41 Ǹ-yin ɓiì kaakaa rikem a ɓum.
Ɓisuulɛ ɓɛ ɓiisɛ̀ngà kì kɔ̀ni rikem ɗi ɓum à cee ɗi Bɛ̀ll.
Ɓi san wɛ̀m, àa mum yɛɛ ri wusìnɛ̀ɗ ànɛ ɓi rìɓa ɗyɛ̀m, kìɓan kifog, ǹkpaa lɔŋ fɔlɔɔ lɛ, di ɓi ɓa rì cɛɓ.
Nsoò fɔlɔɔ, ɓì kɔ̀ni ɓi lɛ di ɓyàa yùu yì a lɔ̀ŋkɛm̀ lɛ ɓi ghɛǹ cɛɓ.
Wɔ̀lɛ ǹ-yii mìni, ǹkɔ̀nɛ̀n à Bɛ̀ll à yin mini ɓi mɛ̀rem.
Lannɛ ɓì rì lɛ ɓì gherɛ̀n, di ɓi faafàlɛ̀n rìkem mìni rì mìni, kɛ̀ ɓi kaa rikem ɗi ɗi riì yɛ̀ɛ Bɛ̀ll cɛ̀ncii?
Yɛ̀ɛ Yeesus à yighà lɛ ɓɛ ti ɓiì kìi lɛ, ɓɛɛ ɓan nyi, ɓɛɛ ɓɔgsi nyi rìfòm ɓi-tèɗ, nni à ghàghìghà à ɓɔgtì ɓi dòn cɛ̀ncii.
Ŋwaànɛ a kpaakpaa ɓiɓan ɓii ɓi nyimiɗ yɛɛ̀ kaakaa rikem ɗii, wɔ̀lɛ roànɛ a kaakaa rikem ɗi roànɛ à romgày nyi, nnyɛɛ̀ kpaakpaa saaɗ, kɛ̀ɛ ki ɓa ri kìɓan kidɛŋ ki ki ri kìtɛ̀ŋtɛ̀ŋ.
Mɛ̀ n-yin ɓiì kaakaa rikem ɗyɛ̀m, ŋwaàdɛŋ yɛɛ̀ kaakaa ɗyɔ, nnyɛɛ̀ ki yɔ̀myɔm ɓum.
Nni Yeesus à ɓàkà lɛ: I màa ɓɔɔ̀ɓɔ̀gsɛ̀n di rìkem ɗyɛ̀m ɗi ri ɗi zɛy rì zɛy. Nni Seŋi wɛ̀m ànɛ ɓi kalag lɛ à rì Bɛ̀ll wìn yɛɛ̀ ɓɔɔɓɔgsì mɛ̀.
Tì kaaghà ɓi lɛ ɓum ɓɛɛ kemzi ɓisi, nsoò a lɔ̀ŋkin, nsoò a ɓum ɓɛm̀bog, kɔlɛ tì ɓaghà lɛ tì làmì mìni ɓi-tèɗ ɓi ɗii ɗi lɛ ɓɛ̀kɛ̀nì-fìtom ɓɛ Kiris.
Lɛ rìɓa ɗìn ɗyɛɛ̀ɗi Bɛ̀ll à reŋìghà mìni miì ɓisuulɛ Kiris girig à wokà rìkɛŋ ɓisu win, à ki càɗ mini kìrèmzɛnà ki lɛ ɓi nɔɔ̀ti ɓìɓɔ̀ɓ ɓii.
Ɓisuulɛ à tekà lɛ rì ǹnyaasɛ̀n rì rìkem yɛ̀ɛ Bɛ̀ll à Seŋi wìs ɓi cààmɛ̀n ki jɛ̀ɛ̀ ìnɛ ì ɓaghày ɓi jàŋ inɛ rìkem ɗi Bɛ̀ll ɗi ɗi cee ɗi ri, lɛ: Roànɛ à rì man wɛm̀ à nɗem ànɛ à ti à rɔɔghì mɛ̀.
