ZYAŊ 20:1 - Bafia Nouveau Testament

¹ Ŋwosi sɔnɗì sariwa, Marii Madelɛn à pongà a zɔ̀ŋ rì tìrììriì, à ghɛn lɛ, gɔ̀g ìnɛ ì ɓaghà ɓi ŋwɔm wu zɔ̀ŋ ì ti m̀pisiyɛn.

ZYAŊ 20:1 ပူးပေါင်းရင်းမြစ်များ

MATYOO 27:56

Marii Madelɛn rì Marii à jɛɛ Zyag ɓɛɛ Yoosɛɓ, ri jɛɛ ɓɔn ɓɛ Zeɓede ɓɛ ɓaghà ɓi bàlì ì ɓɛ̀yiɓ ɓɛǹ.

MATYOO 27:60

à kɛ̀n min kɔ kìnɔ̀ŋzii ɓi zɔ̀ŋ ì nyɔn ìnɛ ɓɛ soɓkà nyi ɓi rìɓan; fɔɔnnɛ à ɓiŋzìghà coo gɔ̀g ɓi ŋwɔm wu zɔ̀ŋ, à sìm yɔ̀ miì, à pɛ̀sɛ̀n à ghaàgh.

MATYOO 27:64

Kali min, ɓɛɛ ɓeŋ̀ɓeŋ zɔ̀ŋ à kpaŋ mɛ̀ru mɛraa kɛ̀ɛ̀ fɔlɔɔ ɓɛ̀yilàg ɓii ɓɛ ri ɓiì yùu ki fyaasii kiloŋ kii lɛ ɓɛɛ tumɛn rìkpaakpàà ɓi kìlɔ̀ŋ lɛ: Àa ghèmɓɛɛ. Rìkuu ɗi pwàà ɗiǹ ɗi ɓiì ɓeɓtɛɛ ɗi cee ɗi ǹtonto.

MATYOO 27:66

Fɔɔnnɛ ɓɛ kɛngà min, ɓɛ konàg kì rɔ̀mi gɔ̀g ìnɛ ɓi ŋwɔm wu zɔ̀ŋ, ɓɛ ki rɛsi ɓɛsujàà wɔɔ lɛ, ɓɛɛ ɓeŋ̀ɓeŋ yɔ̀.

MATYOO 28:1

Ɓi jɛ̀m ì Saɓàt, ŋwosi sɔnɗi lɛ ɓuɓ, Marii Madelɛn rì Marii àmbog ɓɛ kɛngà kì ghɛɛ̀ zɔ̀ŋ.

MATYOO 28:2

Nni ɓɛ sigmɛ̀ngà di zi i mɛ nyɛ̀ŋɗɛn ri ìtèɗ, lɛ ŋwaà-fìtom a Kan à sɛngày, à yù kì ɓiŋzii gɔ̀g, à kɔ̀rì miì aɗyòò.

MARIKUS 15:46

Yoosɛɓ à làkày aloyà, à kɔ̀sìì kìloŋ ki Yeesus ɓi kɔrɔs, à lɔg kɔ rì aloyà ànɛ̀n, à nɔ̀ŋzì kɔ ɓi zɔ̀ŋ ìdɛŋ ìnɛ ì ɓaghà ǹsoɓɛn ɓi gɔ̀g. Fɔɔnnɛ à ɓiŋzìghà min gɔ̀g ìdɛŋ ɓi ŋwɔm wu zɔ̀ŋ.

MARIKUS 16:9

Yɛ̀ɛ Yeesus à ghèmɓɛ̀ngà ŋwosì sɔnɗì sariwa, à lokà kì rèsɛɛ Marii Madelɛn. Marii ànɛ̀n nnɛ Yeesus à pisìghà ɓìɓeɓtàg ɓi mɛghay taàɓɛ̀ɛ̀ ɓi nyoo.

ZYAŊ 11:38

Fɔɔnnɛ ǹɗem wu Yeesus wu nyɛŋɗɛ̀ngà tì ɓi ɗùm, à kɛ̀n a zɔ̀ŋ. Zɔ̀ŋ ìncèm ì ɓaghà ǹtuɓɛn ɓi gɔ̀g ɓɛ simì gɔ̀g ìdɛŋ a ŋwɔm.

ZYAŊ 11:41

Nni ɓɛ pisìghà gɔ̀g ìnɛn, Yeesus à ɓegsì mis aɗyoo, à kpaa lɛ: Tààta ǹtògsaagh wɔ̀ ɓisuulɛ, wàa ɓàagh bɔ̀ŋzɛ̀n yɛ̀m.

ZYAŊ 19:25

Ɓɛ̀yiɓ ɓɛ lɛ: rì jɛɛ Yeesus, rì geni jɛɛ Yeesus, rì Marii à gili Kileyopas, rì Marii Madelɛn, ɓɛ rɛrɛ̀lìghà jàŋbog rì kɔrɔs à Yeesus.

ZYAŊ 20:26

Ajɛ̀m ì mɛ̀ru taàraa, ɓɛ̀yilàg ɓɛ Yeesus ɓɛ ɓatìghà ɓɛ̀taŋzɛn ɓi naa, Tomas à ɓaghà wɔɔ ri ɓɔ. Mɛ̀suunaa mɛ ɓaghà mɛ̀rogakɛn, nni Yeesus à yùghày, à rɛlì ɓɔ ɓi nyìinyìm, à kpaa ɓɔ lɛ: Fyòoog a ɓa rì mìni.

MƐ̀KÌKÌÌ MƐ ƁƐKƐ̀NÌ-FÌTOM 20:7

Ɓi ŋwos a ǹtonto ànɛ ɓi rìtumɛ̀n ɗi sɔnɗì nnɛ tì ɓaghà ɓɛ̀taŋzɛn lɛ ti teɗ ɓìɗilàg ɓi Bɛ̀ll. Pol nyii ghɛɛ̀sɛ̀ngà kì ghaghii ɓi duri tana, nni à tòkàkà rì ɓɛ̀gherɛ̀n, à ki ràɓsi ɓitòkì à kpaŋ nyìinyìm à-ru.

1 KƆ̀RƐ̀ŊTYƐŊ 16:2

Mum ǹcèm ànɛ ɓi mìni, à ghɛ̀ɛ̀sɛɛ kì pyerì gàɓ ì com ìnɛ à rì lɛ à pyeɗ a mɛɛ mii lɔŋ yɛ̀ɛ ìtèɗ wii wu ri, ŋwosi Sɔnɗì bimiɗ, lɛ kɛ̀ɛ ɓoŋ lɛ, ɓɛɛ tumɛn ɓɛ̀syɔ̀ɔ̀ di màa kpaŋ.

ÀPÒKÀLIƁSƐ̀ 1:10

Ǹghay à sɛngà ɓi mɛ̀ ŋwosi Kan fɔɔnnɛ ǹwokà coo jɛ̀ɛ̀ mɛ̀ ajɛ̀m lɔŋ yɛ̀ɛ gom ì ɗyam ɗi ɓɛɛ̀ rɔŋɗɔ̀ŋ,