ZYAŊ 6:70 - Bafia Nouveau Testament

⁷⁰ Yeesus à pɛ̀ɛ̀zì ɓɔ lɛ: Mɛ̀ɛ nti mɛ̀ yɛɛ ɓɔngà mìni ɓɛ̀sɛ̀ɛ̀ ntɛ̀ɗ rì ɓɛɓɛɛ̀? Ǹsoò fɔlɔɔ, kìbog ki ɓi mìni ki ri Satàn.

ZYAŊ 6:70 ပူးပေါင်းရင်းမြစ်များ

ZYAŊ 13:18

Àa ɓisuu miniìcèm nnɛ ǹkpaa kìɓan kiǹ. Mɛ̀ ǹ-yii ɓɛ̀roɓɛ m̀ɓɔ̀ngà wɔ̀lɛ, ki ghɛɛ̀sɛɛ lɛ jɛ̀ɛ̀ ìnɛ ì rì ǹkànɛn lɛ: Roànɛ ti ɗiɗi bìrɛs yɛ̀m ɓɛɛ̀ nyi à ghali mɛ̀ ŋaŋ-ŋaŋ ɓi nyoo, yɛ̀ɛ roǹ.

ZYAŊ 13:2

Yɛ̀ɛ Yeesus rì ɓɛ̀yilàg ɓii ɓɛ ɗiɗìghà, di Satàn à mɛ ɗiŋzi Zyudas à man à Simɔn, fèg ànɛ lɛ a tɔkɛn Yeesus ɓi nɗem,

ZYAŊ 13:21

Yeesus à ɓaghà lɛ, à mɛ kpaa fɔlɔɔ nni nɗem wu ɓuùsɛ̀ngà nyi ɓi ɗùm, à kalì lɛ: Ǹkpaa mìni saaɗ à rìkpaa lɛ kìbog ki ɓi mìni ki ri mɛ̀ ɓiì kàɓi.

ZYAŊ 13:27

Lɔŋ yɛ̀ɛ Zyudas à ghàɓkà kìɓɛghà ki bìrɛs kiǹ, Satàn a ɗiŋì nyi ɓi nɗem. Yeesus à kalì nyi lɛ: Com ki u ɓeɓeg lɛ u ki, kìya kɔ lɛ fyɛ̀ɗ.

ZYAŊ 15:16

Àa mìni yɛɛ ɓɔngà mɛ̀, lɔŋ mɛ̀ yɛɛ ɓɔngà mìni, ǹki rɛ̀si mini lɛ, ɓi kɛǹ, ɓi wum̀ ɓìɗùn, ɓìɗùn ɓin ɓi ki ɓa ɓiɗùn ɓi ɓyɛɛ finɛn, fɔɔnnɛ com kìcèm ki ɓì ɓiì tɔɔ̀gh Tààta rì ɗii ɗyɛ̀m, à rì mìni kɔ ɓiì kìi.

ZYAŊ 15:19

I ɓi ɓa ɓum ɓɛ ziinɛ, di ziinɛ ì rì lɛ ì keesì mìni fɛlɛ yɛ̀ɛ com ki yɔ̀. Nni yɛ̀ɛ ɓì yin ɓum ɓɛ ziinɛ, ki ki ɓa lɛ m̀ɓɔ̀ngà mìni, m̀pisì mìni ɓi ziinɛ, kɛɛ̀ki ziinɛ yɛɛ̀ ɓèeɓeèzɛ̀n mìni miì.

ZYAŊ 17:12

Cààmɛ̀n ki mɛ̀ɛ nɗì rì ɓɔ, mɛ̀ɛ mɓèŋɓeŋi ɓɔ, ɓì ɗii ɗyɔɔ, mɛ̀ɛ nkàakàmɛ̀n ɗì ɓɔ, nsoò kìbog ki ɓi ɓɔ kɛ̀ kɛɛ̀ ɗyaŋ; i ki cee ɓi lɛ roànɛ à ghɛ̀ɛ̀sɛ̀ngà kìɗyaŋì lɛ mɛ̀kànì mɛɛ roǹ.

ZYAŊ 2:2

Ɓɛ reŋìghà girig Yeesus rì ɓɛ̀yilàg ɓii a kìsɛ̀nɛ̀ kiǹ.

ZYAŊ 20:24

Tomas ànɛ ɓɛ nɗegì lɛ Didim, kìbog ki ɓi ɓɛ̀yilàg ɓɛ Yeesus ntɛ̀ɗ rì ɓɛɓɛɛ̀, à ɓaghà ɓi wɔɔ cààmɛ̀n ki Yeesus à yùghày kiǹ.

