ZYAŊ 6:27 - Bafia Nouveau Testament

²⁷ Kɛ̀ ɓi say ɓisuu ɓiɗilàg ɓi ɓi ri lɛ ɓi ɗyoŋ, salina ɓisuu ɓiɗilàg ɓi ɓi ri lɛ ɓi kɔrì à kpaŋ ɓi cɛɓ ki fiɗyàɓ fikɔ̀ɔ̀, ɓyɛɛ̀ ɓi Man à mum à rì mìni ɓiì faà, lɛ nyi nnɛ Bɛ̀ll Seŋi à fogà kìrèmzɛnà ki rilàmì ɗii ɓi nyi.

ZYAŊ 6:27 ပူးပေါင်းရင်းမြစ်များ

MATYOO 17:5

Yɛ̀ɛ Pyɛɛri à ɓaghà di a ka tòtog fɔlɔɔ nni coo kikwìɗ ki lònlomɛn ki sìgtɛ̀ngà ɓɔ. Fɔɔnnɛ jɛ̀ɛ̀ ì tòòghrɛ̀ngày ɓi kìkwìɗ kiǹ, ì kpaa lɛ: Roànɛ à rì Man wɛm̀ à nɗem , ɓi nyi innɛ ǹfogà ǹkɔ̀nɛ̀n wɛ̀m bimiɗ, wooghna nyi.

MATYOO 25:46

Fɔɔnnɛ ɓumɓɛ̀n ɓɛ teri gɛ deɓ yi fiɗyàɓ fikɔ̀ɔ̀, wɔ̀lɛ ɓum ɓɛ saaɗ ɓɔɔ teɗ cɛɓ ki fiɗyàɓ fikɔ̀ɔ̀.

MATYOO 3:17

Nni jɛ̀ɛ̀ ì ɓaghày ɓi ɗyoo ì kpaa lɛ: Roànɛ à rì Man wɛm̀ ànɛ ǹkeesii, ɓi nyi nnɛ ǹfogà ǹkɔ̀nɛ̀n wɛ̀m bimiɗ.

MATYOO 6:19

Kɛ̀ ɓi saasaɓtàg ìkum win fɛ ɓi ziinɛ jàŋ inɛ Zyèɗ rì geègee ɓi ti ɓi yogsàg wɔ, nsoò lɛ jàŋ inɛ ɓɛ̀wiiwìì ɓɛ ti ɓɛ ɓɛkì naa, ɓɛ yii wɔ.

MATYOO 8:20

Yeesus à kpaa nyi lɛ: Ɓìbina ɓi ri rì mɛ̀kuɓi, tììlì ti aɗyoo rì ɓìlaa, wɔ̀lɛ Man à mum à yin ɗi jàŋ inɛ a fɔɔ̀sag.

MARIKUS 1:11

Jɛ̀ɛ̀ i ki ɓɔ̀ɓ yi aɗyoo lɛ: Ù ri Man wɛm̀ à ǹɗem, ɓi wɔ̀ nnɛ ǹfoŋi kìnyàà kɛm̀ kìcèm.

MARIKUS 9:7

Fɔɔnnɛ kìkwìɗ ki sigtɛ̀ngà ɓɔ, jɛ̀ɛ̀ ì ki kpaŋ yi ɓi kìkwìɗ kiǹ lɛ: Roànɛ à rì man wɛm̀ ànɛ ǹkeesàg, wooghna nyi.

LUKAS 3:22

Kìtɛntɛ̀ɛ̀n ki Nghay ki sɛn yì nyi ɓi nyoo, fɛlɛ yɛ̀ɛ kuùkuù; fɔɔnnɛ jɛ̀ɛ̀ ì ɓaghày ɓi ɗyoo lɛ: Ù rì Man wɛm̀ à ǹɗem, ɓi wɔ̀ nnɛ ǹfoŋi kìnyàà kɛm̀.

