ZYAŊ 4:48 - Bafia Nouveau Testament

⁴⁸ Nni Yeesus à kpaaghà nyi lɛ: Mìnii ri lɔŋ lɛ, i ɓì ghɛɛ ɓi dàm yi ɓiɓan, rì ɓɛ̀koŋnyoo ɓɛ ɓiɓan, kɛ̀ ɓi gherɛn.

ZYAŊ 4:48 ပူးပေါင်းရင်းမြစ်များ

MATYOO 16:1

Ɓɛ̀fàrìzyɛŋ rì Ɓɛ̀sàdùsyɛŋ ɓɛ yughày yɛ̀ɛ Yeesus lɛ ɓɛɛ feèghrɛn nyi. Fɔɔnnɛ ɓɛ tɔkà nyi lɛ, a ki dàm ìnɛ yɛ̀ɛ resi ɓɔ lɛ ìtèɗ wii wu riì yɛ̀ɛ Bɛ̀ll.

MATYOO 24:24

Ɓisuulɛ ɓɛ̀kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì ɓyoo dàm rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, di ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

MATYOO 27:42

Àa ǹghɛɛghɛ̀ɓsì ɓum ɓɛdɛŋ, wɔ̀lɛ kɛ̀ɛ ɓa ri bee inɛ, a ghɛɓsi nyimiɗ, à rì rìfòm ɗi Isirayɛl, nni a sɛn yì ɓi kɔrɔs di ti gherɛn nyi.

MARIKUS 13:22

ɓisuulɛ ɓɛ̀-kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì lɛ rì dàm yi ɓiɓan rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

LUKAS 10:18

Yeesus à kpaa ɓɔ lɛ: Mɛ̀ ǹghɛngà di Satàn a kɔ̀sɛɛ yì aɗyòò, à kpì fɛlɛ yɛɛ̀ ŋwàaŋwàɗ.

LUKAS 16:31

Abiraham à ɓàgtì nyi lɛ: I ɓɛ̀goni ɓɛ yin lɛ ɓɛ wog rìrèsì ɗi Moyis rì ɗi ɓɛkpaŋzì-ɓìɓan, nsoò mum àa ghèmɓɛɛ yì fɛ a nyɔ̀ɛ̀y, à kɛ̀n ɓɔ kì kpaà kìɓan, ɓaa gherɛn ɓi.

ZYAŊ 12:37

Nsoò yɛ̀ɛ Yeesus à kìghà dàm yi ɓiɓan lɛɛ̀gwey ɓi mis maa, ɓɛ gherɛ̀ngà ɓi nyi,

ZYAŊ 15:24

I kɛ̀ɛ nkì ɓɛgɛn ɓɛ ɓiɓan ɓɛ ŋwaàdɛŋ à ka kighà ɓi ɓi nyìinyìm wàa, di ɓɛ yin ri bɛ̀lɛn. Nni ɓigomìnɛ, ɓɛ nghɛɛ ɓìɓan ɓi mɛ̀ɛ nkìi, ɓɛ ki ɓèèzɛn lɛ rì mɛ̀ rì Seŋi wɛ̀m.

ZYAŊ 2:18

Ɓɛ̀yudɛ̀n ɓɛ tekà jɛ̀ɛ̀ ɓɛ tɔg nyi lɛ: Dàm ì be yɛɛ̀nɛ ù rì lɛ ù kì, lɛ u resi ɓìsi lɛ, ù rì rì ìtèɗ wulɛ u ki yɛ̀ɛ ù kìi yì lɔɔ?

ZYAŊ 20:29

Yeesus à kpaa nyi lɛ: Ù gherɛɛ ɓisuulɛ ù mɛ ghɛn mɛ? Mààgh rì ɓɛ̀roɓɛ ɓɛ gherɛ̀ngà ɓɛ̀ kɛɛ̀ ghɛn.

