ZYAŊ 6:46 - Bafia Nouveau Testament

⁴⁶ Fɔlɔɔ a rèsii ɓi lɛ ŋwaàdɛŋ à ka ghɛngà Tààta, lɔŋ roànɛ à ɓaghày yɛ̀ɛ Bɛ̀ll yɛɛ ghɛngà Tààta cɛ̀ncii.

ZYAŊ 6:46 ပူးပေါင်းရင်းမြစ်များ

MATYOO 11:27

Seŋi wɛ̀m à faghà mɛ̀ ɓìɓan ɓicèm; ŋwaàdɛŋ à yii ɓi Man i ki yin lɛ Seŋi, ŋwaàdɛŋ kɛɛ ki yi Seŋi i ki yin lɛ Man, ǹsòò lɛ ŋwaànɛ ki kɔni Man lɛ a resi nyi Seŋì.

LUKAS 10:22

Seŋi wɛ̀m à faghà mɛ̀ ɓìɓan ɓìcèm, fɔɔnnɛ ŋwaàdɛŋ à yii ɓi ghɛn yɛ̀ɛ ri lɛ Man i ki yin lɛ Tààta rì ghɛn yɛɛ ri lɛ Tààta, i ki cee ɓi lɛ Man, rì roànɛ Man à rèsii Tààta.

ZYAŊ 1:18

Mum à ka ghɛngà ɓi Bɛ̀ll, lɔŋ m̀bobog à Man à Bɛ̀ll ànɛ à rì jàŋbog rì Seŋi yɛɛ kighà lɛ ɓɛɛ yi nyi.

ZYAŊ 14:7

I ɓyàa yi mɛ̀, di ɓì rì lɛ ɓì yi Seŋi wɛ̀m. Nni à tumɛ̀n ɓigomìnɛ, ɓì yii nyi, ɓì mɛ ki ghɛn nyi.

ZYAŊ 15:24

I kɛ̀ɛ nkì ɓɛgɛn ɓɛ ɓiɓan ɓɛ ŋwaàdɛŋ à ka kighà ɓi ɓi nyìinyìm wàa, di ɓɛ yin ri bɛ̀lɛn. Nni ɓigomìnɛ, ɓɛ nghɛɛ ɓìɓan ɓi mɛ̀ɛ nkìi, ɓɛ ki ɓèèzɛn lɛ rì mɛ̀ rì Seŋi wɛ̀m.

ZYAŊ 5:37

Fɔɔnnɛ Tààta nyimiɗ anɛ à romgày mɛ̀, à rèsìghà girig kìɓan kɛm̀; ŋwos adɛŋ, ɓì ka wokà ɓi jɛ̀ɛ̀ yìì, kɛ̀ ɓi ki ghɛn ìsu wìì.

ZYAŊ 7:29

Mɛ̀ ǹ-yii nyi lɛ ǹɗì fɛ ɓisu wii, rì tì lɛ, nnyɛɛ romgày mɛ̀.

ZYAŊ 8:19

Nni ɓɛ kpaaghà nyi lɛ Soŋi à rì fe? Yeesus à ɓàg ɓɔ lɛ: Ɓì yii ɓi mɛ, ɓyɛ̀ ɓi ki yi Seŋi wɛ̀m, i ɓyàa yii mɛ̀, di ɓì rì lɛ ɓì yi girig Seŋi wɛ̀m.

ZYAŊ 8:55

Ɓì ki yii ɓi nyi; mɛ̀ ǹ-yii nyi. I ǹkpaa lɛ ǹ-yii ɓi nyi, di ǹɗì pwààpwaà yɛ̀ɛ mìni. Kiɓan kifog mɛ̀ ǹ-yii nyi, mɛ̀ɛ ǹki ɓèŋɓeŋ jɛ̀ɛ̀ yìì.

KÒLÒSYƐŊ 1:15

À rì kìfèèghrɛnà ki Bɛ̀ll ànɛ ɓum ɓɛ ghɛɛ ɓi, nyi tì Man à ǹtonto ànɛ ɓi ɓyom ɓìcèm ɓi Bɛ̀ll à kìghà.

TIMOTE 6:16

nyi cɛ̀ncii yɛɛ yin lɛ à wu, à kɔ̀kɔrii ɓi kìtɛɛtɛn ki mum à yin lɛ à kpaŋ wɔɔ, mum à ka ghɛngà ɓi nyi, nnyɛɛ ghɛɛ̀sɛɛ rì ǹnyaasɛ̀n, rì ìtèɗ fiɗyàɓ fikɔ̀ɔ̀. Ààmɛ̀n.

1 ZYAŊ 4:12

Mum à ka ghɛngà ɓi Bɛ̀ll; i tì rì rì ǹkɔ̀nɛ̀n ɓi nyìinyìm wìs, di Bɛ̀ll à rì a lɔ̀ŋkis, ǹkɔ̀nɛ̀n wìì a ki ɓa ɓi ɓìsi syeesyee à rìɓa.