ZYAŊ 6:51 - Bafia Nouveau Testament

⁵¹ Ǹɗì bìrɛs ì cencem ìnɛ ì sɛngày aɗyòò, ŋwaànɛ à ɗii bìrɛs ìnɛ̀n, à rì ɓiì ghɛɓì fìɗyàɓ fikɔ̀ɔ̀. Bìrɛs ìnɛ m̀ɓiì faà ìnɛ̀n, yɛ̀ɛ ri nyoo yɛ̀m ìnɛ ǹɗì ɓiì faà, lɛ ziinɛ yɛ̀ɛ ɓa rì cɛɓ.

ZYAŊ 6:51 ပူးပေါင်းရင်းမြစ်များ

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

LUKAS 22:19

Fɔɔnnɛ à tekà bìrɛs, à fa Bɛ̀ll ɓìtògsɛ̀n, à ɓɛg yɔ̀, à fa ɓɛ̀yilàg à kpaa lɛ: Nyoo yɛ̀m yɛ̀ɛ ri lɛ; yɛ̀ɛ ri ǹfayɛn ɓisu wìn, kìlaaghna kìɓan ki, ɓì yitàg mɛ̀.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 1:29

Ɓi duri tana, Zyaŋ à ghɛngà di Yeesus à tiì a lɔ̀ŋkii, à kpaa lɛ man à jɔ̀ɔ̀ à Bɛ̀ll ànɛ a pipisi kiɓe ki ɓum ɓi ziinɛ yɛɛ ri lɛ.

ZYAŊ 11:26

Fɔɔnnɛ mum ǹcèm ànɛ a ghɛghɛ̀ɓ à ki gherɛn mɛ, àa wu ɓi; ù gherɛɛ nya kìɓan kiǹ?

ZYAŊ 3:13

Ŋwaàdɛŋ à ka ɓɔkà ɓi aɗyòò i ki cee ɓi lɛ Man à mum ànɛ à sɛngày aɗyòò.

ZYAŊ 3:14

Fɛlɛ yɛ̀ɛ Moyis à pɛ̀sìghà nyoo ɓi kìgeŋ aɗyoo ɓi-reɓ, fɔlɔɔ nnɛ ki ghɛɛ̀sɛɛ girig lɛ, ɓɛɛ pɛsi Man à mum aɗyoo,

ZYAŊ 3:16

Lɛ Bɛ̀ll à keesìghà ziinɛ à pyàŋdàg fɔlɔɔ nnɛ à faghà m̀bobog wìì a Man lɛ ŋwaànɛ à gherɛɛ nyi kɛ̀ɛ wu, a ɓa lɔŋ ri cɛɓ ki fiɗyàɓ fikɔ̀ɔ̀.

ZYAŊ 3:36

Nni mum ǹcèm ànɛ à gherɛɛ Man, à rì rì cɛɓ ki fiɗyàɓ fikɔ̀ɔ̀; ŋwaànɛ à woogh ɓi nyi, àa ghɛn ɓi cɛɓ, kìɓan kifog, rìbaŋì ɗi Bɛ̀ll ɗi kaka nyi ɓi nyòò.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

ZYAŊ 6:33

Lɛ bìrɛs ì Bɛ̀ll ì rì bìrɛs ìnɛ ì sɛniì aɗyòò, ì ki fa ziinɛ cɛɓ.

ZYAŊ 6:35

Yeesus à kalìghà ɓɔ lɛ: Mɛ̀ ǹɗì bìrɛs ì cɛɓ, ŋwaànɛ à yùu a lɔ̀ŋkɛm̀ zày, yàa kɔɔdii gɛ ɓi nyi. Ŋwaànɛ à ki gherɛɛ mɛ̀, kìnɔli kaa kitii gɛ ɓi nyi.

ZYAŊ 6:41

Fɔɔnnɛ Ɓɛ̀yudɛ̀n ɓɛ ŋwɔŋwɔ̀ŋìghà nyi lɛ, à kpaaghà lɛ: Mɛ̀ ǹɗì bìrɛs ìnɛ ì sɛngày aɗyòò.

