ZYAŊ 9:34 - Bafia Nouveau Testament

³⁴ Nni ɓɛ ɓakà nyi lɛ: Wàànɛ ù yalɛ̀ngà ɓi kìɓe wɛ̀ɛmiɗ bimiɗ, wɔ̀ yɛɛ̀ kɔ̀nkɔn lɛ u resag ɓìsi? Fɔɔnnɛ ɓɛ naɓkà nyi.

ZYAŊ 9:34 ပူးပေါင်းရင်းမြစ်များ

LUKAS 11:45

Fɔɔnnɛ kìbog ki ɓi ɓɛ̀rèsàg-ɓìdɔ̀gsɛna ki kpaaghà nyi lɛ: Ǹɗèsàg, i ù kpaa fɔlɔɔ, di ù sɛmgii lɔŋ lɛ rì ɓìsi miì.

LUKAS 14:11

Mum ǹcèm ànɛ à ɓiì ɓɔgsii nyimiɗ innɛ ɓɛɛ ɓiì sɛɛ̀dii, wɔ̀lɛ roànɛ à rì ɓiì sɛɛ̀dii nyimiɗ ɓi zi, innɛ ɓɛ ri ɓiì ɓɔgsii.

LUKAS 18:17

Ǹkalii mìni saaɗ lɛ, i mum à ghàɓi ɓi kilɔ̀ŋ ki Bɛ̀ll fɛlɛ yɛ̀ɛ maa ŋwɔɓti à yin lɛ à ɗiŋì miì.

LUKAS 6:22

I ɓum ɓɛ ɓeèzɛɛ mìni, ɓɛ ɓèn mìni, ɓɛ sɛmgì mìni, ɓɛ ki ren mini ɗii ɓi ǹɗaŋ waa, ɓisuu Man à mum, ɓì ɓiì ɓaa rì ɓɛ̀mààgh.

ZYAŊ 6:37

Ɓum ɓɛ̀cèm ɓɛ Tààta à faa mɛ̀, ɓɛ ri ɓiì yùu a lɔ̀ŋkɛm̀, nni màa ki kpaŋzi ɓi ŋwaànɛ à yùu yì a lɔ̀ŋkɛm̀ ɓi ɗyɔ̀m.

ZYAŊ 8:41

Ɓi kìki ɓiɓan ɓi seŋi wìn a kìlàg? Nni ɓɛ ɓakà nyi lɛ: Tì yin ɓɔn ɓɛ tìsɔ̀mɔ̀g, tì rì lɔŋ Seŋi bog lɛ Bɛ̀ll.

ZYAŊ 9:2

Ɓɛ̀yilàg ɓii ɓɛ tɔg nyi lɛ: Raɓì, ŋwaànɛ à yalɛ̀ngà fɛlɛ rì tìɗyaŋ lɛ nyimiɗ yɛɛ kighà kìɓe gìn ɓɛ̀yalì ɓii?

ZYAŊ 9:22

Ɓɛ̀yalì ɓii ɓɛ kpaaghà fɔlɔɔ ɓisuulɛ, ɓɛ rirìsìghà Ɓɛ̀yudɛ̀n; rì tì lɛ Ɓɛ̀yudɛ̀n ɓɛ ɓaghà di ɓɛ mɛ wooghrɛn jɛ̀ɛ̀ lɛ, ŋwaànɛ à gherɛɛ lɛ Yeesus à rì Kiris, ɓɛ ren nyi ɗii ɓi naà-bɔ̀ŋzɛ̀n.

ZYAŊ 9:35

Yɛ̀ɛ Yeesus à wokà lɛ, ɓɛ nnàɓi ŋwaànɛ̀n, nni à tuusɛ̀ngà rì nyi, à kpaa nyi lɛ: Ù gherɛɛ nya Man à mum?

ZYAŊ 9:40

Yɛ̀ɛ Ɓɛ̀fàrìzyɛŋ ɓɛdɛŋ ɓɛ Yeesus à ɓaghà rì ɓɔ ɓɛ wokà ɓìtòkì ɓiǹ, ɓɛ tɔg nyi lɛ: Ɓìsii ri nya girig rì tìɗyaŋ?

