ZYAŊ 4:14 - Bafia Nouveau Testament

¹⁴ Kìɓan kifog, ŋwaànɛ à rì ɓiì nɔɔ̀ mɛ̀nig mɛ ǹɗì nyi ɓiì faà, àa wogtii gɛ ɓi kinɔli. Lɛ mɛ̀nig mɛ ǹɗì nyi ɓiì faà mɛǹ, mɛ ri ɓiì ghalì ǹsim à cɛɓ ki fiɗyàɓ fikɔ̀ɔ̀ ɓi nɗem wii.

ZYAŊ 4:14 ပူးပေါင်းရင်းမြစ်များ

MATYOO 25:46

Fɔɔnnɛ ɓumɓɛ̀n ɓɛ teri gɛ deɓ yi fiɗyàɓ fikɔ̀ɔ̀, wɔ̀lɛ ɓum ɓɛ saaɗ ɓɔɔ teɗ cɛɓ ki fiɗyàɓ fikɔ̀ɔ̀.

MATYOO 5:6

Mààgh rì ɓumɓɛ ɓɛ ri rì coo zày lɛ, di saaɗ áa ɓaa, lɛ ɓɛ ɓiì wurii.

ZYAŊ 10:10

Wiiwìì à ti à yùlàg lɔŋ lɛ, a yiì, à wey, à ki cuusi. Ɓi mɛ̀, mɛ̀ ǹ-yùghà lɛ, jɔ̀ɔ̀ yɛɛ ɓa rì cɛɓ, yi ki ɓa ri kɔ lɛɛ̀gwey.

ZYAŊ 11:26

Fɔɔnnɛ mum ǹcèm ànɛ a ghɛghɛ̀ɓ à ki gherɛn mɛ, àa wu ɓi; ù gherɛɛ nya kìɓan kiǹ?

ZYAŊ 4:10

Fɔɔnnɛ Yeesus à ɓàkà giɓ anɛ̀n lɛ: I wàa yii rìfa ɗi Bɛ̀ll, ù ki yi roànɛ à lɔni wɔ̀ mɛ̀nig mɛ nɔyɛn, di wɔ̀ yaa rì lɛ, ù lɔn nyi mɛ̀nig mɛ noyɛn, di àa ki faa wɔ̀ mɛ̀nig mɛ cɛɓ.

ZYAŊ 4:11

Nni giɓ anɛ̀n à kpaaghà nyi lɛ: Kan, wɛ̀ɛnɛ̀n kɛ̀ɛ̀ com ki lɛ ù rog mɛ̀nig miì, kìɗig ki ki rì kìrimɛn, nni mɛ̀nig mɛ cɛɓ mɛ ri wɔ̀ ɓiì ɓaà yì fe?

ZYAŊ 4:13

Yeesus à ɓàg nyi lɛ: Mum ǹcèm ànɛ à nɔɔ mɛ̀nig mɛ, à rì ti lɔŋ ɓiì woògh kìnɔli.

ZYAŊ 4:36

Ǹsaŋì-mɛ̀saŋ à mɛ teɗ mɛlèɓ mii, à ki taŋzɛn ɓiɗùn ɓisuu cɛɓ ki fiɗyàɓ fikɔ̀ɔ̀, lɛ di m̀ɓɛ̀lì-ɓyom rì ǹsaŋì-mɛ̀saŋ, ɓɛɛ nyaàrɛn ǹɗaŋ.

ZYAŊ 6:27

Kɛ̀ ɓi say ɓisuu ɓiɗilàg ɓi ɓi ri lɛ ɓi ɗyoŋ, salina ɓisuu ɓiɗilàg ɓi ɓi ri lɛ ɓi kɔrì à kpaŋ ɓi cɛɓ ki fiɗyàɓ fikɔ̀ɔ̀, ɓyɛɛ̀ ɓi Man à mum à rì mìni ɓiì faà, lɛ nyi nnɛ Bɛ̀ll Seŋi à fogà kìrèmzɛnà ki rilàmì ɗii ɓi nyi.