LUKAS 9:35

Fɔɔnnɛ jɛ̀ɛ̀ ì ɓaghày ɓi kìkwìɗ lɛ: Roànɛ, à rì Man wɛm̀ ànɛ ǹɗɔ̀tɛ̀ngà, wooghna nyì.

ZYAŊ 10:28

Ǹti ǹfalàg yɔ cɛɓ ki fiɗyàɓ fikɔ̀ɔ̀, yàa wu ɓi nsoò ŋwos bog, mum à ki yin lɛ à ɓàtɛ̀n yɔ ɓi càg kɛm̀.

ZYAŊ 11:42

Ɓi ɓɛg wɛ̀m, ǹ-yii lɛ ù ti ù ɓàkì bɔ̀ŋzɛ̀n yɛm̀ ɓyààmɛ̀n ɓìcèm, kìɓan kifog ǹkpaa fɔlɔɔ ɓisuu ɓumɓɛ ɓɛ ri fɛ, lɛ di ɓɛɛ gherɛn lɛ wɔ̀ yɛɛ romgày mɛ̀.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

ZYAŊ 15:24

I kɛ̀ɛ nkì ɓɛgɛn ɓɛ ɓiɓan ɓɛ ŋwaàdɛŋ à ka kighà ɓi ɓi nyìinyìm wàa, di ɓɛ yin ri bɛ̀lɛn. Nni ɓigomìnɛ, ɓɛ nghɛɛ ɓìɓan ɓi mɛ̀ɛ nkìi, ɓɛ ki ɓèèzɛn lɛ rì mɛ̀ rì Seŋi wɛ̀m.

ZYAŊ 17:2

Fɛlɛ yɛ̀ɛ ù faghà nyi ìtèɗ wu lɛ a lami ɓum ɓɛ̀cèm, à fa ɓɛ̀sɛ̀ɛ̀ ɓɛ̀cèm ɓɛ ù faghà nyi cɛɓ ki fiɗyàɓ fikɔ̀ɔ̀.

ZYAŊ 3:15

lɛ di mum ǹcèm ànɛ à gherɛɛ nyi, à ɓa rì cɛɓ ki fiɗyàɓ fikɔ̀ɔ̀.

ZYAŊ 3:33

I mum à ki teri rìrèsì ɗii, di à gherɛɛ yɛɛ lɔɔ lɛ Bɛ̀ll à ti à kpaaghì saaɗ.

ZYAŊ 6:40

Lɛ rìkɔ̀n ɗi Seŋi wɛ̀m ɗyɛɛ̀ɗi: Lɛ mum ǹcèm ànɛ à ghɛɛ Man, à ki gherɛn nyi, a ɓa rì cɛɓ ki fiɗyàɓ fikɔ̀ɔ̀, mɛ̀ ǹki ghèmzii gɛ nyi ɓi siitòn a ŋwos.

ZYAŊ 6:47

Ǹkpaa mìni kɔɔ̀kɔɔ̀ à rìkpaa lɛ ŋwaànɛ à gherɛɛ mɛ̀, à rì rì cɛɓ ki fiɗyàɓ fikɔ̀ɔ̀.

ZYAŊ 6:51

Ǹɗì bìrɛs ì cencem ìnɛ ì sɛngày aɗyòò, ŋwaànɛ à ɗii bìrɛs ìnɛ̀n, à rì ɓiì ghɛɓì fìɗyàɓ fikɔ̀ɔ̀. Bìrɛs ìnɛ m̀ɓiì faà ìnɛ̀n, yɛ̀ɛ ri nyoo yɛ̀m ìnɛ ǹɗì ɓiì faà, lɛ ziinɛ yɛ̀ɛ ɓa rì cɛɓ.