ZYAŊ 4:49

Fɔɔnnɛ ǹkɔ̀mɛ̀n-ɓɛ̀sujàà à ɓàkà nyi lɛ: Kan yuiy ɓà a mɛɛ mɛm̀ di ŋwɔɓti wɛ̀m à ka maasi ɓi.

MƐ̀KÌKÌÌ MƐ ƁƐKƐ̀NÌ-FÌTOM 14:3

Pol ɓɛɛ̀ Ɓarinaɓas ɓɛ finɛ̀ngà a Ikonyɔm lɛɛ̀gwey, ɓɛ ɓaghà rì coo ǹtyweeyi ri Kan ɓi ɓìɓan ɓi ɓɛ kpaakpààghà, fɔɔnnɛ à fafàghà ɓɔ ìtèɗ wulɛ, ɓɛɛ, kiki lɛ rì dàm, rì ɓɛ̀koŋnyoo ɓɛ ɓiɓan, à kì fɔlɔɔ lɛ a siìrag ɓìɓan ɓi ɓɛ kpaakpààghà ɓi komkòm geesɛ̀n yìì.

MƐ̀KÌKÌÌ MƐ ƁƐKƐ̀NÌ-FÌTOM 15:12

Fɔɔnnɛ ɓumɓɛ ɓɛ ɓaghà a rìghàdà ɗiǹ ɓɛ maaghà lɛ fyòoog, ɓɛ wowòg yɛ̀ɛ Pol ɓɛɛ̀ Ɓarinaɓas ɓɛ kpaakpààghà lɛ, rì dàm yi ɓiɓan, rì ɓɛ̀koŋnyoo ɓɛ ɓiɓan ɓɛ Bɛ̀ll à kìghà rì ɓɔ ɓi nyìinyìm à ɓum ɓɛ zɛy.

MƐ̀KÌKÌÌ MƐ ƁƐKƐ̀NÌ-FÌTOM 2:19

Nɗi kìi gɛ lɛ dàm yi ɓiɓan yɛɛ resɛn ɓi ɗyoo ɓi ɗùm, ɓɛ̀koŋnyoo ɓɛ ɓiɓan ɓɛ kilɛ̀n ɓi ziinɛ; rì bwaɓ, rì ɗuu, rì fìsilì ɓi ɓaa gɛ;

MƐ̀KÌKÌÌ MƐ ƁƐKƐ̀NÌ-FÌTOM 2:22

Mìni ɓumɓɛ a Isirayɛl, wooghna kìɓan ki nkìki lɛ, nkpaà mìni: Yeesus ànɛ a Nazarɛt àa nɗì ŋwaànɛ Bɛ̀ll àa ǹɗèsii mìni lɛ, nnyɛɛ romgày nyi, ɓi dàm yi ɓiɓan, rì ɓɛ̀koŋnyoo ɓɛ ɓiɓan, rì ɓìrèmzɛnà ɓi à faghà nyi ìtèɗ wulɛ a ki ɓi nyìinyìm wìn lɔŋ yɛ̀ɛ mìniìɓɔmiɗ ɓì yii.

MƐ̀KÌKÌÌ MƐ ƁƐKƐ̀NÌ-FÌTOM 2:43

Ìris wu ɓangà mum ǹcèm ànɛ ɓi ɓɔ, lɛ ɓɛ̀kɛ̀nì-fìtom ɓɛ kikìghà dàm yi ɓiɓan rì ɓɛ̀koŋnyoo ɓɛ ɓiɓan, lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 4:30

Nàmas̀ càg kɔɔ lɛ ɓum ɓɛɛ̀ wɔ̀nwɔn tìroɓ, ɓɛ̀koŋnyoo ri dàm yi ɓiɓan ɓi kiìkìlɛ̀n ɓi ɗii ɗi Yeesus ànɛ àrì ǹkìì-kìsay wɔɔ à ntɛnɛn.

