ZYAŊ 8:34 - Bafia Nouveau Testament

³⁴ Yeesus à ɓàg ɓɔ lɛ: Mɛ̀ ǹkpaa mìni kɔɔ̀kɔɔ̀ à rìkpaa lɛ, mum ǹcèm ànɛ a kìki kiɓe, à rì ǹkpàn a kìɓe.

ZYAŊ 8:34 ပူးပေါင်းရင်းမြစ်များ

MATYOO 5:18

Ǹkalii mìni ɓi saaɗ lɛ, cààmɛ̀n kìcèm ki yɛ̀ɛ ɗyoo rì zi ɓi ri ɓiì ɓaɓaa nsoò maa com àdɛŋ ànɛ ɓi ɓìdɔ̀gsɛna àa pɛ̀sɛn ɓi, à kpaŋ yɛ̀ɛ ɓìɓan ɓìcèm ɓi miì ɓi ri ɓiì kìlɛɛ.

ZYAŊ 3:3

Nni Yeesus à ɓàkà nyi lɛ: Ǹkpaa wɔ̀ kɔɔ̀kɔɔ̀ à rìkpaa lɛ, i mum à yalɛɛ tì ɓi nyɔɔnyɔn à rìyalɛ̀n, à yin lɛ à ghɛn kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 8:23

Ɓìɓeɓtàg ɓi mɛyitì ɓi roni wɔ̀ ǹɗem lɛ pisa, kìɓe ki ki ghaasii wɔ̀ ǹkpàn.

RÒMƐŊ 6:12

Kìɓe ki ghɛɛ̀sɛɛ tì ɓi min lɛ ki lamì nyoo yìn inɛ ì ti ì wulàg, lɛ kɛɛ ki lɛ ɓi kiki ɓìɓan ɓi nyoo ìnɛ̀n ì ti ì kɔ̀ngì.

RÒMƐŊ 6:16

Ɓì yii ɓi lɛ, i ɓì càrɛɛ lɛ ɓi ɓa ɓɛ̀kpàn ɓɛ mum lɛ ɓi kiki ŋwaànɛ̀n miì mɛ̀wog, lɔŋ lɛ ɓì ghali ɓɛ̀kpàn ɓɛ mum ànɛ ɓi kìki mɛwog anɛ̀n; kòo lɛ kìɓe, ki ki ti ki syogìì rìwu, kòo lɛ mɛ̀wog, mɛ mɛ ti mɛ kilàg lɛ mum a ɓa lɛ saaɗ ɓi mis mɛ Bɛ̀ll?

RÒMƐŊ 6:6

Tì ghɛ̀ɛ̀sɛɛ kì konaagh ki yiì lɛ fìɗyàɓ fis fi riɓa fi abɛ̀y fɛlɛ yɛ ɓum, fi ɓaghà fi kpanɛn ɓi kɔrɔs ǹɗaŋ ɗi nyi, lɛ di Bɛ̀ll a waà nyoo ì kìɓe inɛ tì rì rì yɔ̀, yɛ̀ɛ tyɛ̀ ki ɓa ti ɓɛkpàn ɓɛ kiɓè.

RÒMƐŊ 7:14

Lɛ tì yii lɛ, ɓìdɔ̀gsɛna ɓi ri kìɓan ki ɓi nghay, wɔ̀lɛ mɛ̀ ǹɗì mum ànɛ à rì rì nyoo ì mɛ̀mùù, nnyɛ̀ɛ ri, nkàɓɛn fɛlɛ yɛ̀ɛ ǹkpàn ɓi kìɓe.

RÒMƐŊ 7:25

Ɓìtògsɛ̀n rì Bɛ̀ll, lɛ Yeesus Kiris à Kan wìs. Fɔɔnnɛ ɓi nɗem wɛ̀m, ǹɗì ǹkpàn a ɓìdɔ̀gsɛna ɓi Bɛ̀ll, wɔ̀lɛ ɓi rìɓa ɗyɛ̀m ɗi ɓi mɛ̀mùù, ǹɗì ǹkpàn a kìdɔ̀gsɛna à kìɓe.

RÒMƐŊ 8:21

Zi yɔ̀miɗ inɛ̀n ì rì ɓiì ghɛɓì rìkpàn ɗi ɓi rìɗyaŋ ŋwos adɛŋ, ì ki teɗ gàɓ ɓi rìkan, ɗì rìkem ɗi ɓɔn ɓɛ Bɛ̀ll.

EFÈZYƐŊ 2:2

ɓi ɓì ghɛghɛ̀ɓkà miì abɛ̀y di ɓi ka nɔ̀ɔnɔɔ̀tì ɓìsyɔ̀ɔ̀ ɓi ɓi ziinɛ, ɓì kìkì rìkɔ̀n ɗi rifòm ɗi ɗi lamii mɛ̀tèɗ mɛ ɓi nlɛŋlɛŋ̀, ɗyɔ yɛɛ ri ǹghay ànɛ a kìki kisay ɓigomìnɛ ɓi ɓumɓɛ ɓɛ ri rì ǹtoòtèɗ.

Kaàtà ànɛ Pol à kàngà TIT 3:3

Ɓisuulɛ ɓìsi girig tì ɓaghà abɛ̀y kɛ̀ɛ̀ ɗyomzɛ̀n, ɓìsi rì ntoòtèɗ, ɓìsi ɓi rìɗim; tì ɓaghà ɓɛ̀kpàn ɓɛ ɓiɓan mɛkuu mɛ̀kuu, ɓi mɛ̀rem mɛɛ̀ kɔ̀ngì rì ɓi ɓyɛɛ̀ yɛ̀ɛ̀yi mɛmùù, tì ghɛghɛ̀ɓ ɓi rìgɛn rì ɓi m̀mììghrɛ̀n, tì ɓeɓèɓ ɓum, tì ki ɓèeɓeèzɛ̀n ɓìsi rì ɓìsi.

2 PYƐƐRI 2:19

ɓɛ kakàg ɓɔ cɛɓ ki rikan, kɔm̀ lɛ ɓɔmiɗ ɓɛ ri ɓɛ̀kpàn ɓɛ ɓiɓe ɓi ɓyɛɛ̀ titini ɓɔ ɓi rìɗyaŋ ɓisuulɛ mum bimiɗ à rì ǹkpàn a com kìcèm ki ki lamii nyi.