ZYAŊ 6:64

Kìɓan kifog, ɓum ɓɛdɛŋ ɓɛ ɓi nyìinyìm wìn ɓɛ gherɛɛ ɓi. Lɛ a rìtumɛ̀n Yeesus à yighà ɓumɓɛ ɓɛ gherɛ̀ngà ɓi, rì roànɛ à ghɛ̀ɛ̀sɛ̀ngà nyi kìkàɓi.

ZYAŊ 6:67

Nni Yeesus à kpaaghà min ɓɛyilàg ɓɛ kiǹtɛ̀ɗ rì ɓɛɓɛɛ̀rɛn lɛ: Mìnii kɔni ɓi lɛ ɓi ghaàrag girig?

ZYAŊ 6:71

Zyudas à man à Simɔn Iskariyot innɛ à kpaakpààghà lɔɔ lɛ nnyɛɛ ɓaghà kìbog ki ɓi ɓɛ̀yilàg ǹtɛ̀ɗ rì ɓɛɓɛɛ̀ , ki ki ghɛɛ̀sɛ̀ngà nyi kì kàɓi.

ZYAŊ 8:44

Satàn yɛɛ ri seŋi wìn fɔɔnnɛ ɓi kɔ̀nkɔn lɛ di ɓyàa kìi rìkɔ̀n ɗi seŋi wìn. A ɓalag ǹwolì-ɓum à tumɛ̀n a rìtumɛ̀n, à ki ka rɛlìghà ɓi ɓi saaɗ nsoò ŋwos bog, ɓisuulɛ, saaɗ a maà ɓa ɓi a lɔ̀ŋkii; cààmɛ̀n ki a pwààpwaa ɓum, lɔŋ com ki ki riì nyi ɓi nɗem kɛɛ̀ki a kpaakpaa ɓɔ, lɛ à rì pwààpwaà, à ki ɓa ti seŋi ɓɛ̀pwàà.

MƐ̀KÌKÌÌ MƐ ƁƐKƐ̀NÌ-FÌTOM 1:17

Zyudas àa nɗì kìbog ki ɓi ǹɗaŋ wis, àa nki rì rì gàɓ ɓi kìsay ki tì rì rì kɔ.

MƐ̀KÌKÌÌ MƐ ƁƐKƐ̀NÌ-FÌTOM 13:10

à kpaa lɛ: Wɔ̀ ŋwaànɛ, ù rì lɛ, wɔ̀ coo ghèghes̀, wɔ̀ ɓèèɓeè, man à Satàn anɛ lɛ wɔ̀, bènàbena à ɓìɓan ɓi saaɗ, ù yin ɓìì rɛɛrɛɛ̀sì rìyoòyògsì ɗi bee yi Kan yi yi ri lɛ saaɗ?

TIMOTE 3:11

Ɓɛ̀yiɓ girig ɓɛ ghɛɛ̀sɛɛ lɛ ɓɛ ɓa rì rìmum, ɓɛ̀ kɛɛ̀ ɓa ri mɛ̀wɔ̀wɔrì, ɓɛ kɛɛ̀ falɛn ɓi mɛ̀rɔ̀g, ɓɛ ɓa ɓumɓɛ ɓɛ tyweeyì ɓi ɓìɓan ɓìcèm.

Kaàtà ànɛ Pol à kàngà TIT 2:3

Ù kpaa ɓɛ̀sɛ̀ɛ̀mɛn ɓɛ ɓɛ̀yiɓ lɛ ɓɛ ghɛɛ̀sɛɛ girig kì ɓaà rì cɛɓ ki ɓum ɓɛ ri lɛ ɓɛ ghɛn lɛ ki ri cɛɓ ki ɓɛgherɛ̀n, ɓɛ̀ kɛɛ̀ ɓa ri mɛ̀wɔ̀wɔrì, ɓɛ̀ kɛɛ̀ ɓa ɓɛkpàn ɓɛ mɛrɔ̀g, ɓɛ ghɛɛ̀sɛɛ kìfafaa ɓɛsyeesyee ɓɛ deɓ,

1 ZYAŊ 3:8

Ŋwaànɛ a kɛ̀nkɛn asu à kìkì kìɓe, à rì ŋwaà Satàn, lɛ Satàn a maà kìkì kìɓe, à tumɛ̀n a rìtumɛ̀n. Man à Bɛ̀ll à yùghày lɛ, a yogsi mɛ̀kìkìì mɛ Satàn.