ZYAŊ 7:39 - Bafia Nouveau Testament

³⁹ Kìɓan ki Nghay ànɛ ɓumɓɛ ɓɛ gherɛɛ nyi ɓɛ ghɛɛ̀sɛ̀ngà kìterì kɛɛ̀ki à kpaakpààghà lɔɔ. Ɓisuulɛ cààmɛ̀n kiǹ ki ɓaghà di ɓɛ ka rom yi ɓi Nghay, rì tì lɛ Yeesus à ɓaghà di à ka teɗ ɓi rìkem ɗìì.

ZYAŊ 7:39 ပူးပေါင်းရင်းမြစ်များ

MATYOO 16:14

Ɓɛ̀yilàg ɓɛ ɓakà lɛ: Ɓum ɓɛdɛŋ ɓɛɛ̀ kpaaghi lɛ, ù rì Zyaŋ Bàɓtis, ɓɛmbog lɛ, Eli, ɓɛdɛŋ tì lɛ, Zyeremii nsoò lɛ ǹkpaŋzì-ɓìɓan adɛŋ.

MATYOO 21:11

Ɓìtuu ɓi ɓum ɓìn ɓi ɓaàg lɛ: Yeesus nnyɛɛ ri; à rì ǹkpaŋzì-ɓìɓan anɛ a Naazarɛt ɓi ziì Galile.

LUKAS 24:49

Fɔɔnnɛ ǹɗì ɓiì romìì com ki Tààta wɛ̀m à kàkà, kìɓan kifog ɓì ka ghɛ̀ɛ̀sɛɛ kì rɔ̀ɓi ɓi bàn ìnɛ à kpaŋ yɛ̀ɛ ɓì rì ɓìi terì ìtèɗ wu wu riì aɗyòò.

LUKAS 3:16

Fɔɔnnɛ à kpaaghà ɓɔɔ̀cèm lɛ: Mɛ̀ɛ m̀ɓàaɓaɓtì mìni rì mɛ̀nig, kìɓan kifog ŋwaànɛ à cee mɛ̀ ɓi-tèɗ à tiì, ǹkpaŋi gì ɓi ɓi ǹkoŋ wulɛ m̀fùmì ǹɗig wii wu gòò. Nnyɛɛ ri mìni ɓiì ɓàɓtii ri Kìtɛntɛ̀ɛ̀n ki Nghay, rì ɗuu.

LUKAS 7:16

Ɓum ɓɛ̀cèm ɓɛ ɓɛ ɓaghà wɔɔ, ɓɛ ghɛngà kìɓan kiǹ koŋnyòò. Fɔɔnnɛ ɓɛ keèkèmzìghà Bɛ̀ll ɓɛ kpaakpàà lɛ: Coo ǹkpaŋzì-ɓìɓan a ghɛnɛɛ a lɔ̀ŋkis, rì tì lɛ Bɛ̀ll à yùu kì ghɛɓsii kilɔ̀ŋ kii.

ZYAŊ 1:21

Nni ɓɛ tɔkà nyi lɛ: Wɔ̀ɔ̀ rì min ghɛn? Wɔ̀ yɛɛ ri Eli gìn? Zyaŋ à ɓàg lɛ: Èe èe. Ù rì ǹkpaŋzì-ɓìɓan anɛ̀n? Zyaŋ lɛ: Àg.

ZYAŊ 1:25

Nni ɓɛ tɔgtìghà nyi lɛ: I wɔ̀ ki yin Kiris, nsoò lɛ Eli, nsoò ǹkpaŋzì-ɓìɓan, ɓisuucɛ nnɛ u ɓàaɓaɓtì ɓum? Zyaŋ à ɓàg ɓɔ lɛ:

ZYAŊ 1:33

Mɛ̀ ǹ-yighà ɓi nyi, wɔ̀lɛ roànɛ à romgày mɛ̀ lɛ mɓààɓàɓtì ɓum rì mɛ̀nig, à kpaaghà mɛ̀ lɛ: Ŋwaànɛ ù rì ɓiì ghɛɛ̀ di Ǹghay à sɛniì, ɓi nyoo à rɔ̀ɓ ɓi nyi, roànɛ̀n yɛɛ ɓiì ɓàɓtii ɓum rì Kìtɛntɛ̀ɛ̀n ki Nghay.

