ZYAŊ 9:39 - Bafia Nouveau Testament

³⁹ Yeesus à kalì min nyi lɛ: Ǹ-yùghà ɓi ziinɛ lɛ rìren ɗi ɓìɓan ɗyɛɛ ghɛnɛn lèg ànɛ lɛ, ɓumɓɛ ɓɛ ri rì tìɗyaŋ ɓɛɛ ghɛnɛn, ɓɛ̀roɓɛ ɓɛɛ̀ ghɛɛghɛnɛ̀n ɓɛ ɗiŋì tìɗyaŋ.

ZYAŊ 9:39 ပူးပေါင်းရင်းမြစ်များ

MATYOO 11:5

Ɓyɛɛ ri lɛ, ɓɛ̀ɗyaŋɗyàŋ ɓɛ ghɛɛ̀ghɛ̀nɛ̀n, ɓɛ̀lɛnlɛm ɓɛ̀ kɛɛ̀kɛ̀ɛ̀ lɛ syeesyee, ɓɛ̀kukwiy ɓɛ pɛɛ̀zɛ̀n kìɓaà lɛ syeesyee ɓi nyoo yàà, ɓɛ̀lɔlɔg ɓɛ woòghwòòghrɛ̀n, ɓìloŋ ɓi gheèghèmɓɛ̀n, Syeesyee à Ɓɔlɛ à ki kaakalɛ̀n a ɓumɓɛ ɓɛ ri nyìighnyìg.

MATYOO 15:14

Càrina ɓɔ; ɓɛ ri ɓɛ̀ɗyaŋɗyàŋ ɓɛ ɓɛɛ̀ ɓanɓan ɓɛro ɓɛ̀ɗyaŋɗyàŋ ɓi kìgeŋ; i ɗyaŋɗyàŋ à ɓanɓani roɗyaŋɗyàŋ ɓi kìgeŋ ɓɛ ri ɓiì kpìi ɓi rìɓee ɓɛsɛ̀ɛ̀ ɓɛ̀cèm.

MATYOO 6:23

kìɓan kifog i ɗis ɗyɔɔ ɗi yin lɛ syeesyee, nyoo yɔ̀ɔ̀ bimiɗ ì ɓiì ɓaà ɓi birìm. Nni i kìtɛɛtɛn ki ki ri ɓi wɔ ki ti birìm, birìm ìnɛn ì rì ɓiì tèghɛɛ ì cee.

LUKAS 1:79

lɛ kɛɛ kpeŋzi ɓumɓɛ ɓɛ ri ɓi birìm, rì ɓi kìfìì ki riwù, ki kɛɛ̀sì ɓìsi ɓi bee ì cɛɓ ki fyòoog.

LUKAS 13:30

Fɔɔnnɛ ɓum ɓɛdɛŋ ɓɛ ɓi ɓɛ̀yùù ajɛ̀m, ɓɛ ɓaa gɛ ɓi ɓumɓɛ asu; ɓɛ̀ro ɓɛdɛŋ ɓɛ ɓi ɓumɓɛ asu, ɓɛ ɓaa gɛ ɓumɓɛ ajɛ̀m.

LUKAS 2:34

Fɔɔnnɛ Simeyɔŋ à màgà ɓɔ, à kpaa Marii à jɛɛ man lɛ: Man ànɛ A ɓiì kìi lɛ ɓumɓɛ a Isirayɛl lɛɛ̀gwey ɓɛɛ kɛɓtɛn fìɓàg ɓi mis mɛ Bɛ̀ll, ɓɛ̀ro ɓɛmbog ɓɛ ɓa kɛ̀ɛ̀ bɛ̀lɛn; à rì ɓiì ɓaà fɛlɛ yɛ̀ɛ roànɛ a konag kì rèsii yɛ̀ɛ ɓum ɓɛ ɓeèzɛɛ rìkì ɗi Bɛ̀ll,

LUKAS 4:18

Nghay à Kan à rì ɓi mɛ̀ ɓisuulɛ à ɓɔngà mɛ̀ à siŋì mɛ̀ mɔ̀ɔ lɛ ǹkakàlì ɓɛ̀yɛɓàyɛɓa Syeesyee à Ɓɔlɛ, à rom mɛ̀ lɛ, nghagsi ɓum ɓɛ naà-zày lɛ: ɓɛ ɓiì kpagii naà-zày; à rom dì mɛ̀ lɛ, ǹkpaà ɓɛ̀ɗyaŋɗyàŋ lɛ ɓɛ ri ɓiì ghɛnɛɛ ti; ɓumɓɛ ɓɛ̀ro ɓum ɓɛɛ̀ kìki mɛtɔɓ m̀pisì ɓɔ ɓi mɛ̀tɔɓ,

LUKAS 7:21

Ɓi cààmɛ̀n kɔm̀ kiǹ, Yeesus à wɔ̀ɔ̀zìghà ɓɛ̀roroɓ lɛɛ̀gwey, rì ɓɛ̀lɛnlɛm, rì ɓumɓɛ ɓɛ ɓaghà rì ɓìɓeɓtàg ɓi mɛghay, à ki kì lɛ, ɓɛ̀ɗyaŋɗyàŋ lɛɛ̀gwey ɓɛ ghɛnɛ̀n tì.

