ZYAŊ 8:44 - Bafia Nouveau Testament

⁴⁴ Satàn yɛɛ ri seŋi wìn fɔɔnnɛ ɓi kɔ̀nkɔn lɛ di ɓyàa kìi rìkɔ̀n ɗi seŋi wìn. A ɓalag ǹwolì-ɓum à tumɛ̀n a rìtumɛ̀n, à ki ka rɛlìghà ɓi ɓi saaɗ nsoò ŋwos bog, ɓisuulɛ, saaɗ a maà ɓa ɓi a lɔ̀ŋkii; cààmɛ̀n ki a pwààpwaa ɓum, lɔŋ com ki ki riì nyi ɓi nɗem kɛɛ̀ki a kpaakpaa ɓɔ, lɛ à rì pwààpwaà, à ki ɓa ti seŋi ɓɛ̀pwàà.

ZYAŊ 8:44 ပူးပေါင်းရင်းမြစ်များ

MATYOO 12:34

Mìni ɓumɓɛ ɓì pìsɛɛ ɓìgòm ɓɛ! lannɛ ɓi rì lɛ ɓì kalì syeesyee à kìɓan, di mìniìɓɔmiɗ ɓi ɓeɓtɛɛ fɛlɛ? Lɛ ɓìɓan ɓi ɓi roni mum ǹɗem ɓyɛɛ̀ɓi ŋwɔm wu ti wu kpaaghì.

MATYOO 13:15

Ɓisuulɛ nɗem wu ɓumɓɛ ɓi kìlɔ̀ŋ ki wu kɛsii tì ɓi, lɛ ɓɛ nkìi lɛ, ɓɛ simgì mɛ̀ree maa, ɓɛ ki ɓuusi mis maa lɛ, mis maa mɛ̀ kɛɛ̀ ghɛɛ̀di, mɛ̀reè maa mɛ̀ kɛɛ̀ ki wog ti, mɛ̀rem maa mɛ̀ kɛɛ̀ ki yi kìɓan, lɛ ɓɛ̀ kɛɛ̀ ki lɔ̀ɔ̀ghrɛn mɛrem lɛ ǹwɔɔ̀zi ɓɔ.

MATYOO 13:38

Ziinɛ yɛ̀ɛ ri dɛm inɛ̀n; syeesyee à boo à rì ɓumɓɛ ɓɛ wooghrɛɛ rì kìlɔ̀ŋ ki aɗyoo; boo ì kìɓeɓtàg ki caaɓi ì rì ɓɛ̀roɓɛ ɓɛ wooghrɛɛ rì Ghèghey à mum.

ZYAŊ 6:70

Yeesus à pɛ̀ɛ̀zì ɓɔ lɛ: Mɛ̀ɛ nti mɛ̀ yɛɛ ɓɔngà mìni ɓɛ̀sɛ̀ɛ̀ ntɛ̀ɗ rì ɓɛɓɛɛ̀? Ǹsoò fɔlɔɔ, kìbog ki ɓi mìni ki ri Satàn.

ZYAŊ 7:17

Ŋwaànɛ à kɔ̀ni lɛ a ki rìkɔ̀n ɗi Bɛ̀ll yɛɛ ri ɓiì yiì ǹkòo ɓìɓan ɓi Bɛ̀ll ɓyɛɛ̀ɓi nɗèrèsì, nkòo ɓiŋkɛ̀m ɓi mɛ̀ɛmiɗ.

ZYAŊ 8:38

Mɛ̀ɛ ǹkpaakpaa ɓiɓan ɓi ǹghɛngà yɛ̀ɛ Seŋi wɛ̀m; mìniì yɛɛ̀ kìki lɔŋ ɓiɓan ɓi seŋi wìn à kpaaghà mìni.

ZYAŊ 8:41

Ɓi kìki ɓiɓan ɓi seŋi wìn a kìlàg? Nni ɓɛ ɓakà nyi lɛ: Tì yin ɓɔn ɓɛ tìsɔ̀mɔ̀g, tì rì lɔŋ Seŋi bog lɛ Bɛ̀ll.