MƐ̀KÌKÌÌ MƐ ƁƐKƐ̀NÌ-FÌTOM 5:12

Ɓɛ̀kɛ̀nì-fìtom ɓɛ kikìghà dàm, rì ɓɛ̀koŋnyoo ɓɛ ɓiɓan lɛɛ̀gwey ɓi kìlɔ̀ŋ. Ɓɛ̀gherɛ̀n ɓɛ ǹti ɓɛ rɛlàg ǹɗaŋ ɓi tuùtuu ànɛ ɓisuunaa wu naà-Bɛ̀ll wu Salomɔŋ.

MƐ̀KÌKÌÌ MƐ ƁƐKƐ̀NÌ-FÌTOM 6:8

Ityɛn à ɓaghà ǹɗonɛn lɛ, rì geesɛ̀n, rì ìtèɗ wu Bɛ̀ll, à kìkìghà lɛ, rì ɓɛ̀koŋnyoo ɓɛ ɓiɓan, rì dàm yi ɓiɓan ɓi nyìinyìm à kìlɔ̀ŋ.

MƐ̀KÌKÌÌ MƐ ƁƐKƐ̀NÌ-FÌTOM 7:36

Nnyɛɛ kpaŋzìghày ɓɔn ɓɛ Isirayɛl a Egiɓtɛn di a kìki ɓɛ̀koŋnyoo ɓɛ ɓiɓan rì dàm yi ɓiɓan à tumɛ̀n a Egiɓtɛn à kpaŋ ɓi rìɓày à m̀ɓàŋ rì ɓi reɓ bèg mɛ̀tin mɛɓɛɛ̀.

RÒMƐŊ 15:19

rì ìtèɗ wu dàm rì ɓɛ̀koŋnyoo ɓɛ ɓiɓan, ɓi-tèɗ wu Kitɛntɛ̀ɛ̀n ki Nghay. Fɔɔnnɛ mɛ̀ɛ nghagsii Syeesyee à Ɓɔlɛ à Kiris lɛɛ̀gwey, à tumɛ̀n a Yorisalɛm à kɛ̀n kì kpaŋì a Ilirii.

1 KƆ̀RƐ̀ŊTYƐŊ 1:22

Ɓɛ̀yudɛ̀n ɓɛɛ̀ tɔtɔg dàm yi ɓiɓan, Gìrɛg yɔ̀ɔ̀ tɔtɔ̀g ɗyomzɛ̀n.

2 KƆ̀RƐ̀ŊTYƐŊ 12:12

Ɓìɓan ɓi ɓyɛɛ̀ rèresi lɛ ǹɗì ǹkɛ̀nì-fìtom a Yeesus ɓi ghɛnɛ̀ngà ɓi nyìinyìm wìn ɓi rìyi ɗi rinìɗ ɗi nɗem ɓi mɛ̀kuu mɛ mɛfèèghrɛn mɛcèm, rì ɓi ɓìrèmzɛnà ɓi ɓiɓan, rì dàm yi ɓiɓan, rì ɓɛ̀koŋnyoo ɓɛ ɓiɓan.

2 TÈSÀLÒNÌSYƐŊ 2:9

Rìyùy ɗi Kiɓeɓtàg ki mum ɗi kìlɛɛ gɛ rì ìtèɗ wu Satàn; à kìi gɛ lɛ, rì ɓɛ̀koŋnyoo ɓɛ ɓiɓan, rì dàm yi ɓiɓan yi ɓɛpwàà;

EBIREEGH 2:4

Bɛ̀ll à ki sìisiìràg rìkalì ɗyaa lɛ rì ɓìrèmzɛnà, rì ɓɛ̀koŋnyoo ɓɛ ɓiɓan rì dàm mɛ̀kuu mɛ̀kuu, rì mɛ̀fafàà mɛ Kitɛntɛ̀ɛ̀n ki Nghay mɛ a kàakàɓsì lɔŋ yɛ̀ɛ ki kɔni nyi.