ZYAŊ 12:31

Ɓi cààmɛ̀n ki, kìɓan ki ziinɛ ki yuù kì renɛɛ, ɓigomìnɛ. Ɓɛ yuù kì màagh rifòm ɗi ziinɛ ɓi dan.

ZYAŊ 12:46

Mɛ̀ ǹ-yùghà ɓi ziinɛ fɛlɛ yɛ̀ɛ kìtɛɛtɛn, lɛ mum ǹcèm ànɛ à gherɛɛ mɛ̀ kɛ̀ɛ ɓa ɓi birìm.

ZYAŊ 3:17

Lɛ Bɛ̀ll à romgày ɓi Man wiì ɓi ziinɛ lɛ a fa yɔ̀ bɛ̀lɛn, à romgày lɔŋ nyi lɛ a ghɛɓsi yɔ̀.

ZYAŊ 3:19

Bɛ̀lɛn i rì ǹto lɛ: Kìtɛɛtɛn ki yughày ɓi ziinɛ, ɓum ɓɛ ki keesi birìm à cee kìtɛɛtɛn kìn, lɛ mɛ̀kìkìì maa mɛ ɓaghà mɛ̀ɓeɓtɛn.

ZYAŊ 8:12

Yeesus à tòòghrɛ̀ngà tì rì ɓɔ à kpaa lɛ: Mɛ̀ ǹɗì kìtɛɛtɛn ki ɓi ziinɛ; ŋwaànɛ à nɔ̀ɔ̀tii mɛ̀, àa kɛ̀ɛ̀ghi ɓi ɓi birìm, à rì lɔŋ ɓiì ɓaà rì kìtɛɛtɛn ki cɛɓ.

ZYAŊ 8:15

Mìnii ti ɓì fiɓɓàg ɓìɓan ri ɗyomzɛ̀n ɗi ɓi mɛ̀mùù, ɓi ɓɛg wɛ̀m, mɛ̀ ǹ-yɔ̀mi ɓi mum.

ZYAŊ 9:25

Nni ŋwaànɛ̀n à ɓàkà lɛ: Mɛ̀ ǹ-yii ɓi nkòo à rì ǹkìì-kìɓe; com ki mɛ̀ ǹ-yii ki ri lɛ, m̀ɓalag ri tìɗyaŋ, nni m̀mɛ ghɛnɛn ɓigomìnɛ.

MƐ̀KÌKÌÌ MƐ ƁƐKƐ̀NÌ-FÌTOM 26:18

di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.

2 KƆ̀RƐ̀ŊTYƐŊ 2:16

Ɓi ɓɛ̀ro ɓɛdɛŋ, kìnùbe kìn ki ri kìnùbe ki riwù, ki ki ti ki syogìì rìwu; ɓi ɓɛ̀ro ɓɛmbog, ki ɓa kìnùbe ki cɛɓ, ki kɛɛ̀ fafa cɛɓ. Ghɛn yɛɛ ri min ɗi ìtèɗ wu kìyɛn rikuu ɗi kisay yɛ̀ɛ ɗiǹ?

EFÈZYƐŊ 5:14

Kìɓan kiǹ kɛɛ̀ki ki ri kì kaliyɛn lɛ: Wɔ̀ ŋwaànɛ u lalày, ghèmɓɛn ɓi fìlo pɛ̀sɛn yì aɗyoo ɓi nyìinyìm à ɓìloŋ, di Kiris a lom̀ wɔ̀ kìtɛɛtɛn.

2 TÈSÀLÒNÌSYƐŊ 2:10

à kìi gɛ kìsay ri kìɓe mɛkuu mɛ̀cèm lɛ a ɓɔŋ̀ ɓumɓɛ ɓɛ ghɛɛ̀sɛɛ kì ɗyaŋì ɓisuulɛ ɓɛ ghaɓkà ɓi ǹkɔ̀nɛ̀n ànɛ ɓi saaɗ ànɛ à ɓaghà lɛ à ghɛɓsì ɓɔ.

1 PYƐƐRI 2:9

Wɔ̀lɛ ɓi ɓɛg wìn, mìnii ri boo ì mum ìnɛ ì rì m̀ɓɔ̀nɛn, ǹɗaŋ wu ɓɛpìrɛɛtìrɛ̀ ɓɛ rifòm, kìlɔ̀ŋ ki ki ri ki Bɛ̀ll, ki ɓumɓɛ Bɛ̀ll à tekà ɓisu wiì lɛ ɓɛɛ laàlàmɓɛ̀n ɓɛ̀gɛn ɓɛ mɛkìkìì ɓɛ roànɛ à reŋìghày mìni lɛ ɓi pɛsɛn yì ɓi birìm, ɓi yu ɓi kìtɛɛtɛn kii ki ki ri kìɓan ki kuughrakɛn;

1 ZYAŊ 2:11

Kìɓan kifog, ŋwaànɛ à ɓèèzɛɛ geni à rì ɓi birìm; a kɛ̀ɛ̀kɛɛ ɓi birìm kɛ̀ɛ yi fe nnɛ a kɛ̀nkɛ̀n ɓisuulɛ birìm ì mɛ ɗiŋzi nyi tìɗyaŋ.