ZYAŊ 12:16

Ɓɛ̀yilàg ɓɛ Yeesus ɓɛ yighà ɓi azi anɛ ɓi kìɓan kiǹ ɓi cààmɛ̀n kiǹ; kìɓan kifog yɛ̀ɛ Yeesus à ɓaghà di à mɛ teɗ rikem, fɔɔnnɛ ɓɛ yitìghà min lɛ, ɓìɓan ɓiǹ ɓi ɓaghà ɓìkànɛn ɓisu wii, nni ɓyɛɛ̀ɓi ɓɛ kighà nyi lɔ̀ɔ̀.

ZYAŊ 12:23

Yeesus à ɓàg ɓɔ lɛ: Cààmɛ̀n ki lɛ Man à mum a teɗ rìkem ki kpaŋi.

ZYAŊ 14:13

Fɔɔnnɛ com kìcèm ki ɓì rì ɓiì tɔɔ̀gh rì ɗii ɗyɛ̀m, ǹɗì mìni kɔ ɓiì kìi, lɛ Tààta a teɗ rìkem ɓi Man.

ZYAŊ 14:26

Kìɓan kifog m̀maasì mɛ̀rem ànɛ à rì Kìtɛntɛ̀ɛ̀n ki Nghay ki Tààta à ɓiì romìì ɓi ɗii ɗyɛ̀m, yɛɛ ri mìni ɓiì rèsaagh ɓiɓan ɓìcèm, à ki kì lɛ, ɓi yiti ɓìɓan ɓìcèm ɓi ǹkalìghà mìni.

ZYAŊ 16:14

À rì mɛ̀ ɓiì kemzii ɓisuulɛ à ri teɗ ɓiɓan ɓyɛm̀, à kpaa mìni ɓyɔ̀.

ZYAŊ 16:7

Ǹsoò fɔlɔɔ, ǹkpaa mìni saaɗ lɛ ki ri mìni kìrɔɔ lɛ nkɛǹ; lɛ i ǹkɛ̀ɛ ɓi, m̀maasì-mɛ̀rem à yin lɛ à yù a lɔ̀ŋkin; wɔ̀lɛ i ǹkɛ̀ɛ, ǹɗom yì mìni nyì.

ZYAŊ 17:1

Yɛ̀ɛ Yeesus à kpaaghà ɓìɓan ɓiǹ, nni à ɓegsìghà mis aɗyoo, à kpaa lɛ: Tààta, cààmɛ̀n ki mɛ kpaŋ, kemzi Man wɔɔ̀, di Man wɔɔ̀ a kemzi girig wɔ̀.

ZYAŊ 17:5

Nni ɓigomìnɛ, Tààta wɔ̀ɔ̀ kemzi mɛ̀ jàŋbog rì wɛ̀ɛmiɗ, rì rìkem ɗi m̀ɓaghà rì ɗyɔ jàŋbog rì wɔ̀, di ziinɛ ì ka yin.

ZYAŊ 20:22

Lɔŋ yɛ̀ɛ à kpaaghà fɔlɔɔ, nni à fɛɓkà ɓɔ bɛ̀ɛ̀bɛ̀ɛ̀ ɓi nyoo, à kpaa ɓɔ lɛ: Terina Kìtɛntɛ̀ɛ̀n ki Nghay.

ZYAŊ 6:14

Yɛ̀ɛ ɓumɓɛ̀n ɓɛ ghɛngà dàm ì kìɓan inɛ̀n, nni ɓɛ kpaaghà lɛ: Roànɛ à rì lɔŋ ǹkpaŋzì-ɓìɓan anɛ ɓɛ kpaaghà lɛ, à ɓiì yùu ɓi ziinɛ.

ZYAŊ 7:12

Fɔɔnnɛ ɓumɓɛ ɓi gwìy ìnɛn ɓɛ rurùmìghà lɛɛ̀gwey ɓi kìɓan kii. Ɓɛ̀ro ɓɛdɛŋ lɛ: À rì syeesyee à mum; ɓɛ̀ro ɓɛmbog lɛ: Àg! A nàanaàzì gì kɔm̀ ɓum bee.

ZYAŊ 8:54

Nni Yeesus à ɓàkà lɛ: I màa ɓɔɔ̀ɓɔ̀gsɛ̀n di rìkem ɗyɛ̀m ɗi ri ɗi zɛy rì zɛy. Nni Seŋi wɛ̀m ànɛ ɓi kalag lɛ à rì Bɛ̀ll wìn yɛɛ̀ ɓɔɔɓɔgsì mɛ̀.