ZYAŊ 6:47

Ǹkpaa mìni kɔɔ̀kɔɔ̀ à rìkpaa lɛ ŋwaànɛ à gherɛɛ mɛ̀, à rì rì cɛɓ ki fiɗyàɓ fikɔ̀ɔ̀.

ZYAŊ 6:48

Mɛ̀ yɛɛ ri bìrɛs ì cɛɓ.

ZYAŊ 6:50

Lɔŋ bìrɛs ìnɛ ì sɛngày aɗyoo, yɛɛ̀nɛ, lɛ ŋwaànɛ à ɗii yɔ̀, kɛ̀ɛ wù.

ZYAŊ 7:38

Ŋwaànɛ à gherɛɛ mɛ̀, mɛ̀syòm mɛ mɛnig mɛ cɛɓ mɛ ri nyi ɓiì ɓɛ̀nɓɛniì ɓi nɗem fɛlɛ yɛ̀ɛ ki ri kìkànɛn.

2 KƆ̀RƐ̀ŊTYƐŊ 5:19

Ɓisuulɛ Bɛ̀ll à ɓaghà ɓi Kiris, à kaakàà lɛ paàzì ànɛ lɛ rì nyi rì ɓum ɓɛ̀cèm a pegsɛn, kɛ̀ɛ fiɓi ɓiɓe ɓyaa; nnyɛɛ faghà ɓìsi ìtèɗ wu làalamɓɛ̀n pègsɛ̀n à kìɓan ki lɛ rì Nyi rì ɓum.

2 KƆ̀RƐ̀ŊTYƐŊ 5:21

Roànɛ à kìghà ɓi kiɓe nsoò ŋwos bog, Bɛ̀ll à ghaasìghà nyi kìɓe ɓisu wis, lɛ di ti ghɛn kìrɔɔ ɓi kìsay ki Bɛ̀ll à kìghà lɛ ti ɓa ɓum ɓɛ saaɗ ɓi mis mìì.

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

EFÈZYƐŊ 5:25

Mìni ɓɛ̀baŋì, keesiina ɓɛ̀yiɓ ɓin fɛlɛ yɛ̀ɛ Kiris à keesìghà Kìseŋi kii à fa cɛɓ kii lɛ kɔ.

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

EBIREEGH 10:20

À nɛmgà ɓìsi nyɔɔnyɔn à bee, bee inɛ ì rì rì cɛɓ ɓi kìlàà ki ki ɓaghà ɓi naà-Bɛ̀ll, yɛɛlɔɔ lɛ ɓi nyoo yìì i nyimìɗ.

1 PYƐƐRI 2:4

Kɛ̀ɛna jàŋbog rì nyi, nyi ànɛ à rì gɔ̀g ì cem inɛ ɓum ɓɛ ɓengà, kìɓan kifog ì ɓa gɔ̀g ìnɛ Bɛ̀ll à ɓɔ̀ngà, yɛ̀ɛ ki rì gìn i com ɓi mis mii,

1 ZYAŊ 2:2

Lɛ nyimiɗ a faghà cɛɓ kii ɓisuulɛ ɓìɓe ɓis ɓyɛɛ ɓa ɓìcenɛn, àa gì lɛ ɓinkis ɓyɔ rì ɓyɔ, lɔŋ ɓisuu ɓiɓe ɓi ɓum ɓɛ̀cèm girig.

1 ZYAŊ 4:10

Ǹkɔ̀nɛ̀n ànɛn à yin lɛ ɓìsi yɛɛ keesìghà Bɛ̀ll, kìɓan kifog nnyɛɛ keesìghà ɓìsi, à rom yì Man wiì fɛlɛ yɛ̀ɛ kìtuwe ki kɛɛ ghɛɓsi ɓi zòghɛ̀n ì ɓìɓe ɓis.

1 ZYAŊ 4:14

nni ɓìsii ghɛngà, tì ki làalamɓɛ̀n lɛ, Tààta à romgày Man, lɛ a ghɛɓsi ziinɛ.