ZYAŊ 6:35

Yeesus à kalìghà ɓɔ lɛ: Mɛ̀ ǹɗì bìrɛs ì cɛɓ, ŋwaànɛ à yùu a lɔ̀ŋkɛm̀ zày, yàa kɔɔdii gɛ ɓi nyi. Ŋwaànɛ à ki gherɛɛ mɛ̀, kìnɔli kaa kitii gɛ ɓi nyi.

ZYAŊ 6:58

Bìrɛs ìnɛ ì sɛngày aɗyoo yɛ̀ɛ ri lɛ; ì yin yɛ̀ɛ ìnɛ ɓɛ̀seŋi ɓin ɓɛ ɗighà ɓɛ cuu; nni ŋwaànɛ à ɗii bìrɛs ìnɛ, à rì ɓiì ghɛɓì fìɗyàɓ fikɔ̀ɔ̀.

ZYAŊ 7:37

Ɓi ŋwos a siitòn, ànɛ à ɓaghà gɛn à ŋwos a tìcàɓ tiǹ, Yeesus à pɛ̀sɛ̀ngà aɗyoo, à làmɓɛ̀n lɛ: I mum a wowog kinɔli, a yu a lɔ̀ŋkɛm̀, a nɔ.

RÒMƐŊ 5:21

Ɓi lèg ànɛ lɛ, yɛ̀ɛ kìɓe ki ciìcììzìghà ɓum ɗì rìwu, geesɛ̀n ì Bɛ̀ll yɛ̀ɛ làlami rì saaɗ, ɓisuu cɛɓ ki fiɗyàɓ fikɔ̀ɔ̀ lɛ Yeesus Kiris à Kan wìs.

RÒMƐŊ 6:23

Ɓisuulɛ mɛ̀lèɓ mɛ kiɓe mɛ ri lɛ rìwu, kìɓan kifog, rìɓòò ɗi Bɛ̀ll a kìki ɓum zɛy ɗi ri cɛɓ ki fiɗyàɓ fikɔ̀ɔ̀ ɓi Yeesus Kiris à Kan wìs.

2 KƆ̀RƐ̀ŊTYƐŊ 1:22

À rèmzìghà girig ɓìsi rì sìtam̀ wìì, à foŋ ɓìsi ɓìɗùn ɓi Nghay ɓi mɛ̀rem, ɓi ɓi resii lɛ, tì ɓiì terì ɓìrɔɔ ɓi à nyamgà ɓisu wis.

EFÈZYƐŊ 4:30

Kɛ̀ ɓi kì lɛ Kìtɛntɛ̀ɛ̀n ki Nghay ki Bɛ̀ll à rèmzàkà mìni rì kɔ ɓisuu ŋwos anɛ gòri yìì ì ri ɓa, kɛ̀ɛ wog bim.

1 PYƐƐRI 1:22

Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.

ÀPÒKÀLIƁSƐ̀ 7:16

Ɓaa wogtii gɛ ɓi zày, ɓɛ̀ kɛɛ̀ wogti kinɔli nsoò ŋwos kɛ̀ɛ ɓogti ɓɔ, ɓɛ̀ kɛɛ̀ ki wogti nsoò cɔ̀ɔ̀zɛ̀n.

ÀPÒKÀLIƁSƐ̀ 7:17

Ɓisuulɛ Man à jɔ̀ɔ̀ ànɛ à kɔ̀kɔrii ɓi nyìinyìm à ìkɔ̀ɔ̀ wu rilàmì à rì ɓɔ ɓiì mɛnii à kɛ̀n ɗì ɓɔ ɓi jàŋ yi ɓɛ̀ǹsim ɓɛ mɛnig ɓɛ cɛɓ ɓɛ ri. Bɛ̀ll à ki tɔ̀sag misì mɛ ɓɔ ɓi mis mɛ̀cèm.