ZYAŊ 7:37 - Bafia Nouveau Testament

³⁷ Ɓi ŋwos a siitòn, ànɛ à ɓaghà gɛn à ŋwos a tìcàɓ tiǹ, Yeesus à pɛ̀sɛ̀ngà aɗyoo, à làmɓɛ̀n lɛ: I mum a wowog kinɔli, a yu a lɔ̀ŋkɛm̀, a nɔ.

ZYAŊ 7:37 ပူးပေါင်းရင်းမြစ်များ

MATYOO 11:28

Yùuna a lɔ̀ŋkɛm̀, mìni ɓɛ̀sɛ̀ɛ̀ ɓɛ̀cèm ɓɛ, ɓì rì ɓɛ fɔlɛn, mɛ̀tɛ̀g mɛ ki rìriɗ mini, ǹfa mìni rìfɔɔsɛ̀n.

MATYOO 3:3

Zyaŋ yɛɛ rì ŋwaànɛ ǹkpaŋzì-ɓìɓan Ezayii à ɓugà yɛ̀ɛ à kpaaghà lɛ: Jɛ̀ɛ̀ ìnɛ ì rì jɛ̀ɛ̀ ì roànɛ a làalamɓɛ̀n yì ɓi-reɓ lɛ: Pègsɛɛna bee yi Kan, ɓì rɛsàg yɔ lɛ saaɗ.

MATYOO 5:6

Mààgh rì ɓumɓɛ ɓɛ ri rì coo zày lɛ, di saaɗ áa ɓaa, lɛ ɓɛ ɓiì wurii.

ZYAŊ 1:23

Nni Zyaŋ à ɓàkà lɛ: Mɛ̀ ǹɗì jɛ̀ɛ̀ ì roànɛ a làalam̀ɓɛ̀n ɓi-reɓ lɛ pègsɛɛna bee ì Kan, lɔŋ yɛ̀ɛ ǹkpaŋzì-ɓìɓan Ezayii à kpaaghà.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

ZYAŊ 4:10

Fɔɔnnɛ Yeesus à ɓàkà giɓ anɛ̀n lɛ: I wàa yii rìfa ɗi Bɛ̀ll, ù ki yi roànɛ à lɔni wɔ̀ mɛ̀nig mɛ nɔyɛn, di wɔ̀ yaa rì lɛ, ù lɔn nyi mɛ̀nig mɛ noyɛn, di àa ki faa wɔ̀ mɛ̀nig mɛ cɛɓ.

ZYAŊ 4:11

Nni giɓ anɛ̀n à kpaaghà nyi lɛ: Kan, wɛ̀ɛnɛ̀n kɛ̀ɛ̀ com ki lɛ ù rog mɛ̀nig miì, kìɗig ki ki rì kìrimɛn, nni mɛ̀nig mɛ cɛɓ mɛ ri wɔ̀ ɓiì ɓaà yì fe?

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAŊ 5:40

Nsoò fɔlɔɔ, ɓì kɔ̀ni ɓi lɛ di ɓyàa yùu yì a lɔ̀ŋkɛm̀ lɛ ɓi ghɛǹ cɛɓ.

ZYAŊ 6:35

Yeesus à kalìghà ɓɔ lɛ: Mɛ̀ ǹɗì bìrɛs ì cɛɓ, ŋwaànɛ à yùu a lɔ̀ŋkɛm̀ zày, yàa kɔɔdii gɛ ɓi nyi. Ŋwaànɛ à ki gherɛɛ mɛ̀, kìnɔli kaa kitii gɛ ɓi nyi.

ZYAŊ 6:37

Ɓum ɓɛ̀cèm ɓɛ Tààta à faa mɛ̀, ɓɛ ri ɓiì yùu a lɔ̀ŋkɛm̀, nni màa ki kpaŋzi ɓi ŋwaànɛ à yùu yì a lɔ̀ŋkɛm̀ ɓi ɗyɔ̀m.

ZYAŊ 6:55

Lɛ nyoo yɛ̀m ì rì ɓìɗilàg ɓi kɔɔ̀kɔɔ̀, bwaɓ yɛm̀, kɔɔ̀kɔɔ̀ à com ki nɔyɛ̀n.

ZYAŊ 7:28

Yɛ̀ɛ Yeesus à rèrèsàkà ɓum fɔlɔɔ ɓi naà-Bɛ̀ll, nni à kpaaghà jɛ̀ɛ̀ aɗyoo lɛ: Ɓì yii mɛ̀, ɓì ki yi fennɛ m̀pɛ̀sɛɛ yì; kɔm̀ lɛ m̀pɛ̀sɛ̀ngày ɓi ri nto wɛ̀m, kìɓan kifog roànɛ à romgày mɛ̀ yɛɛ̀ kpaakpaa saaɗ, nyi nnɛ ɓì yii ɓi.

