ZYAŊ 3:21 - Bafia Nouveau Testament

²¹ Wɔ̀lɛ roànɛ à ti à kìlàg ɓìɓan ɓi saaɗ, nnyɛɛ ti à yùlàg jàŋ inɛ kìtɛɛtɛn ki ri, lɛ ɓɛɛ ghɛǹ lɛ tɛntɛ̀ɛ̀n lɛ, a kìki ɓiɓan yɛ̀ɛ kɛɛ̀ kɔ̀ngi Bɛ̀ll.

ZYAŊ 3:21 ပူးပေါင်းရင်းမြစ်များ

ZYAŊ 1:47

Yɛ̀ɛ Yeesus à ghɛngà di Natanayɛl a yùyuiy nyi a nyoo nni à kpaaghà lɛ: Natanayɛl à rì kɔɔ̀kɔɔ̀ à muu Isirayɛl ànɛ à yin ɗi mɛ̀ɗyɔg.

ZYAŊ 3:20

Lɛ mum ǹcèm ànɛ a kìki kiɓe, à ti à ɓèèzàg kìtɛɛtɛn, kɛ̀ɛ ki yù jàŋ inɛ kìtɛɛtɛn ki ri, lɛ ìris wulɛ ɓìɓan ɓii ɓyɛ̀ kɛɛ̀ ki kpagi dan.

ZYAŊ 5:39

Ɓi fifiɓi mɛkànì mɛ kaàtà à Bɛ̀ll, lɛ ɓi fèfeg lɛ ɓi mɛ̀kànì mɛǹ nnɛ ɓì rì ɓiì ɓaà rì cɛɓ ki fiɗyàɓ fikɔ̀ɔ̀. Mɛ̀kànì mɛǹ mɔ yɛɛ̀ ki rèresi kiɓan kɛm̀.

ZYAŊ 7:17

Ŋwaànɛ à kɔ̀ni lɛ a ki rìkɔ̀n ɗi Bɛ̀ll yɛɛ ri ɓiì yiì ǹkòo ɓìɓan ɓi Bɛ̀ll ɓyɛɛ̀ɓi nɗèrèsì, nkòo ɓiŋkɛ̀m ɓi mɛ̀ɛmiɗ.

1 KƆ̀RƐ̀ŊTYƐŊ 15:10

Lɛ geesɛ̀n ì Bɛ̀ll, nnɛ ǹɗì com ki ǹɗì, nni geesɛ̀n yìì ɓi ɓɛg wɛ̀m ì wughà ɓi zɛy, ǹsalà gì kɔm̀ ǹcee ɓɔ ɓɛ̀sɛ̀ɛ̀ ɓɛ̀cèm, wɔ̀lɛ, àa mɛ̀ɛmiɗ yɛɛ salà, lɔŋ geesɛ̀n ì Bɛ̀ll ìnɛ ì rì rì mɛ̀, yɛ̀ɛ kighà kìsay.

2 KƆ̀RƐ̀ŊTYƐŊ 1:12

Lɛ kìɓan ki ɓìsii ri lɛ tì teɗ rìkem miì ki ri lɛ: ǹɗem wis wɛɛ̀ rèresi ɓisi lɛ tɛntɛ̀ɛ̀n lɛ: rìkɛ̀ɛ̀kɛ̀ɛ̀ ɗis ɗi ɓi ziinɛ, à ɓiisɛ̀n ɓi ɓɛg ànɛ a lɔ̀ŋkin, ɗi ri ɗì tɛnɛn, ɗi ɓa tì lɛ saaɗ, kɛ̀ɛ̀ mɛ̀ghèy. Rìɓa ɗìn ɗi fuu yì yɛ̀ɛ Bɛ̀ll, lɛ geesɛ̀n ì Bɛ̀ll yɛɛ̀ kɛ̀ɛkɛɛ̀sì ɓìsi, àa ɗyomzɛ̀n ɗi ɓum.

GÀLAT 6:8

Ŋwaànɛ à ɓiì tìŋzii kisay kii ɓi ɓìɓan ɓi ɓyɛɛ kɔ̀ngi mɛmùù, ɓìɓan ɓiǹ ɓi ki lɛ a ɓumi rìwu; wɔ̀lɛ ŋwaànɛ à ɓiì tìŋzii kisay kii ɓi ɓìɓan ɓi ɓyɛɛ̀ kɔ̀ngi Nghay, Nghay à kì lɛ a ɓumi cɛɓ ki fiɗyàɓ fikɔ̀ɔ̀.

EFÈZYƐŊ 5:9

Kìtɛɛtɛn kìn kɛɛ ti ki falàg ɓum ìtèɗ wulɛ ɓɛɛ rɔɔtɛn nɗem ɓɛ ɓa ɓumɓɛ nkpaà, ɓɛ ki ɓa ɓumɓɛ ɓɛɛ̀ kpaakpaa saaɗ.

FÌLÌPYƐŊ 1:11

ɓì ki ɓa ɓɛronɛn rì mɛ̀kìkìì mɛ saaɗ mɛ mɛ ti mɛ ghɛnàg a lɔ̀ŋkis lɛ Yeesus Kiris ɓisuu rikem, ɗì rìɓɔgsì ɗi Bɛ̀ll.

FÌLÌPYƐŊ 2:13

Ɓisuulɛ Bɛ̀ll nnyɛɛ kìki kisay ɓi mìni, à fafà mìni lɛ rì ǹɗem, rì ìtèɗ wu kìyen ɓiɓan ɓi ɓi ghɛɛ̀sɛɛ rì syeesyee wìì a ɗyomzɛ̀n.

KÒLÒSYƐŊ 1:29

Kìsay kiǹ kɛɛ̀ki nkìkì, ǹɗùùɗùù rì nghɛɓsɛn wu ìtèɗ wii wu wɛɛ̀ kìki kisay ɓi mɛ̀ rì ìtèɗ.

EBIREEGH 13:21

a fa mìni ìtèɗ wulɛ ɓi kiki ɓìɓan ɓi syeesyee lɛ ɓi roòzi rikɔ̀n ɗii; a ki lɛ, ɓìɓan ɓi ɓyɛɛ̀ rɔɔghi nyi ɓyɛɛ ghɛnɛn ɓi ɓìsi lɛ Yeesus Kiris ànɛ à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀ ri fìɗyàɓ fikɔ̀ɔ̀ Ààmɛ̀n.

1 PYƐƐRI 1:22

Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.

1 ZYAŊ 1:6

I tì kpaa lɛ, tì rì ɓɛ̀ràrɛn ɗi nyi, tì ki kɛ̀ɛ̀kɛɛ ɓi birìm di tì pwàa, tyɛ̀ ki ki kì yɛ̀ɛ saaɗ a kpaakpàà.

3 ZYAŊ 1:11

Mum wɛm̀ à ǹɗem, kɔ̀ɔ ɓa ri ǹfèfèègh ɓi ɓìɓan ɓi ɓeɓtɛn ù ɓalàg rì ǹfèfèègh ɓi kìrɔɔ, lɛ ŋwaànɛ a kìki kirɔɔ à rì mum à Bɛ̀ll; ŋwaànɛ a kìki kiɓe à ghɛngà ɓi Bɛ̀ll.

ÀPÒKÀLIƁSƐ̀ 3:15

Ǹ-yii mɛ̀kìkìì mɔɔ, ù rì lɛ, kɔ̀ɔ kèŋmɛn, kɔ̀ɔ ki tɔ̀n. I wàa ka rì ɓà lɛ ù kèŋmɛ̀n, nsoò lɛ ù tɔ̀n.