1 यूहन्ना 1:3 - Bagheli Bible

³ जउन कुछू हम पंचे उनखे बारे माहीं देखेन, अउर सुनेन हय, ओहिन के खबर तोंहईं पंचन काहीं देइत हएन, कि जउने तुहूँ पंचे हमरे पंचन के साथ सहभागी होइजा; अउर हमार पंचन के इआ सहभागिता, पिता परमातिमा के साथ। अउर उनखे लड़िका यीसु मसीह के साथ ही।

1 यूहन्ना 1:3 ပူးပေါင်းရင်းမြစ်များ

यूहन्ना 17:11

हम अउर जादा समय तक संसार माहीं न रहब, पय ईं पंचे संसार माहीं रइहँय, अउर हम अब अपना के लघे आय रहेन हय; हे पिता परमातिमा, जउन अपना पबित्र हएन, उआ नाम के सक्ती से उनखर रच्छा करी, जिनहीं अपना हमहीं दिहेन हय, अउर जइसन हम अउर अपना एक हएन, उहयमेर ऊँ पंचे एक होइ सकँय।

यूहन्ना 17:21

हे पिता परमातिमा, जइसन अपना हमरे साथ हएन, अउर हम अपना के साथ हएन, उहयमेर ऊँ पंचे घलाय हमरे साथ होंय, एसे कि जउने संसार के सगले मनई बिसुआस करँय, कि अपनय हमहीं पठयन हय।

यूहन्ना 17:25

हे पिता परमातिमा, अपना धरमी हएन, संसार के मनई अपना काहीं नहीं जानँय, पय हम अपना काहीं जानित हएन, अउर हमार चेला लोग जानिगें हँय, कि अपनय हमहीं पठएन हय।

यूहन्ना 17:3

अउर अनन्त जीबन इआ आय, कि ऊँ पंचे अपना काहीं जउन एकलउते परमातिमा आहेन, अउर यीसु मसीह काहीं जिनहीं अपना पठयन हँय, जानँय।

यूहन्ना 19:35

जउन मनई इआ देखिस रहा हय, उहय इआ गबाही दिहिस ही, अउर ओखर गबाही सच्ची हय; अउर उआ जानत हय, कि हम इआ बेलकुल सही कहित हएन, जउने तुहूँ पंचे बिसुआस करा।

खास चेलन 13:32

अउर हम तोंहईं पंचन काहीं उआ करार के बारे माहीं, जउन हमरे पंचन के बाप-दादन से कीन गे रही हय, इआ खुसी के खबर सुनाइत हएन।

खास चेलन 13:41

‘हे बुराई करँइ बाले मनइव, देखा, अउर अचरज माना, अउर मिट जा; काहेकि हम तोंहरे दिनन माहीं एकठे काम करब; अइसन काम, कि अगर कोऊ तोंहसे ओखर चरचा करय, त तूँ पंचे कबहूँ बिसुआस न करिहा’।”

खास चेलन 2:42

अउर ऊँ पंचे यीसु मसीह के खास चेलन से सिच्छा पामँइ, अउर संगति रक्खँइ माहीं, अउर रोटी टोरँइ माहीं, अउर प्राथना करँइ माहीं अपने-आप काहीं समरपित कइ दिहिन।

खास चेलन 20:27

काहेकि परमातिमा के पूरी इच्छा काहीं हम अपना पंचन काहीं पूरी तरह से बतामँइ माहीं कबहूँ नहीं हिचकिचानेन।

खास चेलन 4:20

काहेकि इआ त हमसे होइन नहीं सकय, कि जउन हम पंचे देखेन अउर सुनेन हय, उआ न कही।”

रोमियन 15:27

अउर इआ करँइ के खातिर उनहीं निकहा त लाग, पय ऊँ पंचे उनखर रिनिहा घलाय हें, काहेकि ईं पंचे गैरयहूदी लोग, यरूसलेम सहर के यहूदी जाति के बिसुआसी भाई-बहिनिन से आत्मिक बातन के आसीस अरथात खुसी के खबर पाइन हीं, त इनहूँ पंचन काहीं उचित होत हय, कि उनखे सारीरिक जरूरतन के खातिर, उनहीं पंचन काहीं दान दइके उनखर सेबा करँय।

