ZYAŊ 8:43 - Bafia Nouveau Testament

⁴³ Ɓisuucɛ nnɛ ɓì woogh ɓi kitòkì kɛm̀? Lɛ ɓì yin lɛ ɓì wog jɛ̀ɛ̀ yɛ̀m.

ZYAŊ 8:43 ပူးပေါင်းရင်းမြစ်များ

MATYOO 13:15

Ɓisuulɛ nɗem wu ɓumɓɛ ɓi kìlɔ̀ŋ ki wu kɛsii tì ɓi, lɛ ɓɛ nkìi lɛ, ɓɛ simgì mɛ̀ree maa, ɓɛ ki ɓuusi mis maa lɛ, mis maa mɛ̀ kɛɛ̀ ghɛɛ̀di, mɛ̀reè maa mɛ̀ kɛɛ̀ ki wog ti, mɛ̀rem maa mɛ̀ kɛɛ̀ ki yi kìɓan, lɛ ɓɛ̀ kɛɛ̀ ki lɔ̀ɔ̀ghrɛn mɛrem lɛ ǹwɔɔ̀zi ɓɔ.

ZYAŊ 5:25

Nkpaa mìni kɔɔ̀kɔɔ̀ à rìkpaa lɛ cààmɛ̀n ki riì, kiŋcèm kɛɛ ti lɛ, kɛɛ̀ki ɓìloŋ ɓi ɓiì woògh jɛ̀ɛ̀ ì Man à Bɛ̀ll. Fɔɔnnɛ ɓɛ̀roɓɛ ɓɛ ri ɓiì woògh jɛ̀ɛ̀ yìì, ɓɛ ɓiì ghɛɓì.

ZYAŊ 5:43

Ǹ-yùghà ɓi ɗii ɗi Seŋi wɛ̀m kɛ̀ ɓi kɔ̀n lɛ ɓi ghaɓ mɛ̀, wɔ̀lɛ, i ŋwaàdɛŋ à yùu ɓi ɗii ɗii ɗi nyimiɗ, nyi nnɛ ɓì rì ɓiì ghàɓi.

ZYAŊ 6:60

Yɛ̀ɛ ɓɛ̀yilàg ɓɛ wokà ɓìɓan ɓi Yeesus à kpaaghà ɓiǹ, nni kìgwey ki kalìghà lɛ: Ɓìtòkì ɓi ɓi teèsɛɛ, ghɛn yɛɛ ri lɛ à cenɛ̀n ɓyɔ rìwowòg?

ZYAŊ 7:17

Ŋwaànɛ à kɔ̀ni lɛ a ki rìkɔ̀n ɗi Bɛ̀ll yɛɛ ri ɓiì yiì ǹkòo ɓìɓan ɓi Bɛ̀ll ɓyɛɛ̀ɓi nɗèrèsì, nkòo ɓiŋkɛ̀m ɓi mɛ̀ɛmiɗ.

ZYAŊ 8:27

Ɓɛ wokà ɓi lɛ kìɓan ki Seŋi kɛɛ̀ki à kpaakpààghà ɓɔ.

ZYAŊ 8:33

Nni ɓɛ tɔkà nyi lɛ: Tì rì boo ì mum yì Abiraham, tì ka ɓaghà ɓi ɓɛkpàn ɓɛ mum. Nni lannɛ ù kpaa lɛ ɓì rì ɓiì ɓaà ɓɛ̀kan?

ZYAŊ 8:39

Nni ɓɛ ɓakà nyi lɛ: Abiraham yɛɛ ri seŋi wìs. Yeesus à kpaa ɓɔ lɛ: I ki ri saaɗ lɛ ɓì rì ɓɔn ɓɛ Abiraham, kìina min ɓiɓan ɓi nyii kighà.

MƐ̀KÌKÌÌ MƐ ƁƐKƐ̀NÌ-FÌTOM 7:51

Mìni ɓum ɓɛ ǹtoòtèɗ ɓɛ ɓì rì lɛ, mìni kɛ̀ɛ̀ mɛ̀rem, mìni rì ɓɛ̀lɔg, fɔɔnnɛ ɓi ɗùùɗuu cààmɛ̀n kìcèm ɗì Kìtɛntɛ̀ɛ̀n ki Nghay, ɓì rì lɔŋ yɛ̀ɛ ɓɛ̀seŋi ɓin ɓɛ ɓɛsɛ̀ɛ̀mɛn.

RÒMƐŊ 3:11

Ŋwaà ɗyomzɛ̀n kɛ̀ɛ ɓa, nsoò ŋwaà ǹkaakaayɛn Bɛ̀ll kɛ̀ɛ ghɛnɛn. Ɓɛ̀sɛ̀ɛ̀ ɓɛ̀cèm ɓɛ ri ɓɛ̀ ɗimɛn bee, ɓɔɔ̀cèm ɓɛ ɓa ɓɛ̀ɓùùsɛn.