ZYAŊ 5:42 - Bafia Nouveau Testament

⁴² Wɔ̀lɛ ǹ-yii mìni, ǹkɔ̀nɛ̀n à Bɛ̀ll à yin mini ɓi mɛ̀rem.

ZYAŊ 5:42 ပူးပေါင်းရင်းမြစ်များ

LUKAS 16:15

Fɔɔnnɛ Yeesus à kpaaghà ɓɔ lɛ: Ɓì rì ɓumɓɛ ɓɛɛ kaakaa lɛ ɓum ɓɛdɛŋ ɓɛɛ ghɛǹ mìni lɛ ɓì rì ɓɛ̀saaɗ ɓɛ ɓum, wɔ̀lɛ Bɛ̀ll à yii mɛ̀rem min. Fɔɔnnɛ com kìcèm ki ki ri gìn i com ɓi nyìinyìm à ɓum, ki ri com ki Bɛ̀ll à ɓèèzɛɛ lɛɛ̀gwey.

ZYAŊ 2:25

rì tì lɛ, ki ghɛɓsìghà ɓi nyi com lɛ ɓɛɛ ka rèsi nyi rìɓa ɗi mum, lɛ nyimiɗ a yighà com ki mum a fèfeg ɓi ǹɗem ɓi ɗùm.

ZYAŊ 21:17

Nni à kpaatìghà nyi ɓi gɛ̀n i kìraa lɛ: Simɔn man à Zyonas ù keesii nya mɛ̀? Pyɛɛri à ɓàg nyi lɛ: Kan, ù yii ɓìɓan ɓìcèm, ù ki yii lɛ ǹkeesii wɔ̀. Yeesus à kpaa nyi lɛ: Ɓèŋa jɔ̀ɔ̀ yɛm̀.

ZYAŊ 5:41

Ǹ-yin ɓiì kaakaa rikem a ɓum.

ZYAŊ 5:43

Ǹ-yùghà ɓi ɗii ɗi Seŋi wɛ̀m kɛ̀ ɓi kɔ̀n lɛ ɓi ghaɓ mɛ̀, wɔ̀lɛ, i ŋwaàdɛŋ à yùu ɓi ɗii ɗii ɗi nyimiɗ, nyi nnɛ ɓì rì ɓiì ghàɓi.

ZYAŊ 5:44

Lannɛ ɓì rì lɛ ɓì gherɛ̀n, di ɓi faafàlɛ̀n rìkem mìni rì mìni, kɛ̀ ɓi kaa rikem ɗi ɗi riì yɛ̀ɛ Bɛ̀ll cɛ̀ncii?

ZYAŊ 8:42

Yeesus à kpaa lɛ: I kaa rì saaɗ lɛ Bɛ̀ll yɛɛ ri Seŋi wìn, di ɓì keesii mɛ̀; lɛ ɓi Bɛ̀ll nnɛ ǹfuu yì, wɔɔ nnɛ ǹki ɓaghày; ǹ-yùghày ɓi ri nto wɛ̀m, lɔŋ nyi yɛɛ romgày mɛ̀.

ZYAŊ 8:47

Ŋwaànɛ àrì mum à Bɛ̀ll, a woki jɛ̀ɛ̀ ì Bɛ̀ll; nni yɛ̀ɛ ɓì yin ɓum ɓɛ Bɛ̀ll, nnɛ ɓì woogh ɓi jɛ̀ɛ̀ yìì.

ZYAŊ 8:55

Ɓì ki yii ɓi nyi; mɛ̀ ǹ-yii nyi. I ǹkpaa lɛ ǹ-yii ɓi nyi, di ǹɗì pwààpwaà yɛ̀ɛ mìni. Kiɓan kifog mɛ̀ ǹ-yii nyi, mɛ̀ɛ ǹki ɓèŋɓeŋ jɛ̀ɛ̀ yìì.

RÒMƐŊ 8:7

Ɓisuulɛ ɓìɓan ɓi ɓyɛɛ̀ kɔ̀nkɔn mɛmùù ɓi ri ɓi bènà rì Bɛ̀ll, ɓisuulɛ mɛ̀mùù mɛ gherɛɛ ɓi lɛ ɓìdɔ̀gsɛna ɓi Bɛ̀ll ɓyɛɛ lami mɔ, mɛ ki yin ɗi ìtèɗ wulɛ mɛ gherɛ̀n com yɛ̀ɛ kiǹ.

1 ZYAŊ 2:15

Kɛ̀ ɓi keesi ziinɛ, nsoò com kidɛŋ ki miì; i mum à keesii ziinɛ, di ǹkɔ̀nɛ̀n à Tààta à yin nyi ɓi nɗem;

1 ZYAŊ 3:17

I ŋwaànɛ à rì rì ìkum à ghɛɛ geni di à rì ɓi kìyɛɓà, kɛ̀ɛ wog nyi nyìighnyìg, lannɛ à rì lɛ à kpaa lɛ à keesii Bɛ̀ll ɓi nɗem wii?

1 ZYAŊ 4:20

I mum à kpaa lɛ: Ǹkeesii Bɛ̀ll nni à ɓèèzɛɛ geni, di à rì pwààpwaà, ɓisuulɛ, i mum à keesii ɓi geni ànɛ a seesèè, lannɛ à rì lɛ à keesì Bɛ̀ll ànɛ à ghɛɛ ɓi?

ÀPÒKÀLIƁSƐ̀ 2:23

Ǹɗì ɓiì cuusii ɓɔn ɓii, fɔlɔɔ nnɛ ɓìseŋi ɓìcèm ɓi ri ɓiì yiì lɛ mɛ̀ yɛɛ ri roànɛ à ti à sɔ̀gì mɛ̀yitì rì ɓìɓan ɓi ɓi ri ɓum ɓi mɛ̀rem ɓiɗùm, fɔɔnnɛ ǹɗì ɓiì lèɓi mum bimiɗ lɔŋ yɛ̀ɛ mɛ̀kìkìì mii mɛ ri.