1 कुरिन्थियन 1:30

अउर उनहिन के द्वारा तूँ पंचे मसीह यीसु माहीं बने हया, जउन परमातिमा के तरफ से हमरे पंचन के खातिर ग्यान ठहरे हँय, अउर उनहिन के द्वारा हम पंचे परमातिमा के नजर माहीं निरदोस साबित भएन हँय, पबित्र बनाए गएन हँय, अउर हरेक बुराइन से छुटकारा घलाय पाए हएन।

1 कुरिन्थियन 1:9

परमातिमा बिसुआस के काबिल हें, अउर ऊँ तोहईं पंचन काहीं अपने लड़िका अरथात हमरे पंचन के प्रभू यीसु मसीह के संगति माहीं बोलाइन हीं।

1 कुरिन्थियन 15:1

हे भाई-बहिनिव, हम तोहँई पंचन काहीं जउन खुसी के खबर पहिले सुनाए रहेन हँय, अउर जउने काहीं तूँ पंचे सोइकार घलाय किहा तय, अउर जउने के मुताबिक अबय तक चलतेव हया, त उहय खुसी के खबर हम पुनि सुनाइत हएन।

2 कुरिन्थियन 13:14

अउर प्रभू यीसु मसीह के किरपा, परमातिमा के प्रेम अउर पबित्र आत्मा के सहभागिता तोंहरे पंचन के साथ हमेसा होत रहय।

इफीसियन 3:6

उआ भेद इआ आय, कि खुसी के खबर के द्वारा गैरयहूदी यीसु मसीह के ऊपर बिसुआस किहिन हीं, इआ कारन से यहूदी लोगन के साथ एकय देंह कि नाईं एक होइगे हँय, अउर बारिसदार बनँइ माहीं साझीदार होइगे हँय, अउर परमातिमा के वादा के भागीदार घलाय होइगे हँय।

फिलिप्पियन 1:7

तोंहरे बारे माहीं हमहीं अइसा सोचब उचित हय, काहेकि तूँ पंचे हमरे हिरदँय माहीं बसे हया। अउर हम जेल माहीं हएन, तऊ खुसी के खबर के खातिर मनइन काहीं जबाब देंइ माहीं, अउर अपने जीबन के व्दारा गबाही देंइ माहीं, परमातिमा हमरे ऊपर बड़ी दया कइके हमार मदत किहिन हीं, अउर ऊँ सगले कामन काहीं करँइ माहीं तूँ पंचे हमरे साथ सामिल हया।

फिलिप्पियन 2:1

अगर तोंहरे पंचन के जीबन माहीं मसीह माहीं कउनव उराव हय, प्रेम से पइदा भे हिम्मत ही, अउर अगर पबित्र आत्मा माहीं कउनव भागीदारी हय, अउर करुना के कउनव भावना ही, इआ कि दया ही।

फिलिप्पियन 3:10

अउर हम मसीह काहीं निकहा से जानँइ चाहित हएन, अउर उनखे सामर्थ के अनुभव करँइ चाहित हएन, जउने के व्दारा उँ मरेन म से जि उठे रहे हँय, अउर उनखे उआ दुख माहीं सामिल होंइ चाहित हएन, अउर उहय रूप काहीं पामँइ चाहित हएन, जउने काहीं ऊँ अपने मउत के व्दारा पाइन रहा हय।

कुलुस्सियन 1:13

उँइन हमहीं पंचन काहीं अँधिआर के सक्ती अरथात सइतान से मुक्ती दइके, अपने पियार लड़िका के राज माहीं प्रबेस कराइन हीं।

