ZYAŊ 3:36 - Bafia Nouveau Testament

³⁶ Nni mum ǹcèm ànɛ à gherɛɛ Man, à rì rì cɛɓ ki fiɗyàɓ fikɔ̀ɔ̀; ŋwaànɛ à woogh ɓi nyi, àa ghɛn ɓi cɛɓ, kìɓan kifog, rìbaŋì ɗi Bɛ̀ll ɗi kaka nyi ɓi nyòò.

ZYAŊ 3:36 ပူးပေါင်းရင်းမြစ်များ

MATYOO 25:46

Fɔɔnnɛ ɓumɓɛ̀n ɓɛ teri gɛ deɓ yi fiɗyàɓ fikɔ̀ɔ̀, wɔ̀lɛ ɓum ɓɛ saaɗ ɓɔɔ teɗ cɛɓ ki fiɗyàɓ fikɔ̀ɔ̀.

MARIKUS 16:16

Ŋwaànɛ à rì ɓiì gherɛɛ, à ki ɓaɓtɛn nnyɛɛ ri ɓiì ghɛɛ̀ cɛɓ; wɔ̀lɛ ŋwaànɛ à gherɛɛ ɓi à ɓiì terì bɛ̀lɛn.

LUKAS 2:30

Ɓisuulɛ mɛ̀ɛmiɗ ǹɗuusii mis ɓi nghɛɓsì-ɓum ànɛ ù romiì

LUKAS 3:6

Fɔlɔɔ nnɛ mum bimiɗ à ɓiì ghɛɛ gòri ì Bɛ̀ll.

ZYAŊ 1:12

wɔ̀lɛ ì faghà ɓum ɓɛ̀cèm ɓɛ ɓɛ ghaɓkà kɔ, ɓɛ gherɛ̀n ɗii ɗi yɔ̀, ìtèɗ wulɛ ɓɛɛ ɓa ɓɔn ɓɛ Bɛ̀ll.

ZYAŊ 10:28

Ǹti ǹfalàg yɔ cɛɓ ki fiɗyàɓ fikɔ̀ɔ̀, yàa wu ɓi nsoò ŋwos bog, mum à ki yin lɛ à ɓàtɛ̀n yɔ ɓi càg kɛm̀.

ZYAŊ 3:3

Nni Yeesus à ɓàkà nyi lɛ: Ǹkpaa wɔ̀ kɔɔ̀kɔɔ̀ à rìkpaa lɛ, i mum à yalɛɛ tì ɓi nyɔɔnyɔn à rìyalɛ̀n, à yin lɛ à ghɛn kìlɔ̀ŋ ki Bɛ̀ll.

ZYAŊ 4:36

Ǹsaŋì-mɛ̀saŋ à mɛ teɗ mɛlèɓ mii, à ki taŋzɛn ɓiɗùn ɓisuu cɛɓ ki fiɗyàɓ fikɔ̀ɔ̀, lɛ di m̀ɓɛ̀lì-ɓyom rì ǹsaŋì-mɛ̀saŋ, ɓɛɛ nyaàrɛn ǹɗaŋ.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

ZYAŊ 6:58

Bìrɛs ìnɛ ì sɛngày aɗyoo yɛ̀ɛ ri lɛ; ì yin yɛ̀ɛ ìnɛ ɓɛ̀seŋi ɓin ɓɛ ɗighà ɓɛ cuu; nni ŋwaànɛ à ɗii bìrɛs ìnɛ, à rì ɓiì ghɛɓì fìɗyàɓ fikɔ̀ɔ̀.

ZYAŊ 8:51

Ǹkalii mìni kɔɔ̀kɔɔ̀ à rìkalì lɛ: I ŋwaà ɓèŋi ɓìɓan ɓyɛm̀, ŋwaànɛ̀n à wii gɛ ɓi.

MƐ̀KÌKÌÌ MƐ ƁƐKƐ̀NÌ-FÌTOM 14:2

Kìɓan kifog, ɓɛ ɓɛ ɓengà dɔgtɛ̀n ì Pol, ɓɛ toosìghà ɓum ɓɛ zɛy lɛ ɓɛɛ ɓa rì ɓìɓeɓtàg ɓi mɛyitì ɓi ɓɛg ànɛ a ɓɛ̀geni ɓis ɓɛ righerɛ̀n.

RÒMƐŊ 4:15

Ɓisuulɛ ɓìdɔ̀gsɛna ɓi ti ɓi syogàg yì bim i Bɛ̀ll, rì tì lɛ mum à yin lɛ à kpì kìdɔ̀gsɛna jàŋ inɛ ɓìdɔ̀gsɛna ɓi yin.

RÒMƐŊ 5:9

I bwaɓ yii yi mɛ ka kì lɛ ti ɓa lɛ saaɗ ɓi mis mɛ Bɛ̀ll ɓigomìnɛ, di rì ɗi lɛ a ghɛɓsi ɓìsi lɛ bim i Bɛ̀ll yɛ̀ kɛɛ̀ kpaŋ a lɔ̀ŋkis.

RÒMƐŊ 8:1

Nni ɓigomìnɛ, ɓumɓɛ ɓɛ ri ɓi Yeesus Kiris ɓi ɗùm, ɓɛ yiìɗi ri bɛ̀lɛn nsoò lɛsàg, ɓɛ yiìdi ɓiì ghɛghɛɓi yɛ̀ɛ mɛ̀mùù mɛɛ̀ titini ɓɔ lɛ ɓɛɛ ghɛɓ, ɓɛɛ̀ nɔ̀ɔnɔɔ̀tì lɔŋ cɛɓ ki Nghay à Bɛ̀ll a rèresi ɓɔ.

GÀLAT 3:10

Lɛ ɓum ɓɛ̀cèm ɓɛ ɓɛ saghii ǹto rì rìɓèŋ ɗi ɓidɔ̀gsɛna, ɓɛ ti ɓi ncɛ̀m ɓi ɗùm ɓisuulɛ ki ri kì kànɛn lɛ: Ŋwaànɛ à ɓèŋi ɓi ɓiɓan ɓìcèm ɓi ɓi ri ɓì kànɛn ɓi kaàtà à ɓìdɔ̀gsɛna, kɛ̀ɛ kì yɛ̀ɛ ɓyɛɛ̀ kpaakpàà, à ghɛ̀ɛ̀sɛɛ kì terì ǹcɛ̀m.

EFÈZYƐŊ 5:6

Mum kɛ̀ɛ yègsi mini rì ɓìtòkì ɓi kɛ̀ɛ̀-su lɛ ɓisuu ɓiɓan ɓiǹ innɛ bim i Bɛ̀ll ì rì ɓiì sɛni ɓi ɓɔn ɓɛ ɓɛ ri rì ǹtoòtèɗ.

TÈSÀLÒNÌSYƐŊ 1:10

ɓì ɓoŋɓòŋ lɛ Man wiì Yeesus, ànɛ à ghèmzìghày a ɓìloŋ, a sɛǹ yì aɗyoo, di a kweɗ ɓìsi ɓi rìbaŋì ɗi Bɛ̀ll ɗi ɗi riì.

TÈSÀLÒNÌSYƐŊ 5:9

Ɓisuulɛ Bɛ̀ll à fèkà ɓi lɛ ti ɓa ɓumɓɛ bim yiì ì ɓiì rèsɛɛ a lɔ̀ŋkaa, wɔ̀lɛ à fèkà lɛ tì ɓiì ghɛɛ̀ gòri ì cɛɓ lɛ Kan wìs Yeesus Kiris,

EBIREEGH 10:29

Ɓì rì lɛ ɓì fèg lɛ rìkuu ɗi ntɔɓ aɗi ɗyɛɛ ghɛɛ̀sɛɛ rì ŋwaànɛ à kìi lɛ à sɛɛtì Man à Bɛ̀ll, à ghɛn bwaɓ yi riràrɛ̀n ɗi lɛ rì Bɛ̀ll rì ɓum, yi yi kii lɛ a ɓa ǹtɛnɛn, yɛ̀ɛ zɛy rì zɛy à com, à ki fen Nghay à geesɛ̀n.

EBIREEGH 2:3

Nni lannɛ tì rì ɓiì kìi lɛ tyɛ̀ ki teɗ deɓ di tì sɛɛtii coo gòri yɛ̀ɛ ìnɛ? Kan nyimiɗ a lokà kìkpaà kìɓan ki gòri ìnɛ̀n, fɔɔnnɛ ɓumɓɛ ɓɛ wokà di a kpaakpàà ɓɛ siìràkà ɓìsi kì rèsii saaɗ ànɛ miì.

EBIREEGH 3:18

Ɓɛ̀ghɛn ɓɛɛ̀ɓɛ à kànɛ̀ngà bɛ̀ɗ lɛ ɓaa ɗiŋi ɓi ɓi jàŋ inɛ à pègsɛ̀ngà lɛ ɓɛ ri fɔɔsɛn wɔɔ? Lɔŋ ɓumɓɛ ɓɛ kighà nyi ǹtoòtèɗ ɓɛɛ̀ɓɛ à kpaaghà.

EBIREEGH 3:19

Ɓìsii ghɛɛ gì lɛ, ɓɛ ɓaghà ɓi lɛ ɓɛ ɗiŋì ɓi jàŋ i rìfɔɔsɛ̀n ìnɛ̀n ɓisuulɛ ɓɛ ɓaghà ɓi ri rìgherɛ̀n.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.