ZYAŊ 8:55

Ɓì ki yii ɓi nyi; mɛ̀ ǹ-yii nyi. I ǹkpaa lɛ ǹ-yii ɓi nyi, di ǹɗì pwààpwaà yɛ̀ɛ mìni. Kiɓan kifog mɛ̀ ǹ-yii nyi, mɛ̀ɛ ǹki ɓèŋɓeŋ jɛ̀ɛ̀ yìì.

MƐ̀KÌKÌÌ MƐ ƁƐKƐ̀NÌ-FÌTOM 13:10

à kpaa lɛ: Wɔ̀ ŋwaànɛ, ù rì lɛ, wɔ̀ coo ghèghes̀, wɔ̀ ɓèèɓeè, man à Satàn anɛ lɛ wɔ̀, bènàbena à ɓìɓan ɓi saaɗ, ù yin ɓìì rɛɛrɛɛ̀sì rìyoòyògsì ɗi bee yi Kan yi yi ri lɛ saaɗ?

MƐ̀KÌKÌÌ MƐ ƁƐKƐ̀NÌ-FÌTOM 24:9

Ɓɛ̀yudɛ̀n ɓɛ ɓɛm̀dɛ̀ngà rìkpaa ɗi Tɛrityul ɗiǹ, ɓɛ kpaa lɛ fɔlɔɔ nnɛ kiǹ ki nɗì.

MƐ̀KÌKÌÌ MƐ ƁƐKƐ̀NÌ-FÌTOM 5:3

Fɔɔnnɛ Pyɛɛri à kalighà Ananyas lɛ: Ananyas, Satàn a ràgɛɛ ɓà wɔ ri ǹɗem fɛlɛ lɛ cɛ yɔ? Ù pwàa Kìtɛntɛ̀ɛ̀n ki Nghay ù nyam gàɓ ì mɔ̀ɔ̀ni ìnɛ ɓi kiden ki zi ki wɔ̀ɔ ǹkàɓi?

2 KƆ̀RƐ̀ŊTYƐŊ 11:3

Nsoò fɔlɔɔ, ǹɗì rì mɛ̀riighrikì lɛ, fɛlɛ yɛ̀ɛ nyoo ì yègsìghà Ɛɛvɛ rì ɗyomzɛ̀n ɗi ì ɓaghày rì ɗyɔ, mɛ̀yitì min mɛ̀ kɛɛ̀ ɓa lɛ mɛ ɓuùsɛ̀n ɓi lèg ànɛ lɛ ɓi rini lɛ rì rìsɛɛ̀dì ɗi mìniìɓɔmiɗ ɓi zi, rì rìtɛn, lɛ ɓyɛɛ̀ɓi ɓì ghɛ̀ɛ̀sɛɛ kì ɓaà rì ɓyɔ, ɓi ɓɛg ànɛ yɛ̀ɛ Kiris.

1 PYƐƐRI 5:8

Ɓaana cem, ɓì konàg ɓisuulɛ bènàbena wiǹ ànɛ lɛ Satàn a ŋwɔŋ-ŋwɔŋ yɛ̀ɛ kìmonɗo ki kɛɛ̀ kaakaa com ki kɛɛ sokɛn.

2 PYƐƐRI 2:4

Ɓisuulɛ i Bɛ̀ll à rɔ̀ɓkà kɛ̀ɛ kèŋi ɓum ɓɛ titom ɓɛ ɓɛ kighà kìɓe, à ràm lɔŋ à ɓangì ɓɔ, à ki pìki ɓɔ ɓi bɛŋ yi yi ri rì birìm, wɔɔ nnɛ ɓɛ kaka ɓɛ̀ɓanɓanɛn ɓɛ ɓoŋɓoŋ ɓɛ̀yɔ̀m ɓɛ Bɛ̀ll;

1 ZYAŊ 1:8

I tì kpaa lɛ, tì yin ɗi ɓìɓe, di tì pwààrɛɛ ɓìsiìɓɔmiɗ, saaɗ kɛ̀ɛ ki ɓa a lɔ̀ŋkis.

1 ZYAŊ 2:21

Ǹkàni mìni, ki yin lɛ ɓì ka yi ɓi saaɗ, ki ri lɔŋ lɛ ɓì mɛ yi nyi, rì tì lɛ pwàà à yin lɛ à ɓay ɓi saaɗ.

