ZYAŊ 5:4 - Bafia Nouveau Testament

⁴ Lɛ ŋwaà-fìtom àa nti à sɛngìì ɓyààmɛ̀n ɓidɛŋ ɓi kìɗig kiǹ, à nyɛ̀ŋzì mɛ̀nig; fɔɔnnɛ ki mɓalàg lɛ, i mɛ̀nig mɛ mɛ nyɛ̀ŋɗɛ̀n, ŋwaànɛ à loogh miì kì kpìi, àa soo roròɓ rìkuu ɗi firoɓ aɗi, à wɔ̀n.]

ZYAŊ 5:4 ပူးပေါင်းရင်းမြစ်များ

MATYOO 11:12

À tumɛ̀n ɓi mɛ̀ru mɛ Zyaŋ Bàɓtis à kpaŋ ɓigomìnɛ ɓum ɓɛɛ̀ rùurunɛ̀n kìlɔ̀ŋ ki aɗyoo nni ɓɛ̀tèteɗ ɓɛɛ ni ràgɛn ɗi kɔ.

MATYOO 6:33

Looghna kì kaà kìlɔ̀ŋ kii rì saaɗ wìì, fɔɔnnɛ ɓyom ɓìn ɓìcèm ɓi ri mìni ɓiì sagtɛɛ.

LUKAS 13:24

Tèèsiina nyoo lɛ ɓi ɗiŋi ɓisuunaa wu sɔgsɔ̀ɔ̀g ɓisuulɛ, ɓum lɛɛ̀gwey ɓɛ kaa gɛ bee inɛ ɓɛɛ ɗiŋì, ɓɛ̀ kɛɛ̀ ghɛn, mɛ̀ yɛ̀ɛ kpaa mìni!

LUKAS 16:16

Rìrèsì ɗi ɓidɔ̀gsɛna ɓi Moyis rì ɗi ɓɛkpaŋzì-ɓìɓan ɗi kighà kìsay à kpaŋ yɛ̀ɛ Zyaŋ Bàɓtis à yùghà. Nni à tumɛ̀n ɓi cààmɛ̀n kiǹ, à kpaŋ ɓigomìnɛ, Syeesyee à Ɓɔlɛ à kìlɔ̀ŋ ki Bɛ̀ll a kaakalɛ̀n a ɓum ɓɛ̀cèm, fɔɔnnɛ mum bimiɗ a kaakaa lɛ a ɗiŋi ɓi kìlɔ̀ŋ kiǹ ɓi-tèɗ.

ZYAŊ 5:3

Ɓìtuu ɓi ɓɛroroɓ ɓi nɔɔ̀nɔ̀ŋdɛ̀ngà a ɓɛ̀tuùtuu ɓɛ̀n zi, lɛ rì ɓɛ̀ɗyaŋɗyàŋ, [rì ɓɛ̀lɛnlɛm, rì ɓìwɔ̀g, ɓɛ ɓoŋɓòŋ lɛ mɛ̀nig mɛɛ nyɛŋ̀ɗɛn.

ZYAŊ 5:5

Nni roròɓ àdɛŋ à ɓaghà wɔɔ di à mɛ finɛn ɓi fìroɓ, bèg rìtin ɗì ǹtɛ̀ɗ rì taàraa.

ZYAŊ 5:7

Roròɓ ànɛ̀n à ɓàg nyi lɛ: Kan, ǹ-yin ɗi mum ànɛ lɛ, à pìg mɛ̀ ɓi kìɗig, di mɛ̀nig mɛ mɛ nyɛŋ̀ɗɛ̀n; lɛ ki ti lɛ cààmɛ̀n ki mɛ̀ɛ nka yeeghyeèghkɛ̀n lɛ nkpi ɓi kìɗig, ŋwaàdɛŋ à log rì mɛ̀.

1 KƆ̀RƐ̀ŊTYƐŊ 6:11

Gàɓ ì ɓum ìdɛŋ ìnɛ ɓi mìni, ì ɓaghà mɛ̀kuu mɛ ɓum mɛ̀n; wɔ̀lɛ ɓɛ sooghà mìni, ɓɛ tɛɛ̀zì mìni, ɓɛ ki kì lɛ ɓi ɓa lɛ saaɗ ɓi mis mɛ Bɛ̀ll, ɓi ɗii ɗi Kan Yeesus Kiris, rì ìtèɗ wu Ǹghay à Bɛ̀ll wìs.

1 ZYAŊ 1:7

Kìɓan kifog i ti kɛ̀ɛ̀kɛɛ ɓi kìtɛɛtɛn fɛlɛ yɛ̀ɛ nyimiɗ a rì ɓi kìtɛɛtɛn, di tì rì ɓɛ̀ràrɛn ɓisi mɛ̀to mɛ̀cèm, fɔɔnnɛ bwaɓ yi Man wiì Yeesus yi soò ɓìɓe ɓis ɓìcèm.