1 KƆ̀RƐ̀ŊTYƐŊ 10:21

Ɓì yin lɛ ɓì kì lɛ: di ɓi nɔ ɓeŋ à Kan, di ɓi nɔ ɓeŋ à ɓìɓeɓtàg ɓi mɛghay fɔɔnnɛ ɓì yin lɛ ɓì kì lɛ: ɓì ɗi ɓi teɓèrè à Kan, ɓì ɗi ɓi teɓèrè à ɓìɓeɓtàg ɓi mɛghay.

1 KƆ̀RƐ̀ŊTYƐŊ 10:4

Ɓɛ ki nɔ rikuu ɗi mɛnig ɗi ɓi nghay dìfog ɓɛ̀sɛ̀ɛ̀ ɓɛ̀cèm, ɓisuulɛ ɓɛ nɔnɔ̀ghà mɛ̀nig mɛ ɓi gɔ̀g ì nghay ìnɛ ì kɛ̀ɛ̀kɛ̀ɛ̀ghà rì ɓɔ; gɔ̀g ìnɛn yɛ̀ɛ ɓaghà Kiris.

1 KƆ̀RƐ̀ŊTYƐŊ 11:25

Fɔlɔɔ nnɛ à tekà girig ɓeŋ di ɓaa lègsi ki ɗiì, à kpaa lɛ: Ɓeŋ ànɛ à rì nyɔɔnyɔn à rìràrɛ̀n ànɛ lɛ rì ɓum rì Bɛ̀ll ɓi bwaɓ yɛm̀; ɓì yitàg mɛ̀ cààmɛ̀n kìcèm ki ɓì nɔɔ nyi.

1 KƆ̀RƐ̀ŊTYƐŊ 12:13

Lɛ ɓìsi ɓɛ̀sɛ̀ɛ̀ ɓɛ̀cèm, tì ɓàɓtɛ̀ngà ɓi mbobog à Nghay, lɛ ti ɓa nyoo bogtɛ̀n nsoò Ɓɛ̀yudɛ̀n, nsoò ɓumɓɛ ɓɛ yin Ɓɛ̀yudɛ̀n, nsoò ɓɛ̀kpàn, nsoò ɓumɓɛ ɓɛ yin ɓɛkpàn, fɔɔnnɛ ɓìsiìcèm tì nɔghà m̀bobog à Nghay ànɛ̀n.

EFÈZYƐŊ 5:18

Kɛ̀ ɓi ŋwagi mɛrɔ̀g lɛ fɔlɔɔ a ti à syògìì cɛɓ ki ɓùùɓuu; kìɓan kifog, ɓaana ɓɛ̀ronɛn ri Kìtɛntɛ̀ɛ̀n ki Nghay.

ÀPÒKÀLIƁSƐ̀ 21:6

Nni à kpaghà mɛ̀ lɛ ki leègh. Ǹɗì Alfà rì Òmegà, rìtumɛ̀n ɗì rìsugtɛ̀n. Ŋwaànɛ a wowog kinɔli, nnɛ ǹɗì ɓiì faà ǹsim à mɛ̀nig mɛ cɛɓ zɛy rì zɛy, kɛ̀ɛ kòòsɛn.

ÀPÒKÀLIƁSƐ̀ 22:1

Fɔɔnnɛ ŋwaà-fìtom a rèsìghà mɛ̀ rìɓày à mɛ̀nig mɛ cɛɓ, ànɛ à ɓaghà lɛ saŋì-saŋì yɛ̀ɛ kìpɛsà ki ŋwii; rìɓày ànɛn à kpaŋkpàŋgày ɓi-kɔ̀ɔ̀ wu rilàmì wu Bɛ̀ll rì wu Man à jɔ̀ɔ̀.

ÀPÒKÀLIƁSƐ̀ 22:17

Ǹghay rì gurà ɓyɛɛ̀ kpaakpaa lɛ: Yuiy. Ŋwaànɛ à woogh kìɓan kiǹ à kpaa girig lɛ yuiy. Ŋwaànɛ a wowog kinɔli, à ghɛ̀ɛ̀sɛɛ kì yùu, ŋwaànɛ à kɔ̀ni, à teɗ mɛ̀nig mɛ cɛɓ zɛy, kɛ̀ɛ kòòsɛn.