MƐ̀KÌKÌÌ MƐ ƁƐKƐ̀NÌ-FÌTOM 19:2

Ɓì tekà nya Kìtɛntɛ̀ɛ̀n ki Nghay yɛ̀ɛ ɓi gherɛ̀ngà? Ɓɛ̀roɓɛ̀n ɓɛ ɓaàg nyi lɛ: Ɓìsii ka wokà ɓì gi di ɓɛ ɓuŋi com kidɛŋ lɛ Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 2:17

Ɓi mɛ̀ru mɛ siitòn, ǹɗomigɛy Ǹghay wɛ̀m ɓi mum bimiɗ, fɔɔnnɛ ɓɛ̀dɛlì ɓin rì ɓɛ̀gɔ̀n ɓin ɓɛ ɓaà gɛ ɓɛ̀kpaŋzì-ɓìɓan ɓɔn ɓin ɓɛ ghɛnghɛ̀n dàm yi ɓiɓan rì ìtèɗ wu Nghay à Bɛ̀ll, ɓìdɛ̀ndɛm ɓi kikì ɓìtùg ɓin ɓi ɓum.

MƐ̀KÌKÌÌ MƐ ƁƐKƐ̀NÌ-FÌTOM 2:33

Yɛ̀ɛ àa mɓɔɔ ki kɔ̀rii ɓi weèlem à Bɛ̀ll, Seŋi àa nfaa nyi Kìtɛntɛ̀ɛ̀n ki Nghay ki à kàkà, kɛɛ̀ki à romiì lɔŋ yɛ̀ɛ ɓi seesee lɛ, ɓì ki wowog.

MƐ̀KÌKÌÌ MƐ ƁƐKƐ̀NÌ-FÌTOM 2:38

Pyɛɛri à ɓàg ɓɔ lɛ: Lɔ̀ɔ̀ghrɛɛna mɛ̀rem, mum ǹcèm ànɛ ɓi mìni à ki ɓàɓtɛn ɓi ɗii ɗi Yeesus Kiris fɔɔnnɛ Bɛ̀ll a cenɛn ɓìɓe ɓin, à ki fa mini Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 2:4

Ɓɛ̀sɛ̀ɛ̀ ɓɛ̀cèm ɓɛ ɓa min ɓɛronɛn ri Kìtɛntɛ̀ɛ̀n ki Nghay, ɓɛ ki tòtog ɓitòkì ɓidɛŋ lɔŋ yɛ̀ɛ Nghay à fafàghà ɓɔ ìtèɗ wu lɛ ɓɛɛ totòg.

MƐ̀KÌKÌÌ MƐ ƁƐKƐ̀NÌ-FÌTOM 3:13

Bɛ̀ll à Abiraham, Bɛ̀ll à Isag, Bɛ̀ll à Yakɔɓ, Bɛ̀ll à ɓɛ̀seŋi ɓis yɛɛ faa ǹkìì-kìsay wiì ànɛ lɛ Yeesus rìkem. Yeesus ànɛn nnɛ ɓìi nkàɓi, ɓi ki roòzɛn nyi ɓi mis mɛ Pilat ànɛ àa m̀mɛɛ̀ kì lɛ di àa càri nyi.

MƐ̀KÌKÌÌ MƐ ƁƐKƐ̀NÌ-FÌTOM 4:31

Yɛ̀ɛ ɓɛ legsìghà bɔ̀ŋzɛ̀n yàà inɛ̀n, mɛɛ mɛ ɓɛ ɓaghà wɔɔ ɓɛtaŋzɛn mɛ nyɛŋɗɛ̀ngà, fɔɔnnɛ ɓɛ̀sɛ̀ɛ̀ ɓɛ̀cèm ɓɛ rongà rì Kìtɛntɛ̀ɛ̀n ki Nghay, ɓɛ ki ghaaghagsì Ɓɔlɛ à Bɛ̀ll rì ntyweeyi ɓi ǹɗem.

RÒMƐŊ 8:9

Ɓi san ànɛ a lɔ̀ŋkin, mɛ̀mùù mɛ lamii tì ɓi minì, lɔŋ Ǹghay à Bɛ̀ll yɛɛ lamii mìni, i ki ki rì lɛ, Nghay à Bɛ̀ll à rì ɓi mìni. Ŋwaànɛ à yin ɗi Nghay à Kiris, à yin mum wiì.

2 KƆ̀RƐ̀ŊTYƐŊ 3:8

Kìsay ki Ǹghay ki ri ɓiì ɓaà rì rìkem ɗi ɗi ri ɓiì tèghɛɛ ɗi cee fɔlɔɔ.

EFÈZYƐŊ 4:30

Kɛ̀ ɓi kì lɛ Kìtɛntɛ̀ɛ̀n ki Nghay ki Bɛ̀ll à rèmzàkà mìni rì kɔ ɓisuu ŋwos anɛ gòri yìì ì ri ɓa, kɛ̀ɛ wog bim.