ZYAŊ 19:4 - Bafia Nouveau Testament

⁴ Nni Pilat à kpaŋdìghày, à kpaa Ɓɛ̀yudɛ̀n lɛ: Ghɛɛna, ǹti lɛ, nkpaŋziì mìni nyi; ɓì ghɛ̀ɛ̀sɛɛ kì yiì lɛ, ǹghɛɛ ɓi kiɓan ki ɓeɓtɛn ki à kìi, ki ki ri lɛ ɓɛ sɔmɛ̀n nyi miì.

ZYAŊ 19:4 ပူးပေါင်းရင်းမြစ်များ

MATYOO 27:19

Yɛ̀ɛ Pilat à ɓaghà di à kaka ɓi naà-ɓɛ̀yɔ̀m, nni gil a romgày mum lɛ a kpaa nyi lɛ: Kɔ̀ɔ ghàɓ gaa ìnɛ ɓi saaɗ à mum ànɛ̀n, lɛ ɓi-ru wu gɛɛ̀nɛ, ɓìdɛ̀ndɛm ɓyaa yeesii mɛ̀ lɛɛ̀gwey ɓisu wìì.

MATYOO 27:24

Yɛ̀ɛ Pilat à ghɛngà lɛ, mɛ̀tɔɔ̀gtɔɔgh mii mɛ ghɛɓsii ɓi com, kìɓan kifog kìyoòyòò kɛɛ̀ kɛ̀nkɛn asu ǹkɛ̀nkɛnɛn, nni à tekà mɛ̀nig, à sògtɛ̀n ɓyàg ɓi mis mɛ gwìy ì ɓum ìnɛ ì ɓaghà wɔɔ, à kpaa lɛ: Ǹ-yin lɛ, ǹteɗ kìɓɛ̀kɛ ki ɓi bwaɓ yi saaɗ à mum ànɛ, kìɓan kii ki seesee lɔŋ mini.

MATYOO 27:4

à kpaa lɛ: Mɛ̀ɛ ǹkìi kìɓe lɛ mɛ̀ɛ ǹkàɓi bwaɓ yi ŋwaànɛ à rì kɛ̀ɛ̀ kìɓe; nni ɓɛ ɓakà nyi lɛ: Kìɓan kis ki yin miì, wɔ̀ nnɛ ki seesee.

MATYOO 27:54

Yɛ̀ɛ ǹkɔ̀mɛ̀n ɓɛ̀sujàà, rì ɓumɓɛ à ɓaghà ɓiì ɓèŋɓeŋi Yeesus rì ɓɔ ɓɛ ghɛngà di zi i nyɛ̀ŋɗɛɛ, ɓɛghɛɛdi ɓìɓan ɓimbog ɓi ɓi kilɛ̀ngà ɓiǹ, nni ɓɛ risìghà lɛɛ̀gwey, ɓɛ kpaa lɛ: Yeesus àa ǹɗì Man à Bɛ̀ll a tààkaà.

LUKAS 23:4

Nni Pilat à kpaaghà ɓɛ̀pìrɛɛtìrɛ̀ ɓɛgwey lɛ: Ǹghɛɛ ɓi kiɓan ki ɓeɓtɛn ki ŋwaànɛ à kìi.

LUKAS 23:41

Ɓi ɓɛg, wìs ǹtɔɓ wis wu wooghrɛɛ lɛ saaɗ, ɓisuulɛ, tì teri mɛ̀lèɓ mɛ mɛ ghɛɛ̀sɛɛ rì mɛ̀kìkìì mis, wɔ̀lɛ ŋwaànɛ, àa nkìi ɓi kiɓan ki ɓeɓtɛn.

LUKAS 23:47

Yɛ̀ɛ ǹkɔ̀mɛ̀n-ɓɛ̀sujàà à ghɛngà com ki ki kilɛ̀ngà kiǹ, nni à faghà Bɛ̀ll rìkem, à kpaa lɛ: Ŋwaànɛ àa nɗì lɔŋ saaɗ à mum a tààkaà.

ZYAŊ 18:33

Nni Pilat à sugtìghà kì ɗiŋii ɓi kìkpanà ki ɓɛyɔ̀m, à reŋì Yeesus, à tɔg nyi lɛ: Ù rì nya rìfòm ɗi Ɓɛ̀yudɛ̀n?

ZYAŊ 18:38

Nni Pilat à tɔkà nyi lɛ: Saaɗ innɛ cɛ? Yɛ̀ɛ à kpaaghà fɔlɔɔ, nni à kpaŋdìghà, à kɛ̀n jàŋ inɛ Ɓɛ̀yudɛ̀n ɓɛ ɓaghà, à kpaa ɓɔ lɛ: Mɛ̀ ǹghɛɛ ɓi kiɓan ki ɓeɓtɛn ki ŋwaànɛ à kìi.

ZYAŊ 19:6

Wɔ̀lɛ yɛ̀ɛ ɓɛ̀pìrɛɛtìrɛ̀ ɓɛgwey ɓɛ ghɛngà nyi, ɓɛ kpaa jɛ̀ɛ̀ aɗyoo lɛ: Kpana nyi ɓi kɔrɔs, kpana nyi ɓi kɔrɔs. Pilat à kpaa ɓɔ lɛ: Mìniìɓɔmiɗ terina nyi, ɓi kpaǹ nyi ɓi kɔrɔs. Ɓi ɓɛg wɛ̀m, mɛ̀ ǹghɛɛ ɓi kiɓan ki ɓeɓtɛn ki à kìi, ki ki ri lɛ ɓɛ sɔmɛ̀n nyi miì.

2 KƆ̀RƐ̀ŊTYƐŊ 5:21

Roànɛ à kìghà ɓi kiɓe nsoò ŋwos bog, Bɛ̀ll à ghaasìghà nyi kìɓe ɓisu wis, lɛ di ti ghɛn kìrɔɔ ɓi kìsay ki Bɛ̀ll à kìghà lɛ ti ɓa ɓum ɓɛ saaɗ ɓi mis mìì.

EBIREEGH 7:26

Rìkuu ɗi nlàmì-ɓɛ̀pìrɛɛtìrɛ̀ àgwey ɗi ɗi ghɛɛ̀sɛɛ rì ɓìsi ɗyɛɛ ri Yeesus, lɛ à rì ǹtɛnɛn, kɛ̀ɛ̀ tìfin, kɛ̀ɛ̀ rìnàn, ɓɛ ghasìghà nyi rì ɓɛ̀kìì-kìɓe, à ki teŋmɛɛ à cee ɗyoo.

1 PYƐƐRI 1:19

lɔŋ rì bwaɓ yi Kiris yi yi ri gìn i com innɛ ɓɛ kweɗkà mìni. Kiris yɛɛ ri fɛlɛ yɛ̀ɛ man à jɔ̀ɔ̀ ànɛ à rì kɛ̀ɛ̀ fìsɛm, kɛ̀ɛ̀ kìpɛ̀mì;

1 PYƐƐRI 2:22

Nyi ànɛ à kìghà ɓi kiɓe, kɛ̀ɛ ki kpaa kiɓan ki pwàà nsoò ŋwos bog;

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

1 ZYAŊ 3:5

Ɓì yii lɛ Yeesus Kiris à yùghày lɛ a pisi ɓìɓe, nni kìɓe ki yin a lɔ̀ŋkii.