ZYAŊ 6:53

Nni Yeesus à kpaaghà ɓɔ lɛ: Ǹkpaa mìni ɓi saaɗ lɛ, i ɓì ɗii ɓi nyoo ì Man à mum, kɛ̀ ɓi ki nɔ bwaɓ yii, ɓì yin lɛ ɓì ɓa rì cɛɓ ki kɔɔ̀kɔɔ̀.

ZYAŊ 6:54

Ŋwaànɛ à ɗii nyoo yɛ̀m, à ki nɔ bwaɓ yɛm̀, à rì rì cɛɓ ki fiɗyàɓ fikɔ̀ɔ̀, ǹɗì ɓiì ki ghèmzii nyi ɓi siitòn a ŋwos.

ZYAŊ 6:58

Bìrɛs ìnɛ ì sɛngày aɗyoo yɛ̀ɛ ri lɛ; ì yin yɛ̀ɛ ìnɛ ɓɛ̀seŋi ɓin ɓɛ ɗighà ɓɛ cuu; nni ŋwaànɛ à ɗii bìrɛs ìnɛ, à rì ɓiì ghɛɓì fìɗyàɓ fikɔ̀ɔ̀.

ZYAŊ 6:62

I ɓì ki ghɛɛ Man à mum di a ɓɔɓɔg aɗyoo jàŋ inɛ à ka ɓaghà, ki ɓa min la?

ZYAŊ 6:68

Simɔn Pyɛɛri à pɛ̀ɛ̀zìghà nyi lɛ: Kan, tì ɓiì kɛ̀ɛ yɛ̀ɛ ghɛn? Ù rì rì ɓìɓan ɓi cɛɓ ki fiɗyàɓ fikɔ̀ɔ̀.

ZYAŊ 8:18

Mɛ̀ɛ nɗèresi saaɗ ànɛ ɓi kìɓan kɛm̀ mɛ̀ɛmiɗ, fɔɔnnɛ Tààta ànɛ à romgày mɛ̀ a rèresi kiɓan kɛm̀.

MƐ̀KÌKÌÌ MƐ ƁƐKƐ̀NÌ-FÌTOM 10:38

Ɓì yii lɔŋ yɛ̀ɛ Bɛ̀ll à ɓɔ̀ngà Yeesus ànɛ a Nazarɛt à rom yì nyi Kitɛntɛ̀ɛ̀n ki Nghay kii, à ki fa nyi ìtèɗ wucèm, fɔɔnnɛ Yeesus ànɛ̀n à kɛ̀ɛ̀kɛ̀ɛ̀ghà jàŋ bimiɗ à kìkì ɓum kìrɔɔ, di a wɔ̀ɔwɔɔ̀zì ɓum ɓɛ̀cèm ɓɛ ɓɛ ɓaghà ɓi rìkpàn ɗi Satàn ɓisuulɛ Bɛ̀ll à ɓaghà ɗì nyi.

MƐ̀KÌKÌÌ MƐ ƁƐKƐ̀NÌ-FÌTOM 2:22

Mìni ɓumɓɛ a Isirayɛl, wooghna kìɓan ki nkìki lɛ, nkpaà mìni: Yeesus ànɛ a Nazarɛt àa nɗì ŋwaànɛ Bɛ̀ll àa ǹɗèsii mìni lɛ, nnyɛɛ romgày nyi, ɓi dàm yi ɓiɓan, rì ɓɛ̀koŋnyoo ɓɛ ɓiɓan, rì ɓìrèmzɛnà ɓi à faghà nyi ìtèɗ wulɛ a ki ɓi nyìinyìm wìn lɔŋ yɛ̀ɛ mìniìɓɔmiɗ ɓì yii.

RÒMƐŊ 4:11

Fɔlɔɔ nnɛ ɓɛ faghà nyi kɛ̀rɛ̀n ɓi sìg à kìrèmzɛnà ki lɛ, à rì saaɗ à mum lɛ rìgherɛ̀n, cààmɛ̀n ki à ɓaghà di à ka kɛrɛn ɓi; kìɓan kiǹ kɛɛ̀ki à rì miì seŋi ɓum ɓɛ̀cèm ɓɛ ɓɛ gherɛɛ, nsoò ɓɛ̀roɓɛ ɓɛ yin ɓɛ kɛ̀rɛn, lɛ di ɓɛɛ ɓa lɛ saaɗ ɓi mis mɛ Bɛ̀ll.

