ZYAŊ 5:23 - Bafia Nouveau Testament

²³ lɛ di ɓum ɓɛ̀cèm ɓɛɛ nyaàsi Man lɔŋ yɛ̀ɛ ɓɛɛ̀ nyaanyaàsì Seŋi. I mum à nyaasii ɓi Man, di à nyaasii ɓi Seŋi ànɛ à romgày nyi.

ZYAŊ 5:23 ပူးပေါင်းရင်းမြစ်များ

MATYOO 10:37

I ŋwaà keesii ɓi mɛ à cee lèg ànɛ à keesii lɛ rì seŋi, rì jɛɛ, à yin lɛ à ɓa mum wɛm̀. Roànɛ à ɓiì keessii dɛlì yìì nsoò lɛ gɔ̀n yìì à cee lèg ànɛ à keesii mɛ̀, à yin lɛ à ɓa mum wɛm̀.

MATYOO 11:27

Seŋi wɛ̀m à faghà mɛ̀ ɓìɓan ɓicèm; ŋwaàdɛŋ à yii ɓi Man i ki yin lɛ Seŋi, ŋwaàdɛŋ kɛɛ ki yi Seŋi i ki yin lɛ Man, ǹsòò lɛ ŋwaànɛ ki kɔni Man lɛ a resi nyi Seŋì.

MATYOO 12:21

Fɔɔnnɛ ɓìlɔ̀ŋ ɓìcèm ɓi saghii gɛ ǹtyweeyi waa ɓi ɗii ɗìì.

MATYOO 15:8

Kìlɔ̀ŋ ki kɛɛ̀ ɓɔɔɓɔgsì mɛ̀ ɓi ɓɛ̀ɓeeɓee ɓɛ ŋwɔ̀m, kìɓan kìfog mɛ̀rem maa mɛ ɓa mɛ̀ fìràɓ lɛɛ̀gwey.

MATYOO 28:19

Kɛ̀ɛna! ɓi ki lɛ ɓumɓɛ ɓi ɓìlɔ̀ŋ ɓìcèm ɓɛɛ ɓa ɓɛ̀yilàg ɓɛm, ɓì ɓàɓtì ɓɔ ɓi ɗii ɗi Seŋi, rì Man, rì Kìtɛntɛ̀ɛ̀n ki Nghay;

LUKAS 10:16

I mum à woogh mìni, di mɛ̀ nnɛ à woogh; ŋwaànɛ à ɓeni mìni di à ɓèni mɛ̀; wɔ̀lɛ i mum à ɓèni mɛ̀ di, à ɓèni girig roànɛ à romgày mɛ̀.

ZYAŊ 14:1

Mɛ̀rem min mɛ̀ kɛɛ̀ ɓùùsɛn, gherɛɛna Bɛ̀ll, ɓì gherɛ̀n girig mɛ̀.

ZYAŊ 16:14

À rì mɛ̀ ɓiì kemzii ɓisuulɛ à ri teɗ ɓiɓan ɓyɛm̀, à kpaa mìni ɓyɔ̀.

ZYAŊ 17:10

Com kɛm̀ kìcèm ki ri kiŋkɔɔ, fɔɔnnɛ kiŋkɔɔ kicèm ki ri girig kiŋkɛ̀m. Ɓi ɓɔ nnɛ rìkem ɗyɛ̀m ɗyɛɛ̀ rèeresɛ̀n.

RÒMƐŊ 1:7

nni mìni ɓɛ̀sɛ̀ɛ̀ ɓɛ̀cèm ɓɛ Bɛ̀ll à keesii yɛ̀ɛ mɛ̀nɔ̀ɓɔ̀, ɓɛ bì rì a Rom, mìniì ɓɛ à reŋìghà lɛ ɓi ɓa ɓum ɓii, Bɛ̀ll à Seŋì wìs ɓɛɛ̀ Kan Yeesus, ɓɛɛ fa mìni lɛ rì geesɛ̀n rì fyòoog.

RÒMƐŊ 15:12

Ezayii à kpaa girig lɛ: Fyàn fi Isayii fi ri ɓiì yùu, fi pɛsɛ̀n aɗyoo lɛ fyɛɛ lami ɓìlɔ̀ŋ ɓi zɛy, ɓìlɔ̀ŋ ɓiǹ ɓi ki foŋ dyàɓɛn yaà ɓi nyi.

RÒMƐŊ 6:22

Nni ɓigomìnɛ ɓì ti ɓɛ̀ kòrɛn ɓi kìɓe, ɓì mɛ ki ghay ɓɛkpàn ɓɛ Bɛ̀ll, rìfɔ̀n ɗi ɓì rì rì ɗyɔ ɓi rìɓa ɗìn, ɗi ri cɛɓ ki ki ri kìtɛnɛn, rìsyɔn ɗi miì ɗi ɓa cɛɓ ki fiɗyàɓ fikɔ̀ɔ̀.

RÒMƐŊ 8:9

Ɓi san ànɛ a lɔ̀ŋkin, mɛ̀mùù mɛ lamii tì ɓi minì, lɔŋ Ǹghay à Bɛ̀ll yɛɛ lamii mìni, i ki ki rì lɛ, Nghay à Bɛ̀ll à rì ɓi mìni. Ŋwaànɛ à yin ɗi Nghay à Kiris, à yin mum wiì.

1 KƆ̀RƐ̀ŊTYƐŊ 1:3

Bɛ̀ll à Seŋi wìs ɓɛɛ̀ Kan Yeesus Kiris ɓɛɛ fa mìni lɛ rì geesɛ̀n rì fyòoog.

