचे निकहा समझते हया, उनहीं करँइ माहीं लगे रहा, अउर बुरे कामन से तूँ पंचे दूरी रहा।

रोमियन 16:26

पय अब ओही हमेसा रहँइ बाले परमातिमा के हुकुम से उनखे सँदेस बतामँइ बालेन के लिखी किताबन के द्वारा, सगले जातिअन के मनइन काहीं बताबा ग हय, कि जउने उनखे ऊपर बिसुआस कइके, ऊँ पंचे उनखर हुकुम मानँइ बाले होइ जाँय।

रोमियन 8:13

काहेकि तूँ पंचे, अगर मन के बुरी इच्छन के मुताबिक जीबन बितइहा, त आत्मिक रूप से मर जइहा, पय अगर परमातिमा के आत्मा के बताए मुताबिक अपने मन के बुरी इच्छन काहीं छोंड़ि देइहा, त आत्मिक रूप से जिअत रइहा।

रोमियन 8:33

अउर परमातिमा के चुने मनइन के ऊपर दोस कोऊ नहीं लगाय सकय, केबल परमातिमय लगाय सकत हें, काहेकि परमातिमा, ऊँ आहीं जउन उनहीं अपने नजर माहीं निरदोस ठहराइन हीं।

1 कुरिन्थियन 1:30

अउर उनहिन के द्वारा तूँ पंचे मसीह यीसु माहीं बने हया, जउन परमातिमा के तरफ से हमरे पंचन के खातिर ग्यान ठहरे हँय, अउर उनहिन के द्वारा हम पंचे परमातिमा के नजर माहीं निरदोस साबित भएन हँय, पबित्र बनाए गएन हँय, अउर हरेक बुराइन से छुटकारा घलाय पाए हएन।

1 कुरिन्थियन 6:11

अउर तोंहरे पंचन म से कुछ जने इहइमेर के पाप करँइ बाले रहे हँय, पय अब उन पापन से तोंहईं पंचन काहीं धोय दीन ग हय, अउर पबित्र कइ दीन ग हय, अउर तोंहईं पंचन काहीं परमातिमा के सेबा के खातिर सँउप दीन ग हय, अउर प्रभू यीसु मसीह के नाम अउर हमरे पंचन के परमातिमा के आत्मा के द्वारा, परमातिमा के नजर माहीं निरदोस साबित कइ दीन ग हय।

2 कुरिन्थियन 10:5

एसे हम पंचे परमातिमा के ग्यान के बिरोध माहीं उठँय बाले हरेक सोच-बिचारन, अउर हरेक ऊँची बातन के बिरोध करित हएन, अउर हरेक उआ बिचार काहीं जउन मनइन काहीं परमातिमा के ग्यान काहीं पामँइ से रोंकत हें, उनहीं बंदी बनाइके मनइन काहीं मसीह के हुकुमन काहीं मानँइ बाला बनाय देइत हएन।

2 कुरिन्थियन 13:14

अउर प्रभू यीसु मसीह के किरपा, परमातिमा के प्रेम अउर पबित्र आत्मा के सहभागिता तोंहरे पंचन के साथ हमेसा होत रहय।

कुलुस्सियन 3:12

काहेकि तूँ पंचे परमातिमा के चुने पबित्र अउर पियार आह्या, एसे करुना, भलाई, दीनता, कोमलता अउर सहनसीलता काहीं अपनाबा।

2 थिस्सलुनीकियन 2:13

पय हे प्रभू के पियार भाई-बहिनिव, चाही कि हम पंचे तोंहरे बारे माहीं हमेसा परमातिमा काहीं धन्यबाद देत रही, काहेकि परमातिमा तोंहईं आदि से चुनि लिहिन हीं; कि पबित्र आत्मा के द्वारा पबित्र बनिके, अउर सत्य के बिसुआस कइके मुक्ती पाबा,

2 तीमुथियुस 2:10

इहय कारन से हम परमातिमा के चुने लोगन के खातिर, हरेक दुख-मुसीबत काहीं उठाबत रहित हएन, जउने ऊँ पंचे घलाय मसीह यीसु के ऊपर बिसुआस करे से जउन मुक्ती मिलत ही, ओही अनन्त महिमा समेत पामँय।