RÒMƐŊ 6:23

Ɓisuulɛ mɛ̀lèɓ mɛ kiɓe mɛ ri lɛ rìwu, kìɓan kifog, rìɓòò ɗi Bɛ̀ll a kìki ɓum zɛy ɗi ri cɛɓ ki fiɗyàɓ fikɔ̀ɔ̀ ɓi Yeesus Kiris à Kan wìs.

1 KƆ̀RƐ̀ŊTYƐŊ 6:13

Ɓìɗilàg ɓi ri ɓisuu ɗùm, ɗùm ɗi ki ɓa ɓisuu ɓiɗilàg, Bɛ̀ll à rì ɓiì ki yogsii ɓyom ɓi kiɓɛ̀ɛ̀ ɓiǹ; wɔ̀lɛ nyoo ì mum ì yin nkìyɛn ɓisuu cɛɓ ki tifin, ì rì ǹkìyɛn ɓisuu Kan, Kan à ki ɓa ɓisuu nyoo ì mum.

1 KƆ̀RƐ̀ŊTYƐŊ 9:2

I ɓum ɓɛdɛŋ ɓɛ ɓeni kì gherɛɛ lɛ ǹɗì ǹkɛ̀nì-fìtom a Yeesus, nsoò mìni, mìnii ghɛɛ̀sɛɛ kì gherɛɛ lɛ ǹɗì ǹkɛ̀nì-fìtom, ɓisuulɛ mìni yɛɛ ri kìrèmzɛnà ki ɓi rìɓa ɗi ǹɗì ǹkɛ̀nì-fìtom, ɓi cɛɓ ki ɓi ghɛghɛɓ ɓi Kan ɓi ɗùm.

2 KƆ̀RƐ̀ŊTYƐŊ 4:18

Ɓìsii yin ɓiì nɔ̀ɔnɔɔ̀tì ɓìɓan ɓi ɓum ɓɛɛ̀ seesèè, lɔŋ ɓi ɓum ɓɛ ghɛɛ ɓi ɓyɛɛ̀ɓi ɓìsiì nɔ̀ɔnɔɔ̀tì ɓisuulɛ, ɓyom ɓi ɓum ɓɛɛ̀ seesèè ɓi ti ɓi finàg maa cààmɛ̀n, ɓi ɓum ɓɛ ghɛɛ ɓi, ɓi ri fìɗyàɓ fikɔ̀ɔ̀.

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.

FÌLÌPYƐŊ 2:13

Ɓisuulɛ Bɛ̀ll nnyɛɛ kìki kisay ɓi mìni, à fafà mìni lɛ rì ǹɗem, rì ìtèɗ wu kìyen ɓiɓan ɓi ɓi ghɛɛ̀sɛɛ rì syeesyee wìì a ɗyomzɛ̀n.

KÒLÒSYƐŊ 1:29

Kìsay kiǹ kɛɛ̀ki nkìkì, ǹɗùùɗùù rì nghɛɓsɛn wu ìtèɗ wii wu wɛɛ̀ kìki kisay ɓi mɛ̀ rì ìtèɗ.

KÒLÒSYƐŊ 2:22

Ɓìcèlì ɓiǹ ɓìcèm ɓi koŋkomi ɓyom ɓi ɓi ti ɓi ɗyogì di ɓɛ kii kìsay miì gɛ̀mbog; ɓìɓan ɓiǹ ɓi ri lɔŋ ɓidɔ̀gsɛna rì mɛ̀rèsàg mɛ ɓum ɓɛɛ foŋi.