1 KƆ̀RƐ̀ŊTYƐŊ 10:31

Ɓyàa soo ɗiɗì, ɓyàa soo nɔnɔ, nsoò cɛ kɛɛ̀ki ɓyàa kìkì, kìina ɓìɓan ɓìcèm ɓisuu rikem ɗi Bɛ̀ll.

1 KƆ̀RƐ̀ŊTYƐŊ 16:22

I mum à keesii ɓi Kan, à ghɛ̀ɛ̀sɛɛ kì terì ǹcɛ̀m! Màrànatà-Kan wìs yuiy!

1 KƆ̀RƐ̀ŊTYƐŊ 6:19

Ɓì yii ɓi lɛ, nyoo yìn i rì naa ì Kìtɛntɛ̀ɛ̀n ki Nghay ki ki ri ɓi mìni, ki Bɛ̀ll à faghà mìni? Fɔɔnnɛ ɓì làmii tì ɓi mìniìɓɔmiɗ.

2 KƆ̀RƐ̀ŊTYƐŊ 1:9

Wɔ̀lɛ ɓìsiìɓɔmiɗ tì ɓaghà di tyàa gherɛn lɛ, ki ti kì renɛn lɛ ɓɛɛ wey ɓìsi; ki kilɛ̀ngà fɔlɔɔ lɛ, di ǹtyweeyi wis wɛ̀ kɛɛ̀ ɓa ɓi ɓìsiìɓɔmiɗ, wɛɛ ɓa lɔŋ yɛ̀ɛ Bɛ̀ll ànɛ a ghèmzag ɓilòŋ.

2 KƆ̀RƐ̀ŊTYƐŊ 5:14

Lɛ ǹkɔ̀nɛ̀n à Kiris à ɓanɓani ɓìsi rì ìtèɗ ɓisuulɛ ɓìsiì fèki lɛ, i mum bog à wughà ɓisuu ɓum ɓɛ̀cèm, di ɓum ɓɛ̀cèm ɓɛ ri min ɓilòŋ.

2 KƆ̀RƐ̀ŊTYƐŊ 5:19

Ɓisuulɛ Bɛ̀ll à ɓaghà ɓi Kiris, à kaakàà lɛ paàzì ànɛ lɛ rì nyi rì ɓum ɓɛ̀cèm a pegsɛn, kɛ̀ɛ fiɓi ɓiɓe ɓyaa; nnyɛɛ faghà ɓìsi ìtèɗ wu làalamɓɛ̀n pègsɛ̀n à kìɓan ki lɛ rì Nyi rì ɓum.

EFÈZYƐŊ 6:24

Fɔɔnnɛ geesɛ̀n ì Bɛ̀ll yɛ̀ɛ ɓa rì ɓum ɓɛ̀cèm ɓɛ ɓɛ keesii Kan wìs Yeesus Kiris rì ǹkɔ̀nɛ̀n ànɛ à yin lɛ à ɗyoŋ.

2 TIMOTE 1:12

Ɓisu wìn miì nnɛ nwowog mɛtɔɓ yɛ̀ɛ mɛ, wɔ̀lɛ ki faa ɓi mɛ ntoòrìɗ ɓisuulɛ ǹ-yii roànɛ ǹgherɛ̀ngà; ǹɗem wɛ̀m wùcèm wu yii saaɗ wu ki gherɛn lɛ à rì rì ìtèɗ wulɛ à ɓèŋ com ki à tɛfɛ̀ngà rì mɛ̀, à kpaŋ ŋwos anɛ̀n.

EBIREEGH 1:6

Wɔ̀lɛ, Bɛ̀ll à ɓaghà à ti ɓiì romìì Man à ǹtonto wiì ɓi ziinɛ, à kpaa lɛ: Ɓum ɓɛ titom ɓɛ Bɛ̀ll ɓɛ̀cèm ɓɛ ghɛɛ̀sɛɛ nyi kì ɓɔgsii.

2 PYƐƐRI 1:1

Mɛ̀ Simɔn Pyɛɛri ànɛ ǹɗì ǹkìì-kìsay, ǹki ɓa ti nkɛ̀nì-fìtom a Yeesus Kiris, ǹkàni ɓumɓɛ Bɛ̀ll à faghà rìkuu ɗi ntyweeyi ɗifog rì ɗinkis, ɓisu saaɗ à Yeesus Kiris à Bɛ̀ll wìs rì ǹghɛɓsì wìs.

2 PYƐƐRI 3:18

wɔ̀lɛ tɔɔtɔɔna ɓi geesɛ̀n, rì ɓi rìyi ɗi Yeesus Kiris ànɛ à rì Ǹghɛɓsì-ɓum, nyi yɛɛ ghɛɛ̀sɛɛ rì rìkem à tumɛ̀n gɛɛ̀nɛ à kpaŋ fìɗyàɓ fikɔ̀ɔ̀, Ààmɛ̀n.

1 ZYAŊ 2:23

Lɛ mum ǹcèm ànɛ à roòzɛɛ Man à roòzɛɛ girig Seŋì; roànɛ à gherɛɛ Man, à rì girig rì Seŋi.

2 ZYAŊ 1:9

Mum ǹcèm ànɛ à ghaghii ɓìdyànì, kɛ̀ɛ ɓèŋdi rirèsì ɗi Kiris, à yin ɗi Bɛ̀ll; nni mum ǹcèm ànɛ à ɓiì kɛ̀ɛ asu à ɓèŋɓèŋ rìrèsì ɗi Kiris, à rì lɛ, nyi rì Seŋi, nyi rì Man.