1 यूहन्ना 3:3 - Bagheli Bible

³ अउर जे कोऊ उनखे ऊपर इआ आसा रक्खत हय, उआ अपने काहीं उहयमेर पबित्र रक्खत हय, जइसन मसीह पबित्र हें।

1 यूहन्ना 3:3 ပူးပေါင်းရင်းမြစ်များ

मत्ती 5:48

एसे तूँ पंचे परिपूर्न बना, जइसन स्वरग माहीं रहँइ बाले तोंहार पिता परमातिमा परिपूर्न हें।”

लूका 6:36

जइसन तोंहार पिता परमातिमा दयालू हें, उहयमेर तुहूँ पंचे दयालू बना।”

यूहन्ना 17:19

अउर हम अपने-आप काहीं अपना के सेबा माहीं समरपित करित हएन, जउने ऊँ पंचे, सत्य के व्दारा अपने-आप काहीं अपना के सेबा माहीं समरपित करँय।

खास चेलन 15:9

अउर बिसुआस के द्वारा उनखे मन काहीं सुद्ध कइके, हमरे पंचन माहीं अउर उनमा कुछू भेद नहीं रक्खिन।

रोमियन 15:12

अउर पबित्र सास्त्र माहीं यसायाह नबी के किताब माहीं लिखा हय, कि “यिसय के बंस माहीं एक जन पइदा होई, अउर गैरयहूदी लोगन के ऊपर सासन करँइ के खातिर अई, अउर गैरयहूदी लोग उनखे ऊपर आसा रखिहँय।”

2 कुरिन्थियन 7:1

एसे हे हमार पियार भाई-बहिनिव, जब परमातिमा हमसे पंचन से एतने कीमती वादा किहिन हीं, त आबा हम पंचे अपने देंह अउर आत्मा के सगली गंदगी काहीं दूर कइके, अपने-आप काहीं सुद्ध करी। अउर परमातिमा के भय मानत पूरी तरह से पबित्र बनी।

कुलुस्सियन 1:5

इआ सब उआ आसा के कारन भ हय, जउन तोंहरे खातिर स्वरग माहीं सुरच्छित ही, अउर एखे बारे माहीं तूँ पंचे पहिलेन सत्य बचन, अरथात खुसी के खबर के द्वारा सुन चुके हया।

2 थिस्सलुनीकियन 2:16

हमार पंचन के प्रभू यीसु मसीह खुदय, अउर हमार पिता परमातिमा जउन हमसे पंचन से प्रेम किहिन हीं, अउर अपने किरपा से कबहूँ न खतम होंइ बाली सान्ती अउर उत्तम आसा दिहिन हीं,

तीतुस 3:7

जउने हम पंचे परमातिमा के बड़ी दया के कारन धरमी ठहरिके, अउर जउन अनन्त जीबन पामँइ के आसा हम पंचे करित हएन, ओखर बारिसदार घलाय बनी।

इब्रानियन 12:14

अउर तूँ पंचे सबसे मेल-मिलाप रक्खा, अउर पबित्र बनँइ के हरेकमेर से कोसिस करत रहा; काहेकि पबित्र बने बिना, कउनव मनई प्रभू के दरसन कबहूँ न करे पाई।

इब्रानियन 6:18

अउर परमातिमा के कबहूँ न बदलँइ बाली ऊँ दुइठे बातँय, अरथात “कसम” अउर “वादा” के द्वारा हमहीं पंचन काहीं इआ पता चलत हय, कि “परमातिमा कबहूँ झूँठ साबित होइन नहीं सकँय।” एसे हमार पंचन के साहस अउर मजबूत होइ जात हय, अउर हम पंचे जउन उनखे सरन माहीं दउड़े चले आएन हँय, कि उआ आसा काहीं पाई, जउन आँगे धरी हय।

इब्रानियन 7:26

अउर हमहीं पंचन काहीं इहइमेर के महायाजक के जरूरत रही हय, जउन पबित्र, निस्कपट, सुद्ध, अउर बिना पाप के, अउर स्वरग से घलाय ऊँच कीन गे होंय।

याकूब 4:8

परमातिमा के लघे आबा, त उँइ तोंहरे लघे अइहँय, हे पाप करँइ बाले मनइव, आपन-आपन चाल-चलन सुधारा; अउर हे दुइचित्त रखँइ बाले मनइव, अपने हिरदँय काहीं पबित्र करा।

1 पतरस 1:15

बलकिन जइसन तोंहईं पंचन काहीं बोलामँइ बाले परमातिमा पबित्र हें, उहयमेर तुहूँ पंचे अपने सगले चाल-चलन माहीं पबित्र बना।

1 पतरस 1:3

हमरे पंचन के प्रभू यीसु मसीह के पिता परमातिमा के धन्यबाद होय, जउन यीसु मसीह काहीं मरेन म से जिआइके, अपने बड़ी दया से हमहीं पंचन काहीं अनन्त जीबन पामँइ के खातिर, जउन जिअत आसा ही, ओखे खातिर नबा जनम दिहिन हीं।

2 पतरस 1:4

जिनखे द्वारा ऊँ हमसे पंचन से खुब कीमती, अउर खुब बड़े वादन काहीं किहिन हीं, जउने तूँ पंचे ईं वादन के द्वारा, संसार के बुरी अभिलासन से होंइ बाली सड़ाहट से छूटिजा, अउर परमातिमा के सुभाव कि नाईं तोंहरव सुभाव होइ जाय।

2 पतरस 3:14

एसे हे पियार साथिव, जब तूँ पंचे ईं सगली बातन के आस लगाए हया, त इआ कोसिस करा, कि सान्ती के साथ प्रभू के आँगे निस्कलंक अउर निरदोस ठहरा।

1 यूहन्ना 2:6

जे कोऊ इआ कहत हय, कि हम परमातिमा के बचन माहीं बने हएन, ओही यीसु कि नाईं जीबन जिअँइ चाही।

1 यूहन्ना 4:17

हमरे पंचन के बारे माहीं प्रेम इहय रूप माहीं सिद्ध भ हय, जउने न्याय के दिन हमार पंचन के बिसुआस बना रहय, हमार पंचन के बिसुआस एसे बना हय, कि हम पंचे जउन जीबन संसार माहीं जीत हएन, उआ मसीह के जीबन कि नाईं हय।