KÒLÒSYƐŊ 3:2

Foŋina ǹɗem rì ɓìɓan ɓi aɗyoo, kɛ̀ ɓi fèfeg ɓi ɓi ziinɛ.

TÈSÀLÒNÌSYƐŊ 1:3

Ɓi mis mɛ Bɛ̀ll à Seŋi wìs tì ti tì yitàg ɓyààmɛ̀n ɓìcèm mɛ̀kìkìì min mɛ ɓi rìgherɛ̀n, rì kìsay ki ǹkɔ̀nɛ̀n wiǹ a kìkì, rì rìsììrɛ̀n ɗin ɓi dyàɓɛn inɛ tì rì rì yɔ̀ ɓì Kan wìs Yeesus Kiris.

2 TIMOTE 2:19

Nsoò fɔlɔɔ kìgɔ̀ŋgɔ̀m ki mɛɛ ki Bɛ̀ll à yàghɛ̀ngà kìtoŋ miì ki kaka lɛ kpeg-kpeg. Jɛ̀ɛ̀ ì rì miì ǹkànɛn yɛ̀ɛ sìtam̀ lɛ: Kan à yii ɓɛ̀roɓɛ ɓɛ ri ɓɛŋkìì; fɔɔnnɛ mum ǹcèm ànɛ a rereŋi ɗii ɗi Kan, à ghɛ̀ɛ̀sɛɛ lɛ à sɔ̀ŋì ìkòò wii ɓi kìɓe.

EBIREEGH 12:16

Ɓì konàg lɛ ŋwaàdɛŋ kɛ̀ɛ ɓa ri cɛɓ ki tɔɔtɔɓki, nsoò lɛ a ɓa rì zɛɛtɛn ɓi ɓyom ɓi ɓi ri kìcèlì fɛlɛ yɛ̀ɛ Eso ànɛ à kàɓkà ìkɔ̀ɔ̀ wii wu risɛ̀ɛ̀mɛn ɓisuu càà ki ɓiɗilàg.

EBIREEGH 4:11

Ti tèèsiina nyoo lɛ ti ɗiŋi ɓi rìfɔɔsɛ̀n ɗiǹ, di fɔɔnnɛ ŋwaàdɛŋ kɛ̀ɛ ɓa lɛ à kpì, di à nɔ̀ɔ̀tii rìkuu ɗi ntoòtèɗ ɗi ɓumɓɛ ɓɛ ɓaghà ɓireɓ ɓɛ resìghà.

ZYAG 1:11

Ŋwos a pɛ̀sɛ̀n yì rì rìtɔ̀n ɗii ɗi syàn, à kì lɛ caaɓi kɛɛ womdag, kìsàmà ki caaɓi kiǹ ki kpi, kìrɔɔ ki kɔ ɓɛ̀ kɛɛ̀ ghɛɛ̀di. Fɔlɔɔ nnɛ guŋgum a rì ɓiì wom̀daagh ɓi ɓìɓan ɓìcèm ɓi a kìkì.

1 PYƐƐRI 1:24

ɓisuulɛ mum ǹcèm à rì yɛ̀ɛ caaɓi, rìkem ɗii ɗicèm ɗi ɓa yɛ̀ɛ kìsàmà ki caaɓi; caaɓi ki ti ki yɔɔ̀ghì, kìsàmà ki raà,

2 PYƐƐRI 1:17

Ɓisuulɛ à tekà lɛ rì ǹnyaasɛ̀n rì rìkem yɛ̀ɛ Bɛ̀ll à Seŋi wìs ɓi cààmɛ̀n ki jɛ̀ɛ̀ ìnɛ ì ɓaghày ɓi jàŋ inɛ rìkem ɗi Bɛ̀ll ɗi ɗi cee ɗi ri, lɛ: Roànɛ à rì man wɛm̀ à nɗem ànɛ à ti à rɔɔghì mɛ̀.