ZYAŊ 4:15 - Bafia Nouveau Testament

¹⁵ Nni giɓ anɛ̀n à kpaaghà nyi lɛ: Kan, faa mɛ̀ mɛ̀nig mɛǹ, di kìnɔli kɛ̀ kɛɛ̀ kìti mɛ, kɛ̀ɛ nki yùti kiroògh mɛ̀nig fɛ.

ZYAŊ 4:15 ပူးပေါင်းရင်းမြစ်များ

ZYAŊ 4:16

Yeesus à pɛ̀ɛ̀zì nyi lɛ: Kɛ̀nay kìreŋii yii wɔɔ̀, di u sugtiì fɛ.

ZYAŊ 6:26

Yeesus à ɓàg ɓɔ lɛ: Ǹkpaa mìni kɔɔ̀kɔɔ̀ à rìkpaa lɛ, àa ɓisuulɛ ɓìi nghɛɛ dàm nnɛ ɓi kaakaa mɛ; ɓi kaakaa mɛ lɛ, yɛ̀ɛ ɓìi nɗii bìrɛs ɓì wuràg.

ZYAŊ 6:34

Nni ɓɛ kpaaghà min nyi lɛ Kan, falag ɓìsi bìrɛs ìnɛ̀n ɓyààmɛ̀n ɓìcèm.

ZYAŊ 6:35

Yeesus à kalìghà ɓɔ lɛ: Mɛ̀ ǹɗì bìrɛs ì cɛɓ, ŋwaànɛ à yùu a lɔ̀ŋkɛm̀ zày, yàa kɔɔdii gɛ ɓi nyi. Ŋwaànɛ à ki gherɛɛ mɛ̀, kìnɔli kaa kitii gɛ ɓi nyi.

RÒMƐŊ 6:23

Ɓisuulɛ mɛ̀lèɓ mɛ kiɓe mɛ ri lɛ rìwu, kìɓan kifog, rìɓòò ɗi Bɛ̀ll a kìki ɓum zɛy ɗi ri cɛɓ ki fiɗyàɓ fikɔ̀ɔ̀ ɓi Yeesus Kiris à Kan wìs.

RÒMƐŊ 8:5

Lɛ ɓumɓɛ ɓɛɛ̀ ghɛghɛɓ ɓi rìkɔ̀n ɗi mɛmùù, ɓɛ ti ɓɛ falàg mɛ̀rem maa ɓi ɓìɓan ɓi mɛ̀mùù mɛɛ̀ kɔ̀nkɔ̀n, wɔ̀lɛ ɓɛ̀roɓɛ ɓɛɛ̀ ghɛghɛɓ yɛ̀ɛ Kìtɛntɛ̀ɛ̀n ki Nghay kɛɛ̀ kɔ̀nkɔ̀n, ɓɛ ti ɓɛ falàg mɛ̀rem maa ɓi ɓìɓan ɓi ɓyɛɛ̀ kɔ̀ngi Nghay.

1 KƆ̀RƐ̀ŊTYƐŊ 2:14

Ŋwaànɛ à yin ɗi Ǹghay à Bɛ̀ll, à yin lɛ à teɗ ɓìɓan ɓi Ǹghay à Bɛ̀ll a rìì rì ɓyɔ ɓisuulɛ ɓìɓan ɓiǹ ɓi ri ɓìyèg ɓi ɓiɓan ɓi rìghɛn ɗii, fɔɔnnɛ à yin lɛ à yi ɓyɔ̀, lɛ ɓi ri ɓìɓan ɓi ɓɛɛ̀ fiɓɓag ri Ǹghay.

ZYAG 4:3

Ɓì ti ɓì lɔǹgì, ɓɛ̀ kɛɛ̀ fa mini ɓisuulɛ ɓì ti kɛ̀ ɓi yi rilɔ̀n; ɓyom ɓi ɓì ti ɓì lɔngì, ɓì ti ɓì lɔngì ɓyɔ lɛ ɓi yogsag ɓi rìkìkì ɗi ɓiɓan ɓi ɓeɓtɛn ɓi ɓi ti ɓi rɔɔghì mìni.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.