ZYAŊ 20:19 - Bafia Nouveau Testament

¹⁹ Cɛŋkò ki ŋwosi sɔnɗì nyimiɗ anɛ̀n, mɛ̀suunaa mɛ ɓi naa ìnɛ ɓɛ̀yilàg ɓɛ ɓaghà wɔɔ ɓɛtaŋzɛn, mɛ ɓaghà mɛ̀rogakɛn lɛ, ɓɛ rirìsìghà Ɓɛ̀yudɛ̀n. Nni Yeesus à yùghà, à rɛlì ɓi nyìinyìm wàà, à kpaa ɓɔ lɛ: Fyòoog a ɓa rì mìni.

ZYAŊ 20:19 ပူးပေါင်းရင်းမြစ်များ

MATYOO 10:13

I ɓumɓɛ ɓi naa ìnɛ̀n ɓɛ ghaɓi mìni, fyòoog ànɛ ɓi rìì ɗì nyi à ɓa ɓi ɓɔ, wɔ̀lɛ ì ɓɛ ghaɓi ɓi mini, fyòoog wìn a sugtìì mìni ɓi nyòò.

MATYOO 18:20

Ɓisuulɛ, jàŋ inɛ ɓum ɓɛɓɛɛ̀ nsoò lɛ ɓɛraa ɓɛ taŋzɛɛ ɓi ɗii ɗyɛ̀m, ǹɗì ɓiì ɓaà ɓi nyìinyìm wàà.

MARIKUS 16:14

Fɔɔnnɛ à siitɛ̀ngà tì kì resɛɛ ɓɛyilàg ɓii ǹtɛ̀ɗ rì bog di ɓɛɛ̀ ɗiɗi ɓiɗilàg, à fwààdɛ̀n ɓɔ ɓisuulɛ ɓɛ ɓaghà rì nywey ɓɛ ki ɓa mɛrem mɛ̀tèɗkakɛn, lɛ ɓɛ gherɛ̀ngà ɓi com ki ɓumɓɛ ɓɛ ghɛngà nyi di à mɛ ghèmɓɛ̀n ɓɛ kpaaghà ɓɔ.

ZYAŊ 14:27

Ǹcàri mìni fyòoog, ǹfaa mìni fyòoog wɛ̀m. Mɛ̀ ǹfaa ɓi mini nyi yɛ̀ɛ ziinɛ ì ti ì falàg. Mɛ̀rem min mɛ̀ kɛɛ̀ cɛɛcɛɛ̀rɛ̀n, nsoò lɛ mɛ yeèghyèèghkɛ̀n.

ZYAŊ 16:22

Fɔlɔɔ nnɛ mìni girig bì rì rì ǹɗemi-kɛŋɛn ɓigomìnɛ, kìɓan kifog ǹɗi ghɛɛ̀di mini. Nni yɛ̀ɛ ǹɗi ghɛɛ̀di mini, mɛ̀rem min mɛ ri wog kinyàà, mum àa ki ɓàtɛn ti ɓi mini kìnyàà kiǹ.

ZYAŊ 16:33

Mɛ̀ɛ ǹkpaa mìni ɓìɓan ɓiǹ lɛ, ɓi ɓa rì fyòoog a lɔ̀ŋkɛm̀. Ɓì ɓiì ɓaà rì ǹ-yeesɛ̀n ɓi ziinɛ nni sììriina mɛ̀rem, mɛ̀ m̀mɛ yag ziinɛ ɓi-tèɗ.

ZYAŊ 20:21

Yeesus à ɓììtì ɓɔ kìkpaà lɛ: Fyòoog a ɓa rì mìni. Fɛlɛ yɛ̀ɛ Tààta à romgày mɛ̀, mɛ̀ ǹɗomi girig mìni.

ZYAŊ 20:26

Ajɛ̀m ì mɛ̀ru taàraa, ɓɛ̀yilàg ɓɛ Yeesus ɓɛ ɓatìghà ɓɛ̀taŋzɛn ɓi naa, Tomas à ɓaghà wɔɔ ri ɓɔ. Mɛ̀suunaa mɛ ɓaghà mɛ̀rogakɛn, nni Yeesus à yùghày, à rɛlì ɓɔ ɓi nyìinyìm, à kpaa ɓɔ lɛ: Fyòoog a ɓa rì mìni.

ZYAŊ 21:1

Ajɛ̀m ìnɛn, Yeesus à rèsɛ̀ngà tì ɓɛ̀yilàg ɓii ɓi bèn ì rìɓày ànɛ a Tiɓeriyaadɛ.