तीतुस 1:1

हम पवलुस आहेन, हे तीतुस, इआ चिट्ठी हम तोंहईं लिख रहेन हँय, जउन परमातिमा के सेबक आहेन, अउर यीसु मसीह के चुने खास चेला आहेन, परमातिमा जिनहीं चुनिन हीं, ऊँ लोगन काहीं बिसुआस के बारे माहीं, अउर जउन सत्य बचन उनहीं भक्ती के मुताबिक, जीबन जिअँइ के खातिर मदत करत हय, उआ सिखामँइ के खातिर हमहीं पठबा ग हय।

इब्रानियन 10:22

एसे आबा; हम पंचे सच्चे मन से, अउर पूरे बिसुआस के साथ, अउर अपने बिबेक के दोस काहीं दूर करँइ के खातिर, अपने हिरदँय माहीं मसीह के खून काहीं छिड़िकबाइके, अउर देंह काहीं सुद्ध पानी से धोबाइके परमातिमा के लघे चली।

इब्रानियन 11:28

अउर मूसा काहीं परमातिमा के ऊपर पूर बिसुआस रहा हय, एहिन से ऊँ फसह के तेउहार अउर खून छिड़िकँय के बिधी काहीं मानिन, कि जउने परमातिमा के दूत मिस्री लोगन के पहिलउठन काहीं नास करत समय, इजराइली लोगन के पहिलउठन काहीं न मारय।

इब्रानियन 12:24

अउर नई करार के बिचबई यीसु, अउर छिड़काव के उआ खून के लघे आया हय, जउन हाबिल के खून से उत्तम बातँय कहत हय।

इब्रानियन 5:9

अउर सिद्ध बनिके, अपने सगले हुकुम मानँइ बालेन के खातिर, हमेसा के खातिर मुक्ती पामँइ के माध्यम बनिगें।

1 पतरस 1:14

एसे तूँ पंचे हुकुमन काहीं मानँइ बाले लड़िकन कि नाईं बना, इआ नहीं कि जइसन तूँ पंचे पहिले, जब मसीह के ऊपर बिसुआस नहीं करत रहे आह्या, त बुरी इच्छन के मुताबिक जीबन जिअत रहे हया, त अब पहिले कि नाईं पुनि न बना।

1 पतरस 1:19

बलकिन उआ मुक्ती तोंहईं पंचन काहीं, निरदोस अउर निस्कलंक मेम्ना, अरथात मसीह के अनमोल खून के द्वारा मिली हय।

1 पतरस 1:20

अउर मुक्ती देंइ के खातिर यीसु मसीह काहीं, संसार काहीं बनामँइ से पहिलेन चुनि लीन ग रहा हय, पय अब इआ अन्तिम जुग माहीं तोंहरे खातिर उनहीं प्रगट कीन ग हय।

1 पतरस 1:22

एसे जब तूँ पंचे, भाईचारा के प्रेम के खातिर, सत्य के पालन कइके, अपने-अपने आत्मन काहीं पबित्र किहा हय, त तन- मन लगाइके आपस माहीं एक दुसरे से प्रेम करा।

1 पतरस 2:9

पय तूँ पंचे परमातिमा के चुने बंस आह्या, अउर राज पदधारी याजकन के समाज आह्या, अउर पबित्र मनई, अउर परमातिमा के खास प्रजा आह्या, अउर उँइन तोहईं पंचन काहीं, अँधिआर से निकारिके, अपने अदभुत जोति माहीं बोलाइन हीं, कि उनखे महिमा काहीं अपने जीबन से देखाबा।

2 पतरस 1:2

तूँ पंचे परमातिमा, अउर हमरे पंचन के प्रभू यीसु काहीं जान चुके हया, एसे तोंहईं परमातिमा के किरपा अउर सान्ती जादा से जादा मिलत रहय।

2 यूहन्ना 1:1

हम मसीही मन्डली के अँगुआ आहेन, हमरे तरफ से परमातिमा के व्दारा चुनी उआ बहिनी, अउर ओखे लड़िका बिटिअन के नाम, जिनसे हम सच्चा प्रेम रक्खित हएन, अउर केबल हमहिन भर नहीं, बलकिन ऊँ सगले जने तोंहसे प्रेम रक्खत हें, जउन सत्य काहीं जानत हें;

2 यूहन्ना 1:13

तोंहरे चुनी बहिनी के सगले लड़िका बिटिअन के तरफ से, तोंहईं नबस्कार पहुँचय।

यहूदा 1:2

तोंहईं पंचन काहीं परमातिमा के दया, सान्ति अउर प्रेम बहुतायत से मिलत रहय।