1 ZYAŊ 2:4

Ŋwaànɛ à kpaa lɛ, à mɛ yi Bɛ̀ll, kɛ̀ɛ ki ɓèŋ ɓidɔ̀gsɛna ɓii, à rì pwààpwaà, saaɗ kɛ̀ɛ ki ɓa a lɔ̀ŋkii.

1 ZYAŊ 3:12

Tì ghɛ̀ɛ̀sɛɛ ɓi ki pisɛɛ Kayin ànɛ à ɓaghà ɓi kìkàmì ki ghèghey à mum, nnyɛɛ wolà geni. À wolà nyi lɛ cɛ? Lɛ mɛ̀kìkìì mɛ geni mɛ ɓaghà lɛ saaɗ, mɛŋkii mɛ̀ kɛɛ̀ rɔɔtɛn.

1 ZYAŊ 3:15

Mum ǹcèm ànɛ à ɓèèzɛɛ geni, à rì ǹwolì-ɓum; ɓì ki yii lɛ ǹwolì-ɓum, à yin ɗi cɛɓ ki fiɗyàɓ fikɔ̀ɔ̀ ɓi nyimiɗ.

ZYUUDƐ 1:6

Ɓum ɓɛ titom ɓɛ ɓɛ ɓegà ɓi rigwey ɗi Bɛ̀ll à rɛsìghà ɓɔ miì, kìɓan kifog ɓɛ pɛsɛ̀n ɓi-kɔ̀ɔ̀ wu wu ɓaghà wuŋkaa, Bɛ̀ll a maà ɓèŋɓèŋ ɓɔ ɓɛ̀kàgakɛn ɓi mɛ̀sɛ̀ŋi cààmɛ̀n kìcèm ɓi birìm ɓiɗùm ɓɛ ɓoŋɓòŋ coo gòn i ɓɛ̀yɔ̀m.

ÀPÒKÀLIƁSƐ̀ 12:9

Nni ɓɛ tyɔkày coo kinààgɔ̀n kiǹ, fìɗyàɓ fi nyoo fìn, fi fi ri ɗii lɛ ǹɗèm nsoò lɛ Satàn, nnyɛɛ ri ǹ-yègsì zi bimiɗ ìnɛ ɓum ɓɛɛ̀ ghɛghɛɓ miì, ɓɛ tyɔkày nyi ɓi zi, ɓɛ ki tyɔg yi girig ɓum ɓii ɓɛ titom ǹɗaŋ ri nyi.

ÀPÒKÀLIƁSƐ̀ 13:14

Ì yègsì ɓumɓɛ ɓi ziinɛ rì dàm yi ɓɛ faghà yɔ̀ itèɗ wulɛ yɛ̀ɛ kiki ɓi mis mɛ nyàm ì ǹtonto di yɛɛ̀ kpaakpaa ɓumɓɛ ɓi ziinɛ lɛ ɓɛɛ ki kìfèèghrɛnà ki nyàm ìnɛ ɓɛ kpɛɛ̀ghà rì gàfàg ì ki ghɛɓ.

ÀPÒKÀLIƁSƐ̀ 2:10

Kɔ̀ɔ risi ntɔɓ wu ù rì ɓiì tulɛɛ ri wɔ. Ghɛna lɛ Satàn a rì ɓiì pìigh kigwey ki ɓi mìni ɓi naà-zày lɛ a feèghrɛn mìni, fɔɔnnɛ ɓì rì ɓiì tulɛɛ ri ǹ-yeesɛ̀n ànɛ à rì ɓiì finɛɛ mɛru ǹtɛ̀ɗ. Sììrɛn ɓi rìgherɛ̀n à kpaŋ a rìwu, fɔɔnnɛ ǹɗì wɔ̀ ɓiì faà tàm à cɛɓ.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.

ÀPÒKÀLIƁSƐ̀ 9:11

Rìfòm ɗi ɓitàtàɗ ɓiǹ ɗi ri ŋwaà-fìtom anɛ ɓi rìɓee ɗi rimɛn anɛ à rì ɗii ɓi rì Ebìreegh lɛ Aɓadon, ɓi rìgìrɛg lɛ Apolyɔŋ.