ZYAŊ 4:23 - Bafia Nouveau Testament

²³ Wɔ̀lɛ cààmɛ̀n ki tiì, kiŋcèm ki mɛ ki kpaŋ, ki ɓɛ̀kɔɔ̀kɔɔ̀ ɓɛ ɓɛ̀ɓɔgsì Bɛ̀ll ɓɛ ri ɓiì ɓɔgsii Tààta rì nghay, rì saaɗ. Ɓumɓɛ ɓɛɛ̀ ɓɔɔ̀ɓɔ̀gsì nyi fɔlɔɔ ɓɛɛ̀ɓɛ Tààta a kaakàà.

ZYAŊ 4:23 ပူးပေါင်းရင်းမြစ်များ

ZYAŊ 1:17

Ɓisuulɛ, ɓìdɔ̀gsɛna ɓi falɛ̀ngà rì Moyis, geesɛ̀n rì saaɗ ɓi yuiy rì Yeesus Kiris.

ZYAŊ 12:23

Yeesus à ɓàg ɓɔ lɛ: Cààmɛ̀n ki lɛ Man à mum a teɗ rìkem ki kpaŋi.

ZYAŊ 16:2

Ɓɛ ri nàɓ mini ɓi naa yi bɔ̀ŋzɛ̀n; cààmɛ̀n ki riì kɔm̀, kɔ yɛɛ ri ɓa lɛ, i mum à woli kìbog ki ɓi mìni, à fèkì lɛ à kìi Bɛ̀ll kìsay.

ZYAŊ 16:32

Ɓì ghɛɛ! Cààmɛ̀n ki riì, kiŋcèm ki mɛ kpaŋ, kɛɛ̀ki ɓì ɓiì tyàŋzɛɛ, mum ǹcèm à nɔ̀ɔ̀tì bee yiì, ɓi càɗ mɛ̀ cɛ̀ncɛm; nsoò fɔlɔɔ, ǹ-yin cɛ̀ncɛm, lɛ Tààta à rì ɓɛɛ̀ mɛ̀.

ZYAŊ 4:21

Fɔɔnnɛ Yeesus à kpaaghà nyi lɛ: Giɓ anɛ! Gherɛn rìkpaa ɗyɛ̀m, lɛ cààmɛ̀n ki riì, ki ɓyàa ɓɔgsi ti ɓi Tààta ɓi dòn ìnɛ, nsoò lɛ a Yorisalɛm.

ZYAŊ 5:25

Nkpaa mìni kɔɔ̀kɔɔ̀ à rìkpaa lɛ cààmɛ̀n ki riì, kiŋcèm kɛɛ ti lɛ, kɛɛ̀ki ɓìloŋ ɓi ɓiì woògh jɛ̀ɛ̀ ì Man à Bɛ̀ll. Fɔɔnnɛ ɓɛ̀roɓɛ ɓɛ ri ɓiì woògh jɛ̀ɛ̀ yìì, ɓɛ ɓiì ghɛɓì.

ZYAŊ 5:28

Nni kɛ̀ ɓi kuurag kiɓan kiǹ; cààmɛ̀n ki tiì, ki ɓum ɓɛ̀cèm ɓɛ ɓɛ ri ɓi zɔ̀ŋ ɓɛ ɓiì woògh jɛ̀ɛ̀ yìì, ɓɛ kpagìì.

RÒMƐŊ 1:9

Bɛ̀ll ànɛ nkìki kisay ɓi nghay wɛ̀m ɓi rìghaàghàgsì ɗi Syeesyee à Ɓɔlɛ à Man wiì, à rì mɛ̀ wusìnɛ̀ɗ lɛ ǹti mɓùgì mìni ɓyààmɛ̀n ɓìcèm,

RÒMƐŊ 8:15

Lɛ Ǹghay ànɛ ɓì tekà à yin Nghay ànɛ a ghaasi mìni ɓɛ̀kpàn ɓi lèg ànɛ lɛ ɓi kɛnkɛn asu ɓì rirìsì tì, kìɓan kifog ɓì tekà Ǹghay ànɛ à mɛ kì lɛ ɓi ɓa ɓɔn ɓɛ Bɛ̀ll. Ǹghay ànɛ̀n yɛɛ ti à falàg ɓìsi ìtèɗ wulɛ ti reŋì Bɛ̀ll jɛ̀ɛ̀ aɗyoo lɛ: Aba, Tààta.

RÒMƐŊ 8:26

Fɔlɔɔ nnɛ Ǹghay à Bɛ̀ll à ti à yùlàg girig ɓìsi kì ghɛɓsii ɓi rìɓa ɗi tì rì rì ìɓwɛɗ tì yii ɓi com ki tì ghɛ̀ɛ̀sɛɛ kì tɔɔ̀gh ɓi bɔ̀ŋzɛ̀ɛn yis; kìɓan kifog Ǹghay nyimiɗ a ɓɔ̀ɔɓɔŋ̀zì Bɛ̀ll ɓisu wis, rì bemeg yi mum à yin lɛ à yi rìkpaa.

GÀLAT 4:6

Com ki ki resii lɛ ɓì ti ɓɔn ɓɛ Bɛ̀ll ki ri lɛ: Bɛ̀ll à romgày Ǹghay à Man wiì ɓi mɛ̀rem mis, Ǹghay ànɛ̀n yɛɛ̀ làalamɓɛ̀n jɛ̀ɛ̀ aɗyoo lɛ: Aba, yɛɛlɔɔ lɛ Tààta.

EFÈZYƐŊ 6:18

Ɓɔ̀ŋziina Bɛ̀ll cààmɛ̀n kìcèm, ri Nghay, ɓì tɔtɔ̀g nyi ǹghɛɓsɛn ɓi bɔ̀ŋzɛ̀n yin yicèm; ɓaana cem ɓi rìkì ɗiǹ, ɓì ki sììrɛn miì lɛ syeesyee, ɓì ɓɔ̀ŋzàg ɓisuu ɓɛgherɛ̀n ɓɛ̀cèm;

FÌLÌPYƐŊ 3:3

Lɛ ɓìsi yɛɛ ri ɓumɓɛ ɓɛ mɛ kɛ̀rɛn syeesyee à kɛ̀rɛ̀n lɛ ɓìsi yɛɛ̀ ɓɔɔɓɔgsì Bɛ̀ll rì Ǹghay à Bɛ̀ll, tì saàsànɛ̀n ɓi Yeesus Kiris ɓi ɗùm, tyɛ̀ ki ki foŋ ntyweeyi wis ɓi kìɓan ki mɛmùù.

1 PYƐƐRI 2:9

Wɔ̀lɛ ɓi ɓɛg wìn, mìnii ri boo ì mum ìnɛ ì rì m̀ɓɔ̀nɛn, ǹɗaŋ wu ɓɛpìrɛɛtìrɛ̀ ɓɛ rifòm, kìlɔ̀ŋ ki ki ri ki Bɛ̀ll, ki ɓumɓɛ Bɛ̀ll à tekà ɓisu wiì lɛ ɓɛɛ laàlàmɓɛ̀n ɓɛ̀gɛn ɓɛ mɛkìkìì ɓɛ roànɛ à reŋìghày mìni lɛ ɓi pɛsɛn yì ɓi birìm, ɓi yu ɓi kìtɛɛtɛn kii ki ki ri kìɓan ki kuughrakɛn;