1 थिस्सलुनीकियन 1:10

अउर परमातिमा के लड़िका यीसु के स्वरग से आमँइ के इन्तजार करत रहा, जिनहीं परमातिमा मरेन म से जिआइन रहा हय, उँइन हमहीं पंचन काहीं परमातिमा के आमँइ बाले क्रोध से बचाबत हें।

1 तीमुथियुस 6:2

अउर जउने सेबकन के मालिक, प्रभू यीसु मसीह के ऊपर बिसुआस करँइ बाले हें, उनहीं बिसुआसी भाई होंइ के कारन, ऊँ सेबक कम मान-सम्मान न करँय; बलकिन उनखर अउर जादा सेबा करँय, काहेकि उनखे सेबा के फायदा लेंइ बाले परमातिमा के ऊपर बिसुआस करँइ बाले आहीं, अउर ऊँ जिनसे प्रेम करत हें, तूँ ईं बातन के उपदेस द्या करा, अउर सगले मसीही मन्डली के मनइन काहीं समझाबत रहा।

इब्रानियन 2:12

अउर पबित्र सास्त्र माहीं घलाय लिखा हय, कि ऊँ कहत हें, कि “हम अपना के नाम अपने भाई-बहिनिन काहीं बताउब, अउर मसीही मन्डली के बीच माहीं अपना के भजन गाउब।”

इब्रानियन 3:1

एसे हे पबित्र भाई-बहिनिव, तूँ पंचे जउन स्वरग माहीं रहँइ बाले परमातिमा के द्वारा बोलाए जाँइ माहीं भागीदार हया, परमातिमा के पठए ऊँ प्रतिनिधि अउर महायाजक यीसु के ऊपर ध्यान करा, जिनहीं हम पंचे सोइकार किहेन हँय।

इब्रानियन 3:14

काहेकि हम पंचे मसीह के साथ भागीदार बन गएन हय, अगर हम पंचे यीसु मसीह के ऊपर किहे पहिल बिसुआस माहीं अन्त तक मजबूती के साथ बने रही।

1 पतरस 5:1

तोंहरे पंचन के बीच माहीं जउन मसीही मन्डली के अँगुआ हें, हमहूँ उनहिन कि नाईं अँगुआ हएन, अउर मसीह जउन दुख सहिन हीं, हम ओखर गबाह हएन, अउर प्रगट होंइ बाली महिमा माहीं भागीदार होइके, उनहीं पंचन काहीं इआ समझाइत हएन।

2 पतरस 1:16

काहेकि जब हम पंचे, तोंहईं अपने प्रभू यीसु मसीह के सामर्थ के, अउर उनखे आमँइ के खबर बतायन तय, त उआ कहानी अपने हुसिआरी से गढ़िके न होय बतायन तय, बलकिन जउन हम पंचे अपने आँखिन से उनखे महिमा काहीं देखन तय, उहय बतायन हय।

1 यूहन्ना 1:1

इआ चिट्ठी माहीं हम, जीबन देंइ बाले उआ बचन के बारे माहीं लिखित हएन, जउन इआ संसार के बनामँइ से पहिलेव रहा हय, जउने काहीं हम पंचे सुनेन हय, अउर जिनहीं हम पंचे अपने आँखिन से देखेन हय, बलकिन जिनहीं हम पंचे बड़े ध्यान से देखेन, अउर हाँथन से छुएन हय।

1 यूहन्ना 1:5

जउन खुसी के खबर हम पंचे उनसे सुनेन हय, उहय तोंहईं सुनाइत हएन, उआ इआ आय, कि परमातिमा जोति आहीं; अउर उनमा एक्कव अँधिआर नहिं आय।

1 यूहन्ना 1:7

पय जइसन ऊँ उँजिआर माहीं चलत हें, उहयमेर अगर हमहूँ पंचे उँजिआर माहीं चली, त एक दुसरे के साथ हमार पंचन के सहभागिता ही; अउर परमातिमा के लड़िका यीसु के खून, हमहीं पंचन काहीं सगले पापन से सुद्ध करत हय।