ZYAŊ 21:14

Gɛ̀n i kìraa ìnɛ lɛ Yeesus a resɛn ɓɛ̀yilàg ɓii, à tumɛ̀n yɛ̀ɛ à ghèmɓɛ̀ngà a ɓìloŋ yɛ̀ɛ ɓaghà lɔɔ.

ZYAŊ 7:13

Nsoò fɔlɔɔ, mum à ghɛɛsìghà ɓi lɛ a ɓuŋ nyi fɛlɛ lɛ tɛntɛ̀ɛ̀n ɓi mɛ̀reè mɛ ɓum lɛ ɓɛ rirìsìghà Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 1:3

Ajɛ̀m ì rìwu ɗii, à rèsɛ̀ngà ɓɔ, à ki rèsi ɓɔ ɓìrèmzɛnà lɛɛ̀gwey ɓi lɛ ɓɛɛ yi lɛ à rì cem; à rèsɛ̀ngà a lɔ̀ŋkaa, mɛ̀ru mɛ̀tin mɛɓɛɛ̀, à kakàlì ɓɔ ɓìɓan ɓi ɓi seesee kìlɔ̀ŋ ki Bɛ̀ll.

RÒMƐŊ 15:33

Bɛ̀ll à fyòoog a ɓa rì mìni ɓɛ̀sɛ̀ɛ̀ ɓɛ̀cèm. Ààmɛ̀n.

1 KƆ̀RƐ̀ŊTYƐŊ 15:5

À rèsɛ̀ngà Sefas, ajɛ̀m ìnɛn à rèsɛ̀ntì ɓɛ̀yilàg ɓɛ kiǹtɛ̀ɗ rì ɓɛɓɛɛ̀.

EFÈZYƐŊ 2:14

Ɓisuulɛ Kiris ànɛ̀n yɛɛ mɛ fa ɓisi fyòoog, nnyɛɛ ɓaskà ɓyom ɓi ɓi ɓaghà ɓì ghasɛn kibyɔg kìfog yɛ̀ɛ à wààghàkà bàŋbàŋ ìnɛ ì fogà gasɛ̀n rì bènà ɓi nyìinyìm wìs.

EFÈZYƐŊ 6:23

Ɓɔɔsoŋ̀, Bɛ̀ll à Seŋi wìs, ɓɛɛ̀ Kan Yeesus Kiris ɓɛɛ fa ɓɛ̀geni ɓis ɓɛ̀cèm fyòoog, rì ǹkɔ̀nɛ̀n, bas ɗì rìgherɛ̀n.

FÌLÌPYƐŊ 1:2

Bɛ̀ll à Seŋi wìs rì Kan Yeesus Kiris ɓɛɛ fa mìni lɛ rì geesɛ̀n, rì fyòoog.

2 TÈSÀLÒNÌSYƐŊ 3:16

Kan ànɛ a falag fyòoog, nnyɛɛ fa mìni fyòoog nyimiɗ ɓyààmɛ̀n ɓìcèm, bee yicèm; Kan a ɓa rì mìni ɓɛ̀sɛ̀ɛ̀ ɓɛ̀cèm.

EBIREEGH 7:2

Rì nyi nnɛ Abiraham à faghà gàɓ ì kìntɛ̀ɗ ìnɛ ɓi ɓyom ɓii ɓìcèm. Ɗii ɗi lɛ Mɛlkisedɛg àncèm ɗi ka rèsii lɛ à rì rìfòm ɗi saaɗ, à ki ɓa ti lɛ rìfòm ɗi Salɛm yɛɛlɔɔ lɛ rìfòm ɗi fyòoog.

3 ZYAŊ 1:14

Ǹɗì rì dyàɓɛn lɛ, mɓiì ghɛɛ̀ wɔ̀ ɓi mɛ̀ru mɛ mɛ riì mɛ fɔɔnnɛ tì ɓiì tòkii, tì seèsèèrɛ̀n a mɛ̀su.

ÀPÒKÀLIƁSƐ̀ 1:4

Zyaŋ yɛɛ kani Ɓìseŋi ɓi Kiris ɓi kitaàɓɛ̀ɛ̀ ɓi ɓi ri a Azii. Ɓaana lɛ, rì geesɛ̀n, rì fyòoog lɛ rìfa ɗi roànɛ à rì, ànɛ à ɓaghà, ànɛ a ki yùyuiy, rì mɛ̀ghay mɛ kitaàɓɛ̀ɛ̀ mɛ mɛ rɛrɛlii ìkɔ̀ɔ̀ wii wu rilàmì asu,