ZYAŊ 9:29 - Bafia Nouveau Testament

²⁹ Tì yii lɛ, Bɛ̀ll à tòòghrɛ̀ngà rì Moyis; wɔ̀lɛ roànɛ, tì yii ɓi fennɛ à pɛ̀sɛɛ yì.

ZYAŊ 9:29 ပူးပေါင်းရင်းမြစ်များ

MATYOO 12:24

Yɛ̀ɛ Ɓɛ̀fàrìzyɛŋ ɓɛ wokà fɔlɔɔ, ɓɛ kpaa lɛ: Ŋwaànɛ a nànaɓ ɓiɓeɓtàg ɓi mɛghay rì ìtèɗ wu Bɛlzeɓul ànɛ à rì rìfòm ɗi ɓiɓeɓtàg ɓi mɛghay.

MATYOO 26:61

Ŋwaànɛ̀n àa ǹkpaa lɛ: Ǹɗì lɛ ǹwàà naà-Bɛ̀ll, ǹki pɛ̀ɛ̀zi yɔ̀ ki toŋì ɓi mɛ̀ru mɛraa.

LUKAS 23:2

Wɔɔ nnɛ ɓɛ sɔmɛ̀ngà nyi, ɓɛ kpaa lɛ: Tìi ǹsììdii ŋwaaànɛ di a tootoòsì ɓumɓɛ ɓi kìlɔ̀ŋ kis lɛ, ɓɛ̀ kɛɛ̀ wog com ki ɓɛ̀làmì ɓɛɛ̀ kpaakpàà, à règ lɛ ɓɛ̀ kɛɛ̀ peeti làmpoŋ̀ à Kaaza, à ki reŋɗɛn nyimiɗ lɛ Kiris, yɛ̀ɛ lɔɔ lɛ rìfòm.

ZYAŊ 1:17

Ɓisuulɛ, ɓìdɔ̀gsɛna ɓi falɛ̀ngà rì Moyis, geesɛ̀n rì saaɗ ɓi yuiy rì Yeesus Kiris.

ZYAŊ 7:27

Ɓìsii yii jàŋ inɛ ŋwaànɛ à pɛ̀sɛɛ yì, wɔ̀lɛ yɛ̀ɛ Kiris à ri yù mum àa yi ɓi fennɛ à pɛ̀sɛɛ yì.

ZYAŊ 7:28

Yɛ̀ɛ Yeesus à rèrèsàkà ɓum fɔlɔɔ ɓi naà-Bɛ̀ll, nni à kpaaghà jɛ̀ɛ̀ aɗyoo lɛ: Ɓì yii mɛ̀, ɓì ki yi fennɛ m̀pɛ̀sɛɛ yì; kɔm̀ lɛ m̀pɛ̀sɛ̀ngày ɓi ri nto wɛ̀m, kìɓan kifog roànɛ à romgày mɛ̀ yɛɛ̀ kpaakpaa saaɗ, nyi nnɛ ɓì yii ɓi.

ZYAŊ 8:14

Yeesus à ɓàg ɓɔ lɛ: Ki soo rì lɛ mɛ̀ yɛɛ̀ rèresi kiɓan kɛm̀ mɛ̀ɛmiɗ, com ki nkpaakpàà ki ri saaɗ, lɛ mɛ̀ ǹ-yii fe nnɛ nkɛ̀nkɛ̀n, kìɓan kifog, mìnii yii ɓi jàŋ inɛ m̀ɓaghày, nsoò jàŋ inɛ nkɛ̀nkɛ̀n.

ZYAŊ 9:16

Fɔɔnnɛ Ɓɛ̀fàrìzyɛŋ ɓɛdɛŋ ɓɛ kpaaghà lɛ: Ŋwaànɛ à pɛ̀sɛɛ yì ɓi yɛ̀ɛ Bɛ̀ll ɓisuulɛ à cèlii ɓi Saɓàt. Ɓɛ̀ro ɓɛmbog ɓɛ tɔg lɛ: Lannɛ ǹkìì-kìɓe a rì lɛ à kì mɛ̀kuu mɛ dàm yɛ̀ɛ mɛ?

