ZYAŊ 5:5 - Bafia Nouveau Testament

⁵ Nni roròɓ àdɛŋ à ɓaghà wɔɔ di à mɛ finɛn ɓi fìroɓ, bèg rìtin ɗì ǹtɛ̀ɗ rì taàraa.

ZYAŊ 5:5 ပူးပေါင်းရင်းမြစ်များ

MARIKUS 9:21

Yeesus à tɔg min seŋi ŋwɔɓti ànɛ̀n lɛ: Ki mɛ finɛn yɛ̀ɛ com ki ki tumɛ̀ngà nyi? Roànɛ̀n à ɓàg lɛ: Ki tumɛ̀ngà nyi lɔŋ ɓi rìŋwɔɓtì.

LUKAS 13:16

Nni giɓ anɛ à rì ànɛ, à rì ɓi boo ì mum yì Abiraham, nyi nnɛ Satàn a ɓangà, à kàŋ bɛn, gɛɛ̀nɛ bèg ǹtɛ̀ɗ ɗì taàraa. Nni ki ghɛɛ̀sɛɛ ɓi lɛ ɓɛɛ fumi nyi bɛn yin ŋwosi Saɓàt?

LUKAS 8:43

Nni giɓ adɛŋ à ɓaghà wɔɔ, bwaɓ yi kpaŋkpàŋ nyi, di à ti ɓi fìroɓ fìn bèg ǹtɛ̀ɗ rì yiɓɛɛ̀; à ɓaghà di à mɛ yogsi ɓɔɔ ɓyom ɓii ɓɛ̀cèm a ɓɛ̀ɗɔgtà, nsoò kìbog ki ɓi ɓɔ, ki wɔɔ̀zìghà ɓì nyi.

ZYAŊ 5:14

Ajɛ̀m ìnɛn, Yeesus à tanɛ̀ngà rì ŋwaànɛ̀n ɓi naà-Bɛ̀ll, à kpaa nyi lɛ: Ù ghɛɛ yɛ̀ɛ ù mɛ wɔ̀n, kɔ̀ɔ kìti kiɓe, di ù rì ɓiì tulɛɛ ri ǹtɔɓ wudɛŋ wu wu cee fɔ̀lɔ̀ɔ̀.

ZYAŊ 5:4

Lɛ ŋwaà-fìtom àa nti à sɛngìì ɓyààmɛ̀n ɓidɛŋ ɓi kìɗig kiǹ, à nyɛ̀ŋzì mɛ̀nig; fɔɔnnɛ ki mɓalàg lɛ, i mɛ̀nig mɛ mɛ nyɛ̀ŋɗɛ̀n, ŋwaànɛ à loogh miì kì kpìi, àa soo roròɓ rìkuu ɗi firoɓ aɗi, à wɔ̀n.]

ZYAŊ 5:6

Yɛ̀ɛ Yeesus à ghɛngà nyi ǹnɔ̀nɔŋiyɛn, à ki yi lɛ, à mɛ finɛn ɓi-kɔ̀ɔ̀ wiǹ, nni à tɔkà nyi lɛ: U kɔ̀nkɔn lɛ di wàa wɔ̀ni?

ZYAŊ 9:1

Yɛ̀ɛ Yeesus à ghaghàghìyà, nni à ghɛngà ŋwaàdɛŋ ànɛ à yalɛ̀ngà rì tìɗyaŋ.

ZYAŊ 9:21

Kìɓan kifog, tì yii ɓi com ki ki kiì lɛ a ghɛnɛn, tyɛ̀ ki ki yi nsoò ŋwaànɛ àa ŋwàri nyi mis. Tɔɔghna nyi, à ti ǹsɛ̀ɛ̀mɛn ɓi lèg ànɛ lɛ à ɓàg kìɓan ki ki seesee nyi.

MƐ̀KÌKÌÌ MƐ ƁƐKƐ̀NÌ-FÌTOM 14:8

Ŋwaàdɛŋ yɛɛ ɓaghà kìwɔ̀g a Listirɛ. A rɔ̀ɓkà kìsɛkɛ̀rɛ̀ à tumɛn a rìyalɛ̀n ɗii, nsoò ŋwos adɛŋ, ŋwaànɛ̀n à fèèghrɛ̀ngà ɓi kirɛlii mɛrɛy, à ɓày ìkòò.

MƐ̀KÌKÌÌ MƐ ƁƐKƐ̀NÌ-FÌTOM 3:2

Fɔɔnnɛ ŋwaàdɛŋ ànɛ à yalɛ̀ngà rì ɓìlɛm, à ɓaghà wɔɔ. Ɓɛ̀ŋwos ɓɛ̀cèm, ɓɛ n-yùlàg nyi kì kɔ̀ɔ̀sii asuunaa wu naà-Bɛ̀ll wu ɓɛ ǹɗegì lɛ: Rɔɔrɔɔ, lɛ a lɔǹlɔn ɓumɓɛ ɓɛɛ̀ ɗiɗiŋi ɓi naà-Bɛ̀ll ɓyom.

MƐ̀KÌKÌÌ MƐ ƁƐKƐ̀NÌ-FÌTOM 4:22

Ŋwaànɛ à wɔ̀ngà dàm ì rìwɔ̀n ànɛn, à ɓaghà di a mɛ cee bèg mɛ̀tin mɛɓɛɛ̀.

MƐ̀KÌKÌÌ MƐ ƁƐKƐ̀NÌ-FÌTOM 9:33

Fɔɔnnɛ à tanɛ̀ngà ŋwaàdɛŋ wɔɔ ɗii lɛ Enee ǹnɔ̀nɔŋiyɛn ɓi kon. Ki ɓaghà di ki ti bèg taàraa yɛ̀ɛ ŋwaànɛ̀n à kpìghà ɓi zi, lɛ à ɓaghà ǹwɔ̀ɔ̀ghrɛn.