ZYAŊ 4:36 - Bafia Nouveau Testament

³⁶ Ǹsaŋì-mɛ̀saŋ à mɛ teɗ mɛlèɓ mii, à ki taŋzɛn ɓiɗùn ɓisuu cɛɓ ki fiɗyàɓ fikɔ̀ɔ̀, lɛ di m̀ɓɛ̀lì-ɓyom rì ǹsaŋì-mɛ̀saŋ, ɓɛɛ nyaàrɛn ǹɗaŋ.

ZYAŊ 4:36 ပူးပေါင်းရင်းမြစ်များ

MATYOO 19:29

Fɔɔnnɛ mum ǹcèm ànɛ à rinìghày mɛɛ mii, nsoò lɛ ɓɛ̀geni ɓii ɓɛ ɓɛbaŋì rì ɓɛ ɓɛ̀yiɓ, nsoò seŋi, nsoò jɛɛ, nsoò giy, nsoò ɓɔn, nsoò zi yii, à rì ɓiì fɔ̀ni ɓyom ɓidɛŋ ɓi ɓi cee ɓiǹ, gɛ̀n hɔnɗɛ̀ɗ, à ki fɔ̀ɔ̀di cɛɓ ki fiɗyàɓ fikɔ̀ɔ̀.

ZYAŊ 3:36

Nni mum ǹcèm ànɛ à gherɛɛ Man, à rì rì cɛɓ ki fiɗyàɓ fikɔ̀ɔ̀; ŋwaànɛ à woogh ɓi nyi, àa ghɛn ɓi cɛɓ, kìɓan kifog, rìbaŋì ɗi Bɛ̀ll ɗi kaka nyi ɓi nyòò.

ZYAŊ 4:14

Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

RÒMƐŊ 1:13

Ɓɔɔsoŋ̀ ǹkɔ̀ni ɓi lɛ ɓi naǹ lɛ, mmɛ ɓeg ɓyààmɛ̀n ɓidɛŋ lɛ n-yu mìni kì ghɛɛ̀ lɛ di kìsay kɛm̀ kɛɛ wum gàɓ ì ɓìɗùn a lɔ̀ŋkin, yɛ̀ɛ ki faghà ɓi ɓìlɔ̀ŋ ɓimbog. Nni à kpaŋ ɓigomìnɛ, bee ì ka ghɛnɛ̀ngà ɓi.

RÒMƐŊ 2:7

Fɔlɔɔ nnɛ ɓumɓɛ ɓɛ siìrɛ̀ngà ɓi rìkì ɗi kirɔɔ, ɓɛ kaakàà rìkem ɗi yɛ̀ɛ Bɛ̀ll, rì ǹnyàasɛ̀n, rì cɛɓ ki kɛ̀ kɛɛ̀ lèg, Bɛ̀ll fa ɓɔ cɛɓ ki fiɗyàɓ fikɔ̀ɔ̀.

RÒMƐŊ 6:22

Nni ɓigomìnɛ ɓì ti ɓɛ̀ kòrɛn ɓi kìɓe, ɓì mɛ ki ghay ɓɛkpàn ɓɛ Bɛ̀ll, rìfɔ̀n ɗi ɓì rì rì ɗyɔ ɓi rìɓa ɗìn, ɗi ri cɛɓ ki ki ri kìtɛnɛn, rìsyɔn ɗi miì ɗi ɓa cɛɓ ki fiɗyàɓ fikɔ̀ɔ̀.

RÒMƐŊ 6:23

Ɓisuulɛ mɛ̀lèɓ mɛ kiɓe mɛ ri lɛ rìwu, kìɓan kifog, rìɓòò ɗi Bɛ̀ll a kìki ɓum zɛy ɗi ri cɛɓ ki fiɗyàɓ fikɔ̀ɔ̀ ɓi Yeesus Kiris à Kan wìs.

1 KƆ̀RƐ̀ŊTYƐŊ 9:17

I mɛ̀ɛmiɗ yɛɛ ɓekà lɛ nki kɔ di ǹɗì miì rì mɛ̀lèɓ, wɔ̀lɛ ǹɗì ǹtiniyɛn lɛ nki kɔ ɓi kàŋɓɛn lɛ ki ri mɛ̀ ǹtɛ̀g wu ɓɛ tɛgsii mɛ̀.

1 KƆ̀RƐ̀ŊTYƐŊ 9:18

Nni mɛ̀lèɓ mɛm̀ mɛ ri min lɛ cɛ? Mɛ ri kìnyàà ki lɛ nghaàghàgsì Syeesyee à Ɓɔlɛ kɛ̀ɛ̀ mɛ̀lèɓ, kɛ nki tɔg com rì ɓìrɔɔ ɓi Syeesyee à Ɓɔlɛ nyimiɗ a faa mɛ̀ ìtèɗ wulɛ mɓa rì ɓyɔ.

TÈSÀLÒNÌSYƐŊ 2:19

Ghɛn yɛɛrì min ɓiì ɓaà dyàɓɛn yìs, rì kìnyàà kis nsoò lɛ tàm wìs a rìkem ɓi mis mɛ Kan wìs Yeesus, ŋwosi risugtìì ɗii? Àa lɔŋ mìni yɛɛ rì ɓa wa?

TIMOTE 4:16

Ù konàg lɛ rì wɛ̀ɛmiɗ, rì ɓìɓan ɓi u rèresi ɓum, ù ki sììrɛn miì rì ìtèɗ; ɓisuulɛ i u kìki fɔlɔɔ, ù ɓiì ghɛɓsii lɛ rì wɛ̀ɛmiɗ, rì ɓumɓɛ ɓɛɛ̀ wowog rikpaa ɗyɔɔ.