ZYAŊ 9:24

Fɔɔnnɛ Ɓɛ̀fàrìzyɛŋ ɓɛ reŋìghày tì ŋwaànɛ à ka ɓaghà ànɛ̀n rì tìɗyaŋ, ɓɛ kpaa nyi lɛ: Kali saaɗ ɓi mis mɛ Bɛ̀ll ɓìsii yii lɛ ŋwaànɛ̀n à rì ǹkìì-kìɓe.

ZYAŊ 9:30

Ŋwaànɛ̀n à ɓàg ɓɔ lɛ: Kìɓan ki ki yeesɛɛ rìwog ki ri lɛ, mìnii yii ɓi fennɛ à pɛ̀sɛɛ yì, wɔ̀lɛ nyaa ki ŋwàri mɛ̀ mis!

MƐ̀KÌKÌÌ MƐ ƁƐKƐ̀NÌ-FÌTOM 22:22

Yɛ̀ɛ Ɓɛ̀yudɛ̀n ɓɛ ɓɛ ka kɔ̀rìghà lɛ fyòoog lɛ ɓɛɛ wog ɓìtòkì ɓii ɓɛ mɛɛ̀ wokà jɛ̀ɛ̀ ì siitòn inɛ̀n, nni ɓɛ tumɛ̀ngà rìsyan jɛ̀ɛ̀ aɗyoo lɛ: Pisi ɓìsi ŋwaànɛ bììbiì, ki ghɛ̀ɛ̀sɛɛ tì ɓi lɛ a ghɛghɛɓ.

MƐ̀KÌKÌÌ MƐ ƁƐKƐ̀NÌ-FÌTOM 26:22

Wɔ̀lɛ, rìɓèŋ ɗi Bɛ̀ll a ɓèŋɓeŋ mɛ, ɗyɛɛ kiì lɛ, m̀ɓaɓa ɓi cɛɓ à kpaŋ gɛɛ̀nɛ, fɔɔnnɛ ǹɗì fɛlɛ yɛ̀ɛ wusìnɛ̀ɗ ànɛ a kakali lɛ, rì ɓɔɓti, rì ɓɛ̀sɛ̀ɛ̀mɛn, ɓiɓan ɓii, kɛ̀ɛ ǹki sagti kiɓan kidɛŋ ɓi ɓìɓan ɓi ɓɛ̀kpaŋzì-ɓìɓan rì Moyis ɓɛ kpaaghà lɛ, ɓi ri ɓiì kìlɛɛ,

MƐ̀KÌKÌÌ MƐ ƁƐKƐ̀NÌ-FÌTOM 7:35

Moyis nyimiɗ ànɛ ɓɔn ɓɛ Isirayɛl ɓɛ ɓengà, rì jɛ̀ɛ̀ inɛ lɛ: Ghɛn yɛɛ m̀ɓɔgsii wɔ̀ rìfòm ɗi yɔ̀myɔmɛn ɓisi? Innɛ Bɛ̀ll à romgà lɛ, a lami ɓɔ, à ki kwèɗ ɓɔ ɓi rìkpàn, lɔŋ yɛ̀ɛ ŋwaà-fìtom ànɛ à ghɛngà ɓi kìtwìɗ à kpaaghà nyi.

EBIREEGH 1:1

Ɓi mɛ̀ru mɛ ajɛ̀m, Bɛ̀ll à tòòghrɛ̀ngà rì ɓɛ̀seŋi ɓis gɛ̀n lɛɛ̀gwey, bee lɛ bee ɓi ŋwɔm wu ɓɛkpaŋzì-ɓìɓan,

EBIREEGH 1:2

nni ɓi mɛ̀ru mɛ siitòn mɛ, àa ntòòghrɛɛ rì ɓìsi ɓi ŋwɔm wu Man wiì, man ànɛ̀n innɛ à rɛsìghà lɛ a teɗ ɓìɓan ɓicèm; rì nyi nnɛ Bɛ̀ll à kìghà lɛ rì ɗyoo rì zi.