1 KƆ̀RƐ̀ŊTYƐŊ 5:13

Ɓɛ̀roɓɛ ɓi dan, Bɛ̀ll à yɔ̀mi gɛ ɓɔ; lɛ ki ri kì kànɛn lɛ: Pisiina kìɓeɓtàg ki mum ɓi nyìinyìm wìn.

GÀLAT 2:15

Ɓìsii ri ɓìyalì ɓi Ɓɛ̀yudɛ̀n, tì yin ɓɛ̀kìì-kìɓe ɓɛ ɓɛ pɛsɛɛyì ɓi ɓìlɔ̀ŋ ɓidɛŋ.

EFÈZYƐŊ 2:3

Ɓìsi ɓɛ̀sɛ̀ɛ̀ ɓɛ̀cèm, tì ɓaghà girig ɓi nɗaŋ waa lɛ tì ghɛghɛ̀ɓkà abɛ̀y ɓi ɓìɓan ɓi mɛ̀mùù mis mɛ ɓaghà zày rì ɓyɔ, tì kìkì rìkɔ̀n ɗi nyoo yis rì ɗi mɛrem mis lɛ rìɓa ɗi tì ɓaghà ɓum lɔŋ yɛ̀ɛ ɓɛ̀ro ɓɛmɓog, tì ɓaghà ɓumɓɛ bim i Bɛ̀ll ì ghɛ̀ɛ̀sɛɛ kì kpaŋì a lɔ̀ŋkaa.

1 PYƐƐRI 5:5

Mìni ɓìɓwɛɗ ɓi ɓum, ɓì ghɛ̀ɛ̀sɛɛ girig lɛ ɓi ki ɓɛ̀sɛ̀ɛ̀mɛn mɛwog. Nni mìni ɓɛ̀sɛ̀ɛ̀ ɓɛ̀cèm, ɓi cɛɓ ki ɓi ghɛghɛɓ mini rì mìni, sɛɛ̀dɛɛna mìniìɓɔmiɗ ɓi zi, ɓisuulɛ Bɛ̀ll à ti kɛ̀ɛ ɓa nkɔɔ rì ɓɛ̀daŋàdaŋa, lɔŋ ɓɛ̀roɓɛ ɓɛ sɛɛ̀dɛɛ ɓɔmiɗ ɓi zi ɓɛɛ̀ɓɛ a rèsag geesɛ̀n yìì.

3 ZYAŊ 1:10

Kìɓan kiǹ kɛɛ̀ ri ɓiì kìi lɛ, i ǹ-yùu mìni kì ghɛɛ̀, ǹɗèsi mìni ɓìɓeɓtàg ɓi ɓiɓan ɓi a kìkì, à tòtòg ɓìsi kìɓe, kɛ̀ɛ ki rɔ̀ɓ lɛ rìkì ɗiǹ ɗyɔ rì ɗyɔ, à ti à ɓèngì kì ghàɓi ɓɛgeni ɓɛ ɓi rìgherɛ̀n ɓɛ ɓɛ yuù foo; nni i ɓum ɓɛɗɛŋ ɓɛ mɛɛ̀ kì lɛ ɓɛɛ ghaɓ ɓɔ, à règ lɛ ɓɛ̀ kɛɛ̀ ghàɓ ɓɔ, à ki nàɓ ɓɔ lɛ ɓɛɛ pɛsɛn ɓi kìseŋi ki ɓɛgherɛ̀n.

3 ZYAŊ 1:9

Mɛ̀ɛ ǹkàni ɓumɓɛ ɓi kìseŋi ki Kiris maa kaàtà, kìɓan kifog Dyotirɛf ànɛ a ɓiisag ki kɔ̀ni lɛ a ɓa ǹlàmì wàà, à kɔ̀ni ɓi lɛ a wog com ki nkpaakpàà.

ÀPÒKÀLIƁSƐ̀ 13:17

rì tì lɛ mum kɛ̀ɛ ɓa ri bee inɛ lɛ a lag com nsoò lɛ a kaɓ, di à yin ɗi kìrèmzɛnà kiǹ, kɛɛ ri ɗii ɗi nyàm ìnɛn, nsoò lɛ bàlì ì ɗii ɗi nyàm ìnɛn.