ZYAŊ 6:63 - Bafia Nouveau Testament

⁶³ Ǹghay wɛɛ̀ fafa cɛɓ, mɛ̀mùù mɛ yin ɗi gɛɓsɛ̀n. Fɔɔnnɛ ɓìɓan ɓi màa kpaa mìni ɓi ri ɓìɓan ɓi Nghay, rì ɓi cɛɓ.

ZYAŊ 6:63 ပူးပေါင်းရင်းမြစ်များ

ZYAŊ 5:21

Lɛ fɛlɛ yɛ̀ɛ Seŋi à ti à ghèmzàg ɓìloŋ, à fa ɓyɔ cɛɓ, fɔlɔɔ nnɛ Man à ti à falàg girig ɓumɓɛ à kɔ̀ni cɛɓ.

ZYAŊ 6:68

Simɔn Pyɛɛri à pɛ̀ɛ̀zìghà nyi lɛ: Kan, tì ɓiì kɛ̀ɛ yɛ̀ɛ ghɛn? Ù rì rì ɓìɓan ɓi cɛɓ ki fiɗyàɓ fikɔ̀ɔ̀.

MƐ̀KÌKÌÌ MƐ ƁƐKƐ̀NÌ-FÌTOM 5:20

Kɛ̀ɛna ɓi naà-Bɛ̀ll, ɓi kakali ɓum ɓìɓan ɓìcèm ɓi ɓi komi cɛɓ ki.

RÒMƐŊ 10:17

Fɔlɔɔ nnɛ rìgherɛ̀n ɗi ti ɗi fuughìì ɓi kìɓan ki ŋwaà woogh; nni kìɓan ki ɓɛ ti ɓɛ wokì, ki riì ɓi jɛ̀ɛ̀ ì Kiris.

RÒMƐŊ 2:25

Ki ri saaɗ lɛ kɛ̀rɛ̀n à ghɛɓsii, di ù ɓèŋi ɓìdɔ̀gsɛna, kìɓan kifog, uù sɛɛtii ɓìdɔ̀gsɛna, kɛ̀rɛ̀n wɔ̀ɔ̀ à ɓa lɔŋ yɛ̀ɛ ù ka kɛrɛ̀ngà ɓi.

RÒMƐŊ 8:2

Ɓisuulɛ kìdɔ̀gsɛna ki Nghay ànɛ a fafa cɛɓ ɓi Yeesus Kiris ɓi ɗùm, ki kwèɗkà mɛ̀ ɓi rìkpàn ɗi kidɔ̀gsɛna ki kiɓe rì rìwu.

1 KƆ̀RƐ̀ŊTYƐŊ 15:45

Kìɓan kiǹ kɛɛ̀ki ki ri miì kìkànɛn lɛ: Mum à ǹtonto ànɛ lɛ Adam à ghalà com ki kɛɛ̀ ghɛghɛ̀ɓ; Adam à siitòn à ti nghay wu wɛɛ̀ fafa cɛɓ.

GÀLAT 5:25

Yɛ̀ɛ ki ri lɛ Nghay à Bɛ̀ll yɛɛ̀ fafa ɓisi cɛɓ, tì ghɛ̀ɛ̀sɛɛ min ki kɛ̀ɛ̀ghii yɛ̀ɛ Nghay a rèresi ɓisì.

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.

GÀLAT 6:15

Rìɓa ɗi lɛ ŋwaà rì ǹkɛ̀rɛn nsoò lɛ à yin nkɛ̀rɛn ɗi yin com, kìɓan ki ki ri bimiɗ à com ki ri lɛ mum a ɓa nyɔɔnyɔn à mum.

TÈSÀLÒNÌSYƐŊ 2:13

Kìɓan kiǹ kɛɛ̀ki tì fafa Bɛ̀ll ɓìtògsɛ̀n cààmɛ̀n kìcèm lɛ, yɛ̀ɛ bì ghàɓkà jɛ̀ɛ̀ yìì ìnɛ tì wogsìghà mìni, ɓì ghàɓkà ɓi yɔ̀ yɛ̀ɛ jɛ̀ɛ̀ ì mum; ɓì ghàɓkà lɔŋ yɔ̀ yɛ̀ɛ ì rì a tààkaà, lɛ ì rì jɛ̀ɛ̀ ì Bɛ̀ll ìnɛ yɛ̀ɛ kìki kisay ɓi mìni ɓɛ ɓì rì ɓɛ̀gherɛ̀n.

TIMOTE 4:8

Mɛ̀ɛ̀zi nyoo yɔ̀ɔ̀ ɓi rìfalɛ̀n ɗi ɓi rìgherɛ̀n; ɓisuulɛ rìmɛ̀ɛ̀zì ɗi nyoo ɓi tìcàɓ ti tyɛɛ̀ fafa itèɗ ɓi mɛ̀mùù ɗi ɓiisɛɛ ɓi kiɓaà rì gɛɓsɛ̀n kɔm̀ lɛ rìfalɛ̀n ɗi ɓi rìgherɛ̀n ɗi ghɛɓsii bee lɛɛ̀gwey; ɗi ri rì ǹkàg wu cɛɓ ki gɛɛ̀nɛ rì ki kɛɛ̀ yùyuiy.

EBIREEGH 13:9

Kɛ̀ ɓi càrɛn lɛ mɛ̀rèsàg mɛ̀kuu mɛ̀kuu mɛ mɛ riì tìràɓ, mɛɛ ɗimzi mìni bee, lɛ ki rɔɔtɛɛ lɛ ǹɗem wɛɛ teɗ ìtèɗ lɛ geesɛ̀n ì Bɛ̀ll, à cee ɓìsyɔ̀ɔ̀ ɓi ɓi komi ɓìɗilàg ɓi ɓi ghɛɓsìghà ɓi ɓumɓɛ ɓɛ falɛ̀ngà miì nsoò ɓi bee idɛŋ.

EBIREEGH 4:12

Lɛ jɛ̀ɛ̀ ì Bɛ̀ll ì rì cencem, ì ki ɓa ri ìtèɗ, ì poo ì cee gàfàg ìnɛ ì rì ǹghɛliyɛn ɓɛɓɛg ɓɛ̀cèm. Yɛ̀ɛ ɗiɗiŋi mum ɓi nɗem à kpaŋ ɓi jàŋ inɛ cɛɓ ki mum rì nghay wii ɓi rarɛɛ; ì ɗiŋì ì kpaŋ ɓi rìràrɛ̀n ɗi gòga rì ɓɛ̀ɓɔ̀ŋ ɓɛ ɓiwoɓ. Yɛ̀ɛ rèresi nkòo rìkɔ̀n ɗi mum rì mɛ̀yitì mɛ mɛ ri nyi ɓi nɗem, ɓi ri lɛ syeesyee.

ZYAG 1:18

À faghà ɓìsi cɛɓ ɓi rìkɔ̀n ɗii, rì jɛ̀ɛ̀ yìì i saaɗ lɛ ti ɓa fɛlɛ yɛ̀ɛ ɓìɗùn ɓi ǹtonto ɓi ɓyom ɓi à kìghà.

1 PYƐƐRI 1:23

Mìni ɓɛ ɓì tekà ɓi cɛɓ ki nyɔn ɓi boo ìnɛ ì rì lɛ ì ɓwɛ̀y, kìɓan kifog ìnɛ ì yin lɛ i ɓwɛ̀y ɓì tekà lɔŋ kɔ rì jɛ̀ɛ̀ ì Bɛ̀ll ìnɛ ì rì cencem, ì ɓa tì fìɗyàɓ fikɔ̀ɔ̀;

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

1 PYƐƐRI 3:21

Mɛ̀nig mɛǹ mɛ ɓaghà kìfèèghrɛnà ki bàɓtis ìnɛ yɛɛ̀ ghɛɛghɛɓsì mìni ɓigomìnɛ, bàɓtis ìnɛ̀n ì yin ɓiì sòòsoo tifin ti ɓi nyoo, kìɓan kifog ì rì rìfalɛ̀n ɗi mum à falɛɛ yɛ̀ɛ Bɛ̀ll rì syeesyee à nɗem. A ghɛɛghɛɓsì mìni lɛ rìghèmɓɛ̀n ɗi Yeesus Kiris à ghèmɓɛ̀ngà,