ZYAŊ 3:16 - Bafia Nouveau Testament

¹⁶ Lɛ Bɛ̀ll à keesìghà ziinɛ à pyàŋdàg fɔlɔɔ nnɛ à faghà m̀bobog wìì a Man lɛ ŋwaànɛ à gherɛɛ nyi kɛ̀ɛ wu, a ɓa lɔŋ ri cɛɓ ki fiɗyàɓ fikɔ̀ɔ̀.

ZYAŊ 3:16 ပူးပေါင်းရင်းမြစ်များ

MATYOO 9:13

Kɛ̀ɛna kì yilaagh azi anɛ ɓi jɛ̀ɛ̀ ìnɛ: Ǹkeesii ǹɗem wu nyìighnyìg à cee ɓìfùna ɓi ɓìtuwe. Lɛ, ǹ-yùghà ɓi ki reŋii ɓumɓɛ ɓɛ ri lɛ saaɗ, ǹ-yùghà lɔŋ ki reŋii ɓɛ̀kìì-kìɓe.

MARIKUS 12:6

Lɔŋ m̀bobog à mum ànɛ ŋwaàdɛm à ɓaghà di à mɛ rɔ̀ɓ ri nyi à ɓaghà lɔŋ lɛ man wiì ànɛ à keesìghà lɛɛ̀gwey; nyi nnɛ à siitɛ̀ngà kì romì a ɓɛ̀kìì-ɓìsay ɓɛ ɓi dɛm yiì, à fèkì lɛ, ɓɛ ri ɓiì kuuraagh man wiì.

LUKAS 2:14

Rìkem ɗyɛɛ ki Bɛ̀ll ɓi ɗyoo ɓi ɗùm, fyòoog à ɓa rì ɓumɓɛ ɓi ziinɛ ɓɛ Bɛ̀ll à keesii.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 1:18

Mum à ka ghɛngà ɓi Bɛ̀ll, lɔŋ m̀bobog à Man à Bɛ̀ll ànɛ à rì jàŋbog rì Seŋi yɛɛ kighà lɛ ɓɛɛ yi nyi.

ZYAŊ 1:29

Ɓi duri tana, Zyaŋ à ghɛngà di Yeesus à tiì a lɔ̀ŋkii, à kpaa lɛ man à jɔ̀ɔ̀ à Bɛ̀ll ànɛ a pipisi kiɓe ki ɓum ɓi ziinɛ yɛɛ ri lɛ.

ZYAŊ 10:28

Ǹti ǹfalàg yɔ cɛɓ ki fiɗyàɓ fikɔ̀ɔ̀, yàa wu ɓi nsoò ŋwos bog, mum à ki yin lɛ à ɓàtɛ̀n yɔ ɓi càg kɛm̀.

ZYAŊ 3:15

lɛ di mum ǹcèm ànɛ à gherɛɛ nyi, à ɓa rì cɛɓ ki fiɗyàɓ fikɔ̀ɔ̀.

ZYAŊ 3:18

Ŋwaànɛ à gherɛɛ nyi à yiìdi ri bɛ̀lɛn wɔ̀lɛ roànɛ à gherɛɛ ɓi nyi yɛɛ ti rì bɛ̀lɛn ɓisuulɛ, à gherɛ̀ngà ɓi mbobog à Man à Bɛ̀ll.

ZYAŊ 3:36

Nni mum ǹcèm ànɛ à gherɛɛ Man, à rì rì cɛɓ ki fiɗyàɓ fikɔ̀ɔ̀; ŋwaànɛ à woogh ɓi nyi, àa ghɛn ɓi cɛɓ, kìɓan kifog, rìbaŋì ɗi Bɛ̀ll ɗi kaka nyi ɓi nyòò.

ZYAŊ 6:40

Lɛ rìkɔ̀n ɗi Seŋi wɛ̀m ɗyɛɛ̀ɗi: Lɛ mum ǹcèm ànɛ à ghɛɛ Man, à ki gherɛn nyi, a ɓa rì cɛɓ ki fiɗyàɓ fikɔ̀ɔ̀, mɛ̀ ǹki ghèmzii gɛ nyi ɓi siitòn a ŋwos.

RÒMƐŊ 5:10

Tì ɓaghà ɓɛ̀bènàbena ɓɛ Bɛ̀ll, wɔ̀lɛ à pègsɛ̀ngà paàzì ànɛ lɛ rì ɓìsi rì nyi ɓi rìwu ɗi Man wiì. Nni ɓigomìnɛ yɛ̀ɛ tì ti min lɛ syeesyee rì nyi, cɛɓ ki Man wiì ki ɓiì ghɛɓsii ɓisì.

RÒMƐŊ 5:8

Wɔ̀lɛ kìɓan ki Bɛ̀ll a rèsag ǹkɔ̀nɛ̀n wìì ɓi ɓɛg wìs ki ri lɛ: Kiris à wughà ɓisu wis, cààmɛ̀n ki tì ɓaghà di tì kaka ɓɛ̀kìì-kìɓe.

RÒMƐŊ 8:32

Nyi ànɛ à kèŋìghà ɓi Man wiì à nyimiɗ, à faghà Man ànɛ̀n ɓisu wis ɓɛsɛ̀ɛ̀ ɓɛ̀cèm, nni lannɛ à rì ɓiì rɔ̀ɓi kɛ̀ɛ fa ɓisi ɓìɓan ɓìcèm bas rì Man wiì lɛ geesɛ̀n yìì.

EFÈZYƐŊ 2:4

Wɔ̀lɛ Bɛ̀ll à rì rì nyìighnyìg yɛ̀ɛ mɛ̀nɔ̀ɓɔ̀ fɔɔnnɛ ɓi coo nkɔ̀nɛ̀n ànɛ à keesìghà ɓìsi rì nyi,

2 TÈSÀLÒNÌSYƐŊ 2:16

Kan wìs Yeesus Kiris nyimiɗ, rì Bɛ̀ll à Seŋi wìs anɛ à keesìghà ɓìsi, à fa ɓìsi fɔɔy ànɛ ɓi nɗem ànɛ à rì fìɗyàɓ fikɔ̀ɔ̀, rì dyàɓɛn i syeesyee,

Kaàtà ànɛ Pol à kàngà TIT 3:4

Kìɓan kifog yɛ̀ɛ kìrɔɔ-nɗem à Bɛ̀ll ànɛ à rì ǹghɛɓsì wìs, rì ǹkɔ̀nɛ̀n ànɛ à rì rì nyi ɓisuu ɓum, ɓi resɛ̀ngà,

EBIREEGH 2:9

Kìɓan kifog, roànɛ ɓɛ sɛɛ̀dìghà rìɓa ɗii ɓi maa cààmɛ̀n lɛ ɗyɛ̀ kɛɛ̀ kpaŋdi yɛ̀ɛ ɗi ɓum ɓɛ titom yɛɛ ri Yeesus, nyi nnɛ ti seesee yɛ̀ɛ ɓɛ mɛ waasi rìkem, rì ǹnyaasɛ̀n ɓisuu riwù ɗi à wughà; lɛ à wughà ɓisuu ɓum ɓɛ̀cèm lɛ geesɛ̀n ì Bɛ̀ll.

1 ZYAŊ 3:1

Ghɛɛna rìkuu ɗi nkɔ̀nɛ̀n ɗi Tààta à rèsìghà ɓìsi ɓi lèg ànɛ lɛ ɓɛɛ̀ rereŋi ɓìsi lɛ ɓɔn ɓɛ Bɛ̀ll! Tì ki rì ɓɔn ɓii a tààkaà. Kìɓan ki ziinɛ ì yii ɓi ɓisi miì ki ri lɛ: Ì yighà ɓi Bɛ̀ll.

1 ZYAŊ 4:19

Ɓi ɓɛg wìs, tì keesii Bɛ̀ll lɛ, nyimiɗ yɛɛ lokà